Eime vaʼerã segúro pe erévare

1 Tesalonicenses 1:5

MBAʼÉPA HEʼISE: Ehechauka vaʼerã reimeha segúro opa mbaʼe erévare ha avei pe informasión iñimportanteha umi nerendúvape g̃uarã.

MBAʼÉICHAPA IKATU REJAPO

• Ejeprepara porã vaʼerã. Estudia pe informasión entende porã meve umi mbaʼe iñimportantevéva, ha mbaʼéichapa umíva oñemopyenda la Bíbliape. Eñehaʼã eexplika opa mbaʼe isensilloveháicha ha upearã natekotevẽi ere hetaiterei mbaʼe. Epensa mbaʼéichapa pe informasión oipytyvõta umi nerendúvape, ha ejerure Jehovápe omeʼẽ hag̃ua ndéve ijespíritu.

• Umi mbaʼe erévare ojekuaa vaʼerã nderedudaiha. Eñehaʼã vaʼerã ere opa mbaʼe ne ñeʼẽtépe ha ani releénte oĩhaichaite pe informasiónpe. Avei eipuru vaʼerã umi fráse ohechaukáva nde voi regueroviaha umi mbaʼe eréva.

• Nesinséro vaʼerã ha eñeʼẽ nde pyʼaite guive. Eñeʼẽ vaʼerã enterovéva nerendu hag̃uáicha, ha avei emaña meme vaʼerã umi nerendúvare.