¿Rehechakuaápa Jehová okontestaha ne ñemboʼe?

La Bíbliape jatopa hetaiterei ehémplo ohechaukáva Jehová okontesta hague umi isiervokuéra ñemboʼe. Haʼekuéra ohechakuaárõ guare mbaʼéichapa Jehová ojepyʼapy hesekuéra ha okontesta chupekuéra iñemboʼe, ojerovia mbareteve hikuái. Upévare iporãta ñande avei ñañemboʼe jave jajeruréramo espesífikamente la jaipotáva ha ñañatende porã vaʼerã japilla hag̃ua oñekontesta vove ñandéve. Jareko vaʼerã enkuénta Jehová ikatuha okontesta ñane ñemboʼe heta hendáicha o ikatu voi ojapove la ñande jajerurévagui (2Co 12:7-9; Ef 3:20). ¿Mbaʼéichapa Jehová okontesta jepi ñane ñemboʼe?

• Ñaneprovléma jave haʼe omeʼẽ ñandéve fuérsa, ñanemoñeñandu porãve térã omombarete ñande jerovia (Flp 4:13).

• Ñanemoarandu jadesidi porã hag̃ua (Snt 1:5).

• Omeʼẽ ñandéve pe deséo ha pe podér jajapo hag̃ua iporãva (Flp 2:13).

• Ñanembopyʼaguapy jajepyʼapyeterei jave (Flp 4:6, 7).

• Ojevale ótrore ñanepytyvõ hag̃ua ñañeñandu vai jave térã jahupyty hag̃ua ñane remikotevẽ (1Jn 3:17, 18).

• Ñañemboʼe jave ñande rapichakuéra rehehápe haʼe oipytyvõ chupekuéra (Hch 12:5, 11).

EHECHA PE VIDÉO JEHOVÁ OHENDU “UMI HÉNTE ÑEMBOʼE”, HA UPÉI ERRESPONDE KOʼÃ PORANDU:

• ¿Mbaʼéichapa ermáno Shimizu experiénsia ikatu omokyreʼỹ umi hasykatúvape?

• ¿Mbaʼéichapa ikatu jasegi ermáno Shimizu ehémplo?