JAIKO KRISTIÁNO TEÉICHA
Tuakuéra, peipytyvõkena pene famíliape iñaranduve hag̃ua
Oĩ heta mbaʼe tuakuéra ikatúva ojapo ifamília iñaranduve hag̃ua Jehová resa renondépe, por ehémplo ikatu oipytyvõ chupekuéra oñevenefisia hag̃ua umi rreunióngui. Umi mbaʼe ohecháva ha ohendúva upépe ha avei okomenta jave hikuái, oipytyvõta chupekuéra oikuaave hag̃ua Jehovápe ha oñemoag̃uive hag̃ua hese (Dt 31:12, 13). Tuakuéra, ¿mbaʼéichapa ikatu peipytyvõ pene família mimíme oñevenefisia hag̃ua umi rreunióngui?
Pejapo ikatúva guive siémpre peime hag̃ua Salónpe rreunionrã (Sl 22:22).
Peñemongeta ermanokuéra ndive Salónpe, tahaʼe oñepyrũ mboyve térã opa rire umi rreunión (Heb 10:25).
Pejasegura pene família mimi toreko umi puvlikasión ojepurútava rreunionhápe, tahaʼe impréso térã iselulár o távletpe.
Peipytyvõ pene famíliape oprepara hag̃ua ikomentariorã iprópia palávragui (Mt 21:15, 16).
Siémpre peñeʼẽ porã umi rreuniónre ha umi mbaʼe oñemboʼévare upépe.
Peipytyvõ pene famíliape omopotĩse hag̃ua pe Salón del Reino ha avei oñemongeta hag̃ua umi ermáno ha ermána ijedávandi.
Peipytyvõ jave pene famíliape amás día oñemoag̃uive hag̃ua Jehováre, ikatu pepensa upéva haʼeha peteĩ rresponsavilida tuichaitereíva ha ndaikatumoʼãiha pekumpli porã, péro ikatu peime segúro Jehová katuete oĩtaha pende ykére penepytyvõ hag̃ua (Is 40:29).
EHECHA PE VIDÉO JEHOVÁ OMOMBARETE UMI TUAKUÉRAPE, HA UPÉI ERRESPONDE KOʼÃ PORANDU:
Daniel ha Lidia ikaneʼõitereíma kuri, ¿mbaʼéichapa upéva oafekta chupekuéra?
¿Mbaʼérepa tuakuéra ojerure vaʼerã Jehovápe omombarete hag̃ua chupekuéra?
¿Mbaʼéichapa Daniel ha Lidia ohechauka ojeroviaha Jehováre?