B1
Mbaʼe mensáhepa oreko la Biblia
Ñandejára Jehová oreko derécho ñanegoverna hag̃ua. Ndaipóri ótro haʼéicha ogoverna porãva. Ñandejára rembipota yvyporakuérape g̃uarã oñekumplíta katuete.
4026 rire a.C. “Pe mbói” térã Satanás ontendeka Jehová nogovernaporãiha ha ndorekoiha derécho ogovernávo yvyporakuérape. Jehová opromete omopuʼãtaha peteĩ “familiare”, térã “desendiénte” ohundítava pe mbóipe (Génesis 3:1-5, 15, nóta). Jehová omeʼẽ tiémpo yvyporakuérape oñogoverna hag̃ua, péro opyta hikuái Satanás poguýpe. |
1943 a.C. Jehová heʼi Abrahánpe pe “familiare” outaha idesendiéntegui (Génesis 22:18). |
1070 rire a.C. Jehová oasegura rréi Davídpe ha itaʼýra Salomónpe pe “familiare” oñepromete vaʼekue outaha idesendiéntegui (2 Samuel 7:12, 16; 1 Reyes 9:3-5; Isaías 9:6, 7). |
29 d.C. Jehová ohechauka Jesús haʼeha pe “familiare”, haʼe hína pe eredéro ogovernátava David trónope (Gálatas 3:16; Lucas 1:31-33; 3:21, 22). |
33 d.C. Pe mbói térã Satanás, oisuʼu ipytápe pe “familiarépe”, haʼéva hína Jesús ha ojuka chupe, péro Jehová omopuʼã jey chupe. Yvágape Jehová oasepta hekove repykue omeʼẽ vaʼekue sakrifísioramo. Péicha Ñandejára ikatúma operdona yvyporakuérape ipekádo ha omeʼẽ chupekuéra oportunida oikove hag̃ua pára siémpre (Génesis 3:15; Hechos 2:32-36; 1 Corintios 15:21, 22). |
1914 rupi d.C. Jesús oity Satanáspe yvágagui ko yvy ape ári, péro peteĩ tiémpo mbykymírente (Apocalipsis 12:7-9, 12). |
Koʼẽrõitéma Jesús oñapytĩta Satanáspe 1.000 áñore ha upéi ohundíta chupe, péicha haʼete opyrũva pe mbói akãre ha ombochipe. Upéicha oñekumplíta Jehová volunta ko yvy ha yvyporakuérape g̃uarã, avei oñemopotĩta héra ha entéro ohechakuaáta Jehová ogoverna porãha (Apocalipsis 20:1-3, 10; 21:3, 4). |