PURAHÉI 141
Ñande rekove Jehová rregálo porãite
Edisión imprésa
1. Mitãmi onase, kuarahy osẽ,
umi plánta okrese oky rire,
koʼãva mbaʼe Jehová omeʼẽ.
¡Hetaite mbaʼe porãma jaguereko!
(KÓRO 1)
¿Mbaʼéicha ikatu japaga chupe?
Jahayhu ñande Ruetépe ha ñamombaʼe.
Ñande rekovemi ñande Ru rregálo
ha nañamereséi. ¡Jaagradese chupe!
2. Jepeve heta oñentregase,
hekovégui ikuerái, omanose.
Ñande javyʼa, nañañentregái,
káda día jaikovégui jaagradese.
(KÓRO 2)
¿Mbaʼéicha ikatu japaga chupe?
Jahayhu enterovépe ha ñamombaʼe.
Ñande rekovemi ñande Ru rregálo
ha nañamereséi. ¡Jaagradese chupe!
(Ehecha avei Job 2:9; Sal. 34:12; Ecl. 8:15; Mat. 22:37-40; Rom. 6:23).