PORANDU 17
¿Mbaʼéichapa la Biblia ikatu oipytyvõ ne famíliape?
MENAKUÉRA/TUAKUÉRA
“Peichaite avei menakuéra ohayhu vaʼerã hembirekópe, haʼekuéra ojehayhuháicha. Pe ohayhúva hembirekópe ojehayhu ijupe voi. Pórke ndaipóri ningo kuimbaʼe ndochaʼéiva hetére, upéva rangue mborayhúpe oñangareko hetére [...]. Káda uno pehayhu vaʼerã pene rembirekópe peẽ voi pejehayhuháicha”.
“Tuakuéra, ani pedesahusia pene famíliape, síno pesegi pemongakuaa, pekorrehi ha peñemoñeʼẽ chupekuéra Jehová heʼiháicha”.
TEMBIREKOKUÉRA
“Pe tembireko katu orrespeta vaʼerã iménape ipyʼaite guive”.
“Peẽ tembirekokuéra, peñemoĩkena pene ména poguýpe, ojapo vaʼerãháicha voi ñande Ruvicha segidorkuéra”.
MITÃNGUÉRA
“Mitãnguéra, peneñeʼẽrendúkena pende tuakuérape ñande Ruvicha oipotaháicha, upéva ningo oĩ porã Ñandejára renondépe. ‘Emombaʼékena nde túa ha nde sýpe’, péva hína pe primer mandamiénto oñemeʼẽ vaʼekue ko promésa ndive: ‘Oho porã hag̃ua ndéve ha reikove puku hag̃ua ko yvy ape ári’”.
“Mitãnguéra, peneñeʼẽrendúkena pende tuakuérape entéro mbaʼépe, pórke upéva ogusta ñande Ruvichápe”.