6. Pekorrehi chupekuéra

¿MBAʼÉPA HEʼISE?

Pedisiplina pene famíliape heʼise pegia ha pemboʼe vaʼerãha chupekuéra. Upearã sapyʼánte pekorrehi vaʼerã umi mitãme ofalla jave. Péro pyʼỹive tekotevẽta pemboʼe pene famíliape umi mbaʼe oipytyvõtava chupekuéra odesidi porã hag̃ua pono ombyasy upéi la ojapo vaʼekue.

¿MBAʼÉREPA IÑIMPORTÁNTE?

Umi áño ohasa vaʼekuépe heta tuakuéra oñepyrũ ndokorrehivéi ifamíliape, pórke okyhyje umi mitã oúramo ndojeroviavéi ijehe kon el tiémpo. Péro umi sy ha túa iñarandúva omoĩ rrégla hogapýpe ha omboʼe ifamíliape iñeʼẽrendu vaʼerãha.

“Umi mitãme oñemoĩ vaʼerã límite ikatu hag̃uáicha okakuaapa vove iñakãguapy ha irresponsávle. Noñedisiplináirõ chupekuéra oho vaíta hikuái, ojoguáta peteĩ várko ndorekóivape timón oho porã hag̃ua, ha upévare oho oimeha gotyo ha ipahápe ochoka” (Pamela).

¿MBAʼÉPA IKATU REJAPO?

Ani reñekontradesi. Ne família ndojapóirõ la ojeʼéva chupe rejasegura vaʼerã tohecha la oikóva naiñeʼẽrendúi haguére. Péro péicha avei iñeʼẽrendu jave efelisita vaʼerã chupe.

“Ko múndope la hénte ndojepokuaái iñeʼẽrendu, upévare siémpre afelisita che membykuérape ojapo jave la ojeʼéva chupekuéra. Ahechakuaa péicha ifasilveha avei umi mitãme oasepta ojekorrehi jave chupekuéra” (Cristina).

¿MBAʼÉPA HEʼI LA BIBLIA? “Entéro mbaʼe oñotỹva peteĩ persóna, upéva avei omonoʼõta” (Gálatas 6:7).

Ekorrehi hendaitépe. Ekorrehi jave ne famíliape ereko vaʼerã enkuénta ijeda, mbaʼépa ikatu o ndaikatúi ojapo ha oimépa ivaieterei raʼe la ojapo vaʼekue. Ideprovechove redisiplina chupekuéra asegún la oiko vaʼekue, ha ani rekastiga chupekuéra ótra kosaitépe. Por ehémplo, ne famíliape emoĩramo rrégla oipuru hag̃ua selulár ha ndorrespetáirõ upéva, ikatu emboʼóra chupe térã eipeʼa chugui pe selulár por un tiémpo. Péro eñatende vaʼerã ani embotuichaiterei umi provléma.

“Añehaʼã aikuaa raẽ oimépa che família idesovediénte ojaposégui voi térãpa ndohechakuaáinte kuri. Idiferénte ningo jakorrehi lája ñane famíliape ofalla jave a propósito térã ofalla jave ndohechakuaái rupínte” (William).

¿MBAʼÉPA HEʼI LA BIBLIA? “Ani pedesahusia pene famíliape ani hag̃ua oñedesanima hikuái” (Colosenses 3:21).

Nekariñósokena. Ifasilvéta pe mitãme oasepta hag̃ua pe disiplína rekorrehíramo chupe mborayhúpe.

“Ore família ojavy jave, romomanduʼa chupe mbaʼeichaitépa orembovyʼa odesidi porã haguére oikóvo. Roʼe chupe la ojapo vai vaʼekue ndopytamoʼãiha pára siémpre oñehaʼãramo osolusiona pyaʼe, ha ore roĩha roipytyvõ hag̃ua chupe” (Daniel).

¿MBAʼÉPA HEʼI LA BIBLIA? “Pe oporohayhúva ipasiénsia ha imbaʼeporã” (1 Corintios 13:4).