Ehémplo porã: David

David haʼe vaʼekue peteĩ músiko ivaletereíva, chupe ogustaiterei la músika ha haʼe avei kompositór. Haʼe voi ojapo umi instruménto musikál oipurúva (2 Crónicas 7:6). Ivaleterei rupi, pe rréi oĩva Israélpe ohenói voi chupe ombopu hag̃ua pe palásiope (1 Samuel 16:15-23). David oasepta pe traváho, péro noñemombaʼeguasúi upévare, ha ndohejái pe músika odomina chupe. Upéva rangue, oipuru upe avilida omombaʼeguasu hag̃ua Jehovápe.

¿Ndegustápa avei la músika? Ndahaʼéirõ jepe peteĩ músiko ivaletereíva, nde ikatu resegi David ehémplo. ¿Mbaʼéichapa? Ani reheja pe músika nedomina, ha ani reheja umi músika ivaíva nemomýi repensa térã rejapo hag̃ua álgo ndogustáiva Ñandejárape. Upéva rangue, eipuru pe músika edisfruta hag̃ua nde rekove. Pe kapasida jarekóva jajapo ha jadisfruta hag̃ua la músika haʼe peteĩ rregálo oúva Ñandejáragui (Santiago 1:17). David oipuru porã vaʼekue ko rregálo ombotuicha hag̃ua Jehovápe, ¿resegítapa iñehémplo?