Japredika pe Rréino: Jaikuaauka umi notísia porã oparupiete

PYHAREVETE rejeprepara reho hag̃ua predikasiónpe. Upe díape ningo nerembaʼapomoʼãi ha hiʼãiterei ndéve repyta rekeve. Péro reñemboʼe rire nekyreʼỹvéma reho hag̃ua. Otoka ndéve resẽ peteĩ ermána ijedávandi. Haʼe heta mbaʼéma oaguanta ha imbaʼeporãiterei enterovéndi. Ha nde remombaʼeterei upéva. Pepredika aja ogahárupi repensa heta ermáno ha ermána oparupigua opredikaha avei hína. Haʼekuéra oiporu umi puvlikasión nde reguerekovaichagua, ha oñemboʼe chupekuéra ndéicha avei. Upéi reho nde rógape píla memete ha revyʼaiterei nderepytái haguére rekeve.

Jesús heʼi vaʼekue ojepredika vaʼerãha opárupi umi ára pahápe (Mat. 24:14). ¿Mbaʼéichapa oñekumpli ko profesía? Ko tiémpope pe predikasión haʼe hína pe tembiapo iñimportantevéva ojejapóva Ñandejára Rréino poguýpe. Upéva rupive oñepytyvõma hetaiterei héntepe ohechakuaa hag̃ua Ñandejára Rréino oexistiha. Ko pártepe jahecháta mbaʼéichapa opredika ñane ermanokuéra, ha mbaʼe mbaʼépa oiporu hikuái upearã.