Diferénte témplo, diferénte mbaʼe ñanemboʼéva

Pe témplo Ezequiel ohecha vaʼekue visiónpe:

• Ezequiel omyesakã upéva umi judío oĩvape g̃uarã prisionéroramo Babilóniape

• Oreko peteĩ altár ojejapohápe heta sakrifísio

• Orresalta mbaʼéichapa Jehová oipota ojeadora chupe

• Ñanemopensa ojeadora jey hague Jehovápe áño 1919 guive

Pe témplo espirituál tuichaitéva:

• Pablo omyesakã upéva umi kristiáno hebréope g̃uarã

• Oreko peteĩ altár, upépe ojejapo peteĩ sakrifísionte “una ves ha opa ára g̃uarã” (Heb. 10:10)

• Oexplika mbaʼépa orrepresenta pe tavernákulo ha umi témplo añetehápe oexisti vaʼekue: Opa mbaʼe ojapo vaʼekue Jehová Itaʼýra Jesucristo sakrifísio rupive, ikatu hag̃uáicha ojeadora Ñandejárape haʼe oipotaháicha

• Ñanemopensa ojapo vaʼekuére Cristo, Súmo Saserdóte Tuichavévaramo, áño 29 guive d.C., áño 33 peve d.C.