Umi mbaʼe ñanemboʼéva Ezequiel témplo

Ojeprotehe ha oñembotuicha pe adorasión oñemeʼẽva Jehovápe

Ezequiel visiónpe pe témplo oñemoĩ peteĩ “montáña ijyvatetereíva ári” (1). ¿Ñamoĩpa pe adorasión ñameʼẽva Jehovápe peteĩ lugár ijyvatévape, ñamotenondévo ñande rekovépe opa mbaʼe ári?

Pe témplo jerére oĩ vaʼekue peteĩ lugár nandi tuicháva (3), ha oñemongora vaʼekue peteĩ murállape (2). Upe murálla ñanemomanduʼa ndajahejái vaʼerãha mbaʼeve omongyʼa pe adorasión ñameʼẽva Jehovápe. Upe murálla odividi vaʼekue peteĩ mbaʼe sagrádova peteĩ mbaʼe “ndahaʼéivagui sagrádo” (umi mbaʼe ojejapóva normálmente káda día ha ndorekóiva náda ke ver pe adorasión oñemeʼẽvandi Jehovápe). Oiméramo koʼã mbaʼe jepe oñemomombyry vaʼerã ñane adorasióngui, upéicharõ koʼytevéntema ñanderekopotĩ ha ñañemomombyry vaʼerã umi mbaʼe kyʼágui jaadora hag̃ua Jehovápe koʼág̃arupi (Ezeq. 42:20).

Umi vendisión opa ára g̃uarãva

Pe témplogui osẽ peteĩ ysyry ha upéi oiko chugui peteĩ rrío (4), ha ohasahárupi oporomoingove ha omboprodusi porã pe yvy. Umíva umi vendisión rehe ñañeʼẽta ko lívrope kapítulo 19-pe.

Peteĩ mandamiéntonte enterovépe g̃uarã

Umi entráda okapegua (5) ha hyepypegua (9) ijyvatetereíva ñanemomanduʼa Jehová orekoha umi mandamiénto ijyvatetereíva enterove umi oadorávape g̃uarã chupe. Avei jahechakuaa umi entráda okapegua ha hyepypegua orekoha la mísma medída. Upéva ningo oĩ porãiterei pórke Jehová mandamientokuéra peteĩchante enterove isiervokuérape g̃uarã, tahaʼe haʼéva pe rresponsavilida orekóva térã moõpa oservi.

Ojekaru Jehovándi

Umi komedór (8) ñanemomanduʼa ymave pe puévlo ikatu hague hoʼu umi sakrifísio ogueraháva pe témplope, péicha haʼete voi okarúva hikuái Jehovándi. Koʼág̃arupi pe témplo espirituál jaadorahápe Ñandejárape idiferénte, pórke oñemeʼẽma vaʼekue “peteĩ sakrifísionte” (Heb. 10:12). Upéicharõ jepe, kristianokuéra omeʼẽ isakrifísio omombaʼeguasúva Ñandejárape (Heb. 13:15).

Ñandejára ogarantisa oikotaha umi mbaʼe

Ndéve g̃uarã oiméne hetaitereíma umi detálle oñemeʼẽva oñemedi hag̃ua entéro mbaʼe pe visiónpe. Péro umíva ñanemboʼe peteĩ mbaʼe iñimportánteva: Umíva ningo ogarantisa oñekumplitaha katuete Jehová promésa ojeadora jeytaha chupe haʼe oipotaháicha, oñekumplitaha oĩhaichaite ha nokambiamoʼãiha umi medídaicha. Ezequiel ndeʼíri ohecha hague peteĩ persónape pe visiónpe, upéicharõ jepe haʼe omombeʼu Jehová omeʼẽ hague konsého imbaretéva umi saserdótepe, umi oporomoakãvape ha pe puévlope. Enterove Ñandejára siervokuéra okumpli vaʼerã umi imandamiénto ihústova.