REIKUAAVE HAG̃UA 19B
¡Peteĩ ysyry michĩgui oiko peteĩ rrío!
Ezequiel ohecha vaʼekue peteĩ rrío osẽva pe témplogui. Upe ysyry michĩ vaʼekue oñepyrũrõ guare péro ohupyty mboyve 2 kilómetro, oikóma chugui peteĩ rrío ipypukuetereíva. Pe rrío orílla pukukuére haʼe ohecha heta yvyramáta iporã porãva, hiʼa hetáva ha hogue ojepurúva pohãrã. ¿Mbaʼépa heʼise upéva?
Pe rrío oguerúva heta vendisión
YMA: Umi oĩ vaʼekue prisionéro orresivi heta vendisión ou jeýrõ guare hetãme, pórke oipytyvõ hikuái ojeadora jey hag̃ua Jehovápe pe témplope
KOʼÁG̃ARUPI: Áño 1919-pe oñepyrũ jey ojeadora Jehovápe haʼe oipotaháicha, ha péicha jareko oportunida jarresivívo heta mbaʼe ñanepytyvõva jaadora hag̃ua Jehovápe haʼe oipotaháicha ha jahupyty pe vída etérna
AMO GOTYOVE: Armagedón rire Jehová ñanevendesíta heta hendáicha. Haʼe ñanepytyvõta jahupyty hag̃ua perfeksión ha ñanemboʼéta umi enseñánsa verdadéra ipyahúva
Y oporomoingovéva
YMA: Hetavéramo jepe ohóvo umi judío, Jehová omoĩ umi saserdóte omboʼe ha ojapo hag̃ua sakrifísio, péicha haʼekuéra siémpre ikatúta oadora chupe haʼe oipotaháicha, ojokoʼỹre chupekuéra mbaʼeve
KOʼÁG̃ARUPI: Okakuaávo ohóvo pe paraíso espirituál, hetave persóna oñevenefisia umi y orekóvagui umi enseñánsa oĩva la Bíbliape, oikuaa Jehovápe ha oadora chupe haʼe oipotaháicha umi ótro siérvo ifiélvandi
AMO GOTYOVE: Hetaiterei hénte oikove jeýtava omoirũta umi ojesalvávape Armagedónpe, ha umi vendisión oúva Jehovágui ohupytýta enterovépe
Yvyramáta hiʼáva ha hogue ojepurúva pohãrã
YMA: Jehová omboʼe ipuévlope heta mbaʼe omombaretéva ijerovia ha oipytyvõ chupekuéra oadora hag̃ua chupe haʼe oipotaháicha oho jeýrõ guare hikuái hetãme. Avei oipytyvõ chupekuéra anivéma hag̃ua oadora umi taʼanga ni oñemongyʼa pe adorasión fálsape
KOʼÁG̃ARUPI: Oñemyesakã heta enseñánsa oĩva la Bíbliape, ha upéva oipytyvõ Jehová puévlope ifiél hag̃ua chupe, pono ou opeka vai ha ani hag̃ua ova hesekuéra umi lája vai orekóva umi hénte oĩva ko múndope
AMO GOTYOVE: Cristo ha umi 144.000 ogovernátava hendive oipytyvõta yvyporakuérape ohupyty hag̃ua perfeksión, ha onohẽta chupekuéra mbaʼasy ha ñemano poguýgui pára siémpre