LEKSIÓN 44
¿Mbaʼeichagua fiéstapa ndoguerohorýi Ñandejára?
Jehová oipota javyʼakuaa ha jajapo mimi jepi umi fiésta. Péro, ¿oguerohorýpa opaichagua fiésta ojejapóva? ¿Mbaʼéichapa ñande ikatu jahechauka jahayhuha Jehovápe jadesidíta jave jafestehátapa peteĩ arete térã nahániri?
1. ¿Mbaʼérepa oĩ heta fiésta Jehová ndoaseptáiva?
Ikatu reñesorprende hína reikuaávo oĩha heta fiésta oñemoĩva la Biblia omboʼévare térã oúva rrelihión japúgui. Oĩ avei fiésta orekóva espiritísmo térã ojejapóva umi omano vaʼekuépe g̃uarã, ótro katu oreko aguería, ha oĩ avei umi fiésta la hénte ojapóva oimoʼãgui isuertetaha (Isaías 65:11). Upévare Jehová heʼi voi isiervokuérape: “Pesẽke ijapyteguikuéra, [...] ha anivéke pepoko pe mbaʼe kyʼa rehe” (2 Corintios 6:17).a
2. ¿Mbaʼépa Jehová opensa umi fiésta ojejapóvare oñemombaʼeguasu hag̃ua peteĩ persónape?
Jehová ndoipotái jajogua umi “ojeroviávape yvypóra reírente”, pórke oikuaa upéva haʼeha peteĩ ñuhã (elee Jeremías 17:5). Oĩ arete ha feriádo ojejapóva umi governánte térã ex kombatiénte rérape, avei ojejapóva ojegueromanduʼa hag̃ua pe día de la independénsia, día de la vandéra, día de la pátria ha umícha (1 Juan 5:21). Ha oĩ avei umi fiésta la hénte ojapóva oapoja hag̃ua peteĩ organisasión térã pe polítika. Jahechaháicha oĩ heta fiésta omombaʼeguasúva peteĩ persóna térã peteĩ organisasiónpe, ha oĩ voi umi oñemoĩva Ñandejára heʼíva kóntrape. ¿Mbaʼéichapa nde ere haʼe oñeñanduha japartisipáramo umichagua fiéstape?
3. ¿Mbaʼépa ojejapo jepi umi fiestahápe ikatúva ndogustái Ñandejárape?
La Biblia heʼi ndovaleiha ‘ñamokõ rasa, jafarrea itarovávaicha ni jajapo fiésta jakaʼu hag̃ua’ (1 Pedro 4:3). Heta fiéstape la hénte ojapo jepi sarambi ha itieʼỹeterei. Péro jaipotáramo Jehovápe ñane amigorã ñañemomombyrýmante vaʼerã koʼãichagua fiésta kyʼágui.
EJEPYʼAMONGETAMÍNA
Jahechamína mbaʼéichapa ikatu redesidi porã oiko jave peteĩ arete térã peteĩ festého, ha péicha rembovyʼa hag̃ua Jehovápe.
4. Ñamboykete umi fiésta Jehovápe ndogustáiva
Elee Efesios 5:10, ha upéi erresponde koʼã porandu:
¿Mbaʼéguipa jajasegura vaʼerã jadesidíta jave japartisipátapa peteĩ fiéstape térãpa nahániri?
¿Mbaʼeichagua aretépa ojefesteha pe nde reikohápe?
¿Ndépa ere umíva ogustaha Jehovápe?
¿Ndépa reñeporandúmava mbaʼépa Ñandejára opensa umi kumpleáñore? La Biblia ndeʼíri Ñandejára siervokuéra ofesteha hague kumpleáño, péro si omombeʼu mokõi persóna ndoadoráiva chupe ojapo hague upéva. Elee Génesis 40:20-22 ha Mateo 14:6-10. Upéi erresponde koʼã porandu:
¿Mbaʼépa oiko raʼe umi mokõi kumpleañohápe?
Elee rire koʼã téxto, ¿mbaʼépa nde ere Jehová opensaha umi kumpleáñore?
Upéicharõ jepe oiméne nde reikuaase: “¿Sera piko añete Jehovápe oimporta afesteháramo kumpleáño térã apartisipáramo peteĩ fiésta la Biblia ndoapojáivape?”. Elee Éxodo 32:1-8. Upéi ehecha pe VIDÉO, ha erresponde koʼã porandu:
¿Mbaʼérepa jajasegura vaʼerã jaikuaaha mbaʼe mbaʼépa oĩ porã Jehová renondépe?
¿Mbaʼéichapa ikatu jajapo upéva?
Mbaʼeichagua fiésta térã aretépa ndogustái Ñandejárape
¿Oñemoĩpa la Biblia omboʼévare? Reikuaa hag̃ua upéva reinvestiga vaʼerã mbaʼéichapa oñepyrũ raʼe upe fiésta.
¿Omombaʼeguasúpa peteĩ persónape, organisasión térã umi mbaʼe orrepresentávape peteĩ paíspe? Ñande ñamombaʼeguasu vaʼerã Jehovápe añoite, ha ñaime segúro haʼe añoite ikatuha osolusiona umi provléma oĩva ko múndope.
¿Ojejapópa ko fiéstape umi mbaʼe la Biblia heʼíva oĩ vaiha? Siémpre ñanepotĩ vaʼerã Ñandejára renondépe opa mbaʼépe.
5. Ojerrespeta hag̃ua la regueroviáva, nde voi remoĩ vaʼerã nde párte
Ikatu sapyʼánte ijetuʼu ndéve reñenega hag̃ua oĩ jave nemboligáva refesteha hag̃ua peteĩ mbaʼe ndogustáiva Jehovápe. Péro iñimportánte nepasiénsia ha reexplika porãnte mbaʼérepa nde redesidi nderefestehamoʼãiha pe fiésta. Reikuaa hag̃ua mbaʼéichapa ikatu rejapo upéva ehecha pe VIDÉO.
Elee Mateo 7:12, ha upéi erresponde koʼã porandu:
Según ko téxto, ¿ikatúpa ere ne hentekuéra ndahaʼéivape Testígo ndovaleiha ofesteha peteĩ mbaʼe, térãpa reheja vaʼerã chupekuéra todesidi upéva?
¿Mbaʼéichapa ikatu rehechauka remombaʼe ha rehayhuha ne hentekuérape nderefesteháiramo jepe hendivekuéra umi arete?
6. Jehová oipota javyʼa
Jehová oipota jahasa porã ñane hénte ha ñane amigokuérandi. Elee Eclesiastés 8:15, ha upéi erresponde ko porandu:
¿Mbaʼéichapa ko téxto ohechauka Jehová oipotaha javyʼa?
Jehová oipota isiervokuéra ojediverti ha ohasa porã oñondive. Ehecha pe VIDÉO ohechaukáva mbaʼéichapa upéva ojekuaa umi asambléa internasionálpe.
Elee Gálatas 6:10, ha upéi erresponde koʼã porandu:
¿Tekotevẽpa si o si jafesteha peteĩ arete jajapo hag̃ua iporãva ñande rapicha rehehápe?
¿Mbaʼépa ndéve ndegustave: remeʼẽ rregálo nde rapichápe reimégui ovligádo rejapóvo upéva peteĩ arete jave, térãpa rerregala chupe álgo ndejeheguieténte?
Heta Testígo ojapo jepi fiestíta ifamiliakuérape g̃uarã térã ogueraha chupekuéra de paséo, ha umícha jave omeʼẽ jepi avei chupekuéra rregálo. Oiméramo nde nefamília, ¿mbaʼépa ikatu avei rejapo hesehapekuéra?
OĨRAMO HEʼÍVA: “Legálmenteko noimportaguasúi mbaʼéichapa oñepyrũ rakaʼe peteĩ fiésta, la iñimportántevako jahasa porãnte ñane hénte ha amigokuérandi”.
¿Mbaʼépa nde repensa upévare?
RRESÚMEN
Jehová oipota javyʼa ha jahasa porã ñane hénte ha ñane amigokuérandi, péro ndoipotái jafesteha umi arete ndogustáiva chupe.
Rrepáso
¿Mbaʼe mbaʼépa ñañeporandu vaʼerã jaikuaa hag̃ua mbaʼeichagua aretépa oguerohory Jehová?
¿Mbaʼéichapa ikatu jaexplika ñane hénte ha amigokuérape mbaʼérepa ndajafestehái peteĩ arete?
¿Mbaʼérepa jaʼekuaa Jehová oipotaha javyʼa ha jajediverti?
EINVESTIGA HAG̃UA
¿Mbaʼérepa Ñandejára ndoipotái jafesteha umi kumpleáño? Ehechamína 4 rrasón.
“¿Mbaʼérepa umi testígo de Jehová ndofestehái umi kumpleáño?” (Artíkulo oĩva jw-pe)
Ehechamína mbaʼéichapa umi mitã ohayhúva Jehovápe ikatu ombovyʼa chupe ojefesteha jave peteĩ arete.
¿Mbaʼéichapa oñeñandu hetaiterei kristiáno odesidi haguére ndofestehamoʼãiha Navidad?
“Haʼekuéra otopa álgo iporãvéva pe Navidádgui” (La Atalaya 1 de diciembre de 2012)