Umilda
¿Mbaʼépa Jehová opensa umi iñumíldevare ha umi oñembotuichávare?
Sl 138:6; Pr 15:25; 16:18, 19; 22:4; 1Pe 5:5
Ehecha avei Pr 29:23; Is 2:11, 12.
Ehémplo bíblico ikatúva nepytyvõ:
2Cr 26:3-5, 16-21. Rréi Uzías ou kuri oñemombaʼeguasu ha nokumplíri Ñandejára léi, ha oñeakonsehárõ guare chupe ipochyeterei voi. Upévare Ñandejára okastigágui chupe osẽ hese lépra.
Lu 18:9-14. Jesús omoĩ vaʼekue peteĩ ehémplo ohechauka hag̃ua mbaʼépa Jehová opensa umi iñumíldeva ha umi oñemombaʼeguasúva oñemboʼe jave.
¿Mbaʼéichapa Jehová oñeñandu peteĩ persóna iñumíldeva oñarrepentíramo ipyʼaite guive?
Ehémplo bíblico ikatúva nepytyvõ:
2Cr 12:5-7. Rréi Rehoboam ha umi prínsipe de Judá oñembyasy Jehová renondépe, ha upévare Jehová nohundíri chupekuéra.
2Cr 32:24-26. Rréi Ezequías ou kuri oñemombaʼeguasu, péro Jehová operdona chupe pórke haʼe oñemomirĩ.
¿Mbaʼérepa jaʼekuaa ñaneumílderamo jajogueraha porãvetaha umi ótrondi?
Ef 4:1, 2; Flp 2:3; Col 3:12, 13
Ehémplo bíblico ikatúva nepytyvõ:
Gé 33:3, 4. Esaú ipochy kuri Jacob ndive, péro Jacob ojotopárõ guare hendive ohechauka iñumildetereiha, ha upévare oiko jey hikuái pyʼaguapýpe.
Jue 8:1-3. Gedeón iñumílde ha heʼi umi Efraingua iñimportanteveha chugui, upévare umi efraimita oñekalmaite ha opa la provléma.
¿Mbaʼéichapa Jesús ohechauka iñimportantetereiha ñaneumílde?
Mt 18:1-5; 23:11, 12; Mr 10:41-45
Ehémplo bíblico ikatúva nepytyvõ:
Is 53:7; Flp 2:7, 8. Ojeprofetisa haguéicha, Jesús iñumílde vaʼekue ha naiprovlemaiete ou hag̃ua ko yvy ape ári omano ñanderehehápe, hiʼarive heta oñembohasa asy ha oñemotĩ chupe.
Lu 14:7-11. Jesús omboʼe hag̃ua iñimportantetereiha ñaneumílde, omombeʼu peteĩ kasamientohápe umi invitádo oiporavo hague umi lugár iñimportantevéva oguapy hag̃ua.
Jn 13:3-17. Jesús ojapo kuri peteĩ esklávo rembiapo ojohéirõ guare ijapostolkuérape ipy, péicha ohechauka chupekuéra mbaʼeichaite pevépa iñumílde vaʼerã.