“Ajerure peẽme pendepyʼaguasu hag̃ua”

SÁULOGUI oikórõ guare kristiáno, Jesús heʼi vaʼekue Saulo “hetaiterei ohasa asytaha” opredika haguére umi notísia porã. ¿Oñekumplípa raʼe la Jesús heʼi vaʼekue? Si. Veinte áñorupi upe rire, oskrivírõ guare Segunda a los Corintios, Pablo heʼi vaʼekue heta vésema oñembyepoti hague chupe ha heta vésema haimete mete hague omano. Haʼe omombeʼu avei 3 vése ivárko oñehundi hague, ha peteĩ vuéltape opyta voi pe mar mbytépe peteĩ pyhare ha peteĩ día pukukue. Péro upéva oiko jeýta hína kuri hese amo gotyove. ¿Mbaʼeichahápepa?

Pablo oĩ hína kuri préso Cesaréape 2 áño rasáma. Pe governadór oreko chupe upépe pórke ohaʼarõ Pablo opaga chupe kóima opoi hag̃ua chugui. Tiémpo rire, ojupi peteĩ governadór pyahu ha upépe Pablo oaprovecha ojerure hag̃ua César tohecha ikáso. Upévare Pablo koʼág̃a oviaha vaʼerã várkope mas de 3.000 kilómetro og̃uahẽ hag̃ua Rómape. Upe viáhe ijetuʼu ha ipukúta kuri. Upérõ guare oho hendive mokõi iñamigoite: Peteĩva haʼe Aristarco ha pe ótro katu Lucas, pe doktór ojehayhuetéva (Col. 4:14).

Og̃uahẽ rire hikuái Mírape, opytáva Asia Menórpe, pe ofisiál rrománo Julio omanda umi prisionérope ojupipa hag̃ua peteĩ várko egípciope, oraháva hína semílla Itáliape. Pe várko osẽ rire upégui, pe yvytu oñepyrũ oipeju ikontrapekuéra ha ndaikatúi oho pyaʼe hikuái. Lucas heʼi voi “hasypeve” og̃uahẽ hague hikuái Cnídope ha upéi heʼi og̃uahẽ hague hikuái Puérto Porãme “ijetuʼúramo jepe”. Haʼekuéra ohaʼarõ aja upépe oñekalmave peve la yvytu, Pablo ohechakuaa iporãvetaha opytánteramo hikuái upépe ohasapa peve pe inviérno, pórke osegíramo la iviáhe ipeligrósotama chupekuéra g̃uarã.

Pablo oñembopyʼaguasu ha heʼi Júliope: “Ñakontinuáramo ñande viáhe ojeapeligráta pe várko, pe kárga ha ñande voi ikatu ñamano”. Julio nopenái Páblore ha osegínte hikuái la viáhe heʼi haguéicha chupe umi ótro kuimbaʼe. Oiméne upéi Julio ombyasyete raʼe nopenái haguére Páblore. Osẽ rire hikuái, Lucas heʼi ‘hoʼa hague peteĩ yvytu hatãitereíva’ ha “ogueraha pe várko”. Upéi hatã hatãvéma la yvytu ha tuichaichavéma umi oláda. Pe yvytu atã ‘ombokacha vaipa’ voi chupekuéra. Upévare ombovevýi hag̃ua pe várko omombopa hikuái ýpe umi kárga ha pióla pohýi orekóva. Heta díare ni ndokaruvéi hikuái. Ohasa rire haimete dos semána, Lucas heʼi ‘ndoguerekovéima hague hikuái esperánsa ojesalvávo’.

¡Ivaipaitéma la situasión! Péro Pablo heʼi chupekuéra: “Ajerure peẽme pendepyʼaguasu hag̃ua, pórke ni peteĩva pende apytégui nomanomoʼãi, ko várko añoiténte la oñehundítava”. Upéi unos kuánto marinéro osẽse pe várkogui oipurúvo pe kanoaʼi, péro Pablo heʼi chupekuéra ani hag̃ua ojapo upéva. ¿Mbaʼérepa? Pórke ndopytáiramo hikuái pe várkope hetaiterei oĩta la omanóva. Upémarõ umi soldádo oikytĩ pe kanoaʼi sã ha ohejánte toʼa pe ýpe.

Koʼẽ mbotávo, Pablo heʼi umi héntepe hoʼúntema hag̃ua hikuái la oñongatu vaʼekue pe várkope. Upéi heʼi chupekuéra: “Ni peteĩ pene akãrangue noñehundimoʼãi”. Haʼe ojagarra peteĩ pan ha oñemboʼe Jehovápe oagradese hag̃ua. Enterovéva hoʼu la orekóva ha upéi omombo hikuái pe trígo hembýva pe márpe. Ojekuaa la Pablo heʼíva ojapo porãiterei hague enterovére, upévare Lucas heʼi enterovéva opyta hague “ikyreʼỹ”. Koʼẽmba rire, pe várko oho ochoka peteĩ yvykuʼi atýre ha umi oláda guasu guasu hatãiterei ojejapete pe várkore ha oñepyrũ ojedespedasapa. Upéicharõ jepe oñekumpli la Pablo heʼi vaʼekue ha “enterove ojesalva ha og̃uahẽ porã pe oríllape”.

Og̃uahẽ rire hikuái, oñemombeʼu chupekuéra og̃uahẽ hague pe Ísla de Máltape. Pyaʼe voi Pablo ha umi ermáno ohóva hendive oñepyrũma opredika. Ñandejára ojevale Páblore ojapo hag̃ua upépe heta milágro. Heta hénte upepegua omombaʼeterei la ojapóva hikuái ha omeʼẽ voi chupekuéra rregálo entéro.

Unos kuánto mése rire, Pablo og̃uahẽ Rómape ha ojeapresa chupe peteĩ ógape 2 áñorupi, oñemoĩ voi guárdia okontroláva chupe. Ijetuʼúrõ jepe hendive, Pablo osegi vaʼekue ipyʼaguasu. Haʼe opredika ha espíritu sánto rupive oskrivi heta kárta ermanokuérape. Ojepoi rire chugui, haʼe oho jey kuri opredika trankílamente. Péro unos kuánto áño upe rire ojejagarra jey chupe Rómape. Upérõ guare última ves ojejagarra Páblope. Upe riremínte, posívlemente umi rrománo ojukáma chupe. Upéicharõ jepe haʼe ipyʼaguasu vaʼekue ipahaite peve. Pablo ndokyhyjéi vaʼekue voi ni omanórõ g̃uarã. Haʼe heʼi vaʼekue pe ñemano haʼeha “ñane enemígo ultimoite oñehundítava”. Haʼe oikuaa vaʼekue Jehová ohundietetaha pe ñemano (1 Cor. 15:26). Pablo oreko vaʼekue esperánsa ohotaha yvágape oservi hag̃ua rréi ha saserdóteramo Jesucrístondi. Haʼe oikuaa vaʼekue itiempoitépe Jehová opremiataha chupe upéicha.

¿Moõpa oñeñeʼẽ hese la Bíbliape?

• Hechos 9:16; 24:​24-27; 25:11; 27:​1-44; 28:​1-10, 16, 30, 31

• 2 Corintios 11:​23-27

• 2 Timoteo 1:​16, 17; 4:​6-8

¿Mbaʼépa ere chupe?

¿Mbaʼérepa jaʼekuaa Pablo ipyʼaguasu hague?

Einvestigamína

1. 1. ¿Mbaʼérepa oiméne Saulo oipota raʼe oñehenói chupe Pablo? (bt 98 párr. 7, nóta).

   Rrespuésta

2. 2. Áño 36-rupi Páblope oñemondo vaʼekue Társope ha áño 45-rupi Bernabé ou oraha chupe Antioquíape. ¿Mbaʼépa ohasáne raʼe Pablo umi 9 áño aja? (w00 15/7 26, 27, rrekuádro párr. 3, 4-wcgr).

   Rrespuésta

3. 3. ¿Mbaʼérepa Pablo heʼi raʼe Júliope ohaʼarõvénte hag̃ua hikuái oho mboyve Itáliape? (Hech. 27:​9, 10; wp17.5 9 párr. 3, 4). A

   Rrespuésta

   

4. 4. Umi Maltagua heʼi vaʼekue Páblore: “Ko kuimbaʼe oiméne oporojuka rakaʼe”. ¿Mbaʼérepa oiméne heʼi raʼe hikuái upéicha? (Hech. 28:4; w15 1/10 9 párr. 5, 6).

   Rrespuésta

Ejepyʼamongetamína ndejehe

• Pablo heʼi vaʼekue enterove umi oĩvape pe várkope: “Ni peteĩ pene akãrangue noñehundimoʼãi” (Hech. 27:​22, 34). ¿Mbaʼépa upéva nemboʼe Jehovágui ha mbaʼéichapa nemokyreʼỹ epredikaseve hag̃ua?

  Rrespuésta

• Pablo oñemboʼe rire, enterove umi oĩva pe várkope opyta “ikyreʼỹ” (Hech. 27:​35, 36). ¿Mbaʼéicha javépa ñane ñemboʼe ikatu avei omokyreʼỹ umi ótrope? B

  Rrespuésta

  

• ¿Mbaʼéichapa ikatu ndepyʼaguasu Pablo ipyʼaguasu haguéicha?

  Rrespuésta

Ejepyʼamongetamína Jehováre

• Alee rire ko rreláto, ¿mbaʼépa aaprendeve Jehovágui?

  Rrespuésta

• Alee rire ko rreláto, ¿mbaʼépa aaprendeve Jehová rembipotágui ha pe téma prinsipál orekóvagui la Biblia?

  Rrespuésta

• ¿Mbaʼérepa reagradese Jehovápe oiporavo haguére Páblope ogoverna hag̃ua Jesúsndi yvágape?

  Rrespuésta

Reikuaave hag̃ua

¿Ndépa reikuaa mbaʼeichaitépa ideprovécho vaʼekue umi várko Pablo tiémpope? ¿Mbaʼéichapa umi kristiáno oipuru vaʼekue upéva opredika hag̃ua mombyrymbyry?

“Ajapeligra márpe” (w99 15/3 29-31-wcgr).

¿Mbaʼéichapa unos kuánto ansiáno ohechauka iñaguanteha ha oĩha ojesakrifika hag̃uáicha ermanokuérare Pábloicha?

Ñahaʼangákena umi orresivi vaʼekuépe umi promésa ipasiénsia rupi: Pablo (3:22).