Haʼe ipyʼaguasu oapoja hag̃ua iñamígope

KIRIRĨHAITÉPE mokõi kuimbaʼe ojupi ohóvo peteĩ sérrore. Haʼekuéra ogueraha hiʼárma ha oho oataka hag̃uáicha peteĩ kampaménto oĩháme umi filisteo. Peteĩva umi kuimbaʼe haʼe Jonatán, rréi Saúl raʼy, haʼéva pe primer rréi de Israel. Jonatán ndive oho pe soldádo oraháva chupe hiʼarmakuéra. Omokyreʼỹ hag̃ua chupe, Jonatán heʼi Jehová ikatuha “ojevale heta héntere térã mbovymíre osalva hag̃ua ipuévlope”. Ha upéva siertoite kuri. Jehová oipytyvõ rupi koʼã mokõi kuimbaʼépe haʼekuéra ikatu vaʼekue ojuka 20 soldádorupi voi. Upéi Jehová oipytyvõ jey ipuévlope ha hetavérentema ipuʼaka hikuái.

Ko kásopente voi, jahechakuaáma Jonatán ipyʼaguasueterei hague ha oikove aja pukukue osegi vaʼekue upéicha. Heta vése haʼe tekotevẽ vaʼekue avei ipyʼaguasu odesidi hag̃ua mávapepa oapojáta. Por ehémplo, Jonatán siémpre oapoja vaʼekue itúape. Péro Saúl oúrõ guare iñaña ha naiñeʼẽrenduvéi Jehovápe, Jonatán ipyʼaguasúmante ha odesidi oapojataha Jehovápe.

Heta áño upe rire, Jonatán orekópe 50 áñorupi, oñepyrũ oñeamigaite peteĩ mitãrusúre. Upéva haʼe kuri David. Upérõ guare David ojuka ramoite pe filisteo tuichaitévape hérava Goliat. Oiméne Saúl ha umi hénte omombaʼe joa raʼe la David ojapóva. ¿Ha mbaʼéichapa upéva omoñeñandu Jonatánpe? ¿Ojepichápa raʼe térã iselóso? Ni michĩmi. Upéva rangue, Jonatán ojagarra omeʼẽmbaite Davídpe umi mbaʼe oipurúva jepi gerrahápe, umíva apytépe hiʼárko. Upéva ningo tuichaiterei mbaʼe kuri, pórke Jonatán ikonosído vaʼekue oipurukuaaiterei haguére pe árko. Jonatán ijedavéramo jepe Davídgui 30 áñorupi, haʼekuéra opromete vaʼekue ojupe siémpre oñoamigotaha ha upeichaite ojapo vaʼekue hikuái.

Ñepyrũrã Saúl ohayhu vaʼekue avei Davídpe, péro upe riremínte oñepyrũma oenvidia chupe. Saúl oipota kuri Jonatán oapoja chupe, péro Jonatán osegi oapoja iñamígo Davídpe. Hiʼarive Jehová ndoelehíri Jonatánpe ogoverna hag̃ua Saúl rire, síno oelehi Davídpe. Saúl heʼírõ guare ojukaseha Davídpe, Jonatán odefende iñamígope ha upearã ipyʼaguasu vaʼerã kuri. Upérõ ningo Saúl ijedáma péro imbaretéiti. Peteĩ jey, Jonatán odefendérõ guare Davídpe, Saúl ojagarra ohaʼã chupe peteĩ lánsape. ¡Hiʼarive Jonatán ningo itaʼýra! Saúl ndojasertái chupe, péro Jonatán opytáma oñeñandu vaieterei. Upéi Jonatán oho David rendápe ha omombeʼu chupe itúa oĩmaha desidído ojukávo chupe. Péicha Jonatán ohechauka jey mávapepa oapoja. Upérõ Jonatán ojerure avei Davídpe okuidamínte hag̃ua chupe ifamiliakuérare, ág̃a amo gotyove ojehu mbaʼéramo chupe álgo.

Upe guive, Saúl oñepyrũma oheka ha opersegi Davídpe ijehérsito reheve. Upévare David oikómante ova ha ova, diferénte lugárpe oho okañy chugui. ¿Jonatán piko omoirũ raʼe itúape oheka hag̃ua Davídpe? La Biblia noñeʼẽi upévare, péro ikatu jaʼe haʼe ndojapói hague upéva. Jonatán oikuaárõ guare moõpa David okañy, oho hendápe. Jonatán oho “omokyreʼỹ Davídpe osegi hag̃ua ojerovia Jehováre”. Haʼe heʼi voi Davídpe: “Ani rekyhyje David, che túa ndaikatúi ojapo nderehe mbaʼeve. Ndehegui oikóta rréi ha remandáta Israélpe, ha che arekóta pe segundo puésto ne rréinope”. Upéi David ha Jonatán ojedespedi ha upe guive ndojotopavéima hikuái.

Upéva oikopa riremi Jonatán oipytyvõ kuri itúape oñorairõ hag̃ua, péro ndahaʼéi David kóntrape síno umi filisteo kóntrape, haʼéva Jehová enemígo. Upe tiémpope g̃uarã Saúl okambiaitéma kuri. Haʼe ohejaitéma Jehovápe ha espiritísta rendápe jepe oho. Upévare Jehová oheja Saúlpe ha novendesivéima chupe. Oñorairõhápe umi filistéondi, Saúlpe oñelastima vaieterei ha upe rire haʼe ojesuisida. Upérõ guare omano avei mbohapy itaʼýra, umíva apytépe Jonatán.

Upéva oikórõ guare, David oñembyasyeterei ha opyta yvýre. Ojapo voi peteĩ purahéi ohechaukáva mbaʼeichaitépa oñembyasy ha ohayhu iñamígope. Upe purahéi David ombohéra “Pe Árko”. Posívlemente David ombohéra upéicha ko músika imanduʼávo pe árko orregala vaʼekuére chupe Jonatán heta áño upe mboyve. Pe purahéipe David heʼi: “Jonatán, che ermáno, añembyasyete ningo nderehe. Chéngo rohayhueterei, pe mborayhu ñande ñañandúva imbareteterei”. Tiémpo rire, David okumpli kuri pe kompromíso ojapo vaʼekue iñamígope. Oiko rire chugui rréi, haʼe oheka oĩpa algún Jonatán familiare ikatúva oipytyvõ. Upérõ otopa Jonatán raʼýre, peteĩ kuimbaʼe ndaikatúiva oguata porã hérava Mefibóset. David ogueru chupe oiko hag̃ua ijypýpe Jerusalénpe, ikatu hag̃uáicha okuida hese.

¿Moõpa oñeñeʼẽ hese la Bíbliape?

• 1 Samuel 13:​2, 19-23; 14:​1-15; 16:21; 18:​1-9; 19:​4-6; 20:​1-42; 23:​16-18; 28:​6-8; 31:​1-6

• 2 Samuel 1:​17-27; 9:​1-7

¿Mbaʼépa ere chupe?

¿Mbaʼérepa jaʼekuaa Jonatán ipyʼaguasu hague?

Einvestigamína

1. 1. ¿Mávapa rakaʼe umi filisteo? (w95 1/2 31-wcgr).

   Rrespuésta

2. 2. ¿Mbaʼéichapa pe palávra “pim” ojepurúva 1 Samuel 13:​21-pe ohechauka ikatuha jajerovia la Biblia heʼívare? (w05 15/3 29-wcgr; 1 Sam. 13:​21, nóta). A

   Rrespuésta

   

Todd Bolen/BiblePlaces.com

1. 4. ¿Mbaʼeichaite pevépa David oñehaʼã raʼe okumpli hag̃ua pe promésa ojapo vaʼekue Jonatánpe? (it “Mefibóset” Núm. 2 párr. 1-wcgr).

   Rrespuésta

Ejepyʼamongetamína ndejehe

• Jonatán oapoja vaʼekue Jehovápe, itúape rangue. ¿Mbaʼéicha javépa ñande avei tekotevẽta jahechauka jaapojaha Jehovápe ótra persónape rangue? C

  Rrespuésta

  

• ¿Mbaʼéichapa Jonatán ha David istória ohechauka ñandéve...

  • ... mbaʼéicha vaʼerãpa umi amígo teete?

    Rrespuésta

  • ... tekotevẽha ñaneumílde?

    Rrespuésta

  • ... ndajahejareíri vaʼerãha ñane amigokuérape?

    Rrespuésta

• ¿Mbaʼéicha javépa ikatu avei rehechauka ndepyʼaguasuha Jonatán ipyʼaguasu haguéicha?

  Rrespuésta

Ejepyʼamongetamína Jehováre

• Alee rire ko rreláto, ¿mbaʼépa aaprendeve Jehovágui?

  Rrespuésta

• Alee rire ko rreláto, ¿mbaʼépa aaprendeve Jehová rembipotágui ha pe téma prinsipál orekóvagui la Biblia?

  Rrespuésta

• ¿Mbaʼépa aporandúne Jonatánpe Jehová omoingove jey vove chupe?

  Rrespuésta

Reikuaave hag̃ua

¿Mbaʼépa oipytyvõ vaʼekue Jonatán ha Davídpe oñoamigoite hag̃ua? ¿Mbaʼéichapa ñande avei ikatu jareko peichagua amígo koʼág̃arupi?

Jasegíkena jajoayhu oñoermáno teéicha (w21.01 20-25).

Eipytyvõmína ne famíliape ontende hag̃ua mbaʼépa ohasa vaʼekue Jonatán ha mbaʼépa ikatu oaprende chugui.

Jonatán (Artíkulo oĩva jw-pe-wcgr).