Eñehaʼã eaprende álgo ipyahúva restudia jave

Restudia mboyve iporãta reñeporandúramo: “¿Mbaʼépa aaprendese?”. Ikatu oime ekalkuláma mbaʼépa reaprendéta hína, péro ani nderesarái ikatuha oĩ umi mbaʼe ipyahúva Jehová oipotáva reaprende. ¿Mbaʼéichapa ikatu rehechakuaa la Jehová oipotáva reaprende?

Ejerure Jehovápe tanemoarandu. Eñemboʼe ha ejerure Jehovápe tanepytyvõ ehechakuaa hag̃ua mbaʼépa oipota reaprende koʼág̃a (Sant. 1:5). Ani rejerovia la reikuaávare ha epyta umívarente (Prov. 3:​5, 6).

Eheja Ñandejára Ñeʼẽ tombaʼapo nderehe. “Ñandejára ñeʼẽ oikove” (Heb. 4:12). Káda ke jalee la Biblia ikatu ñaaprende álgo ipyahúva ha ñañevenefisia diferénte hendáicha. Péro upéva oikóta sólamente ñarrekonosérõ tekotevẽha ñaaprende la Jehová ñanemboʼeséva koʼag̃aite.

Emombaʼe entéro mbaʼe Jehová omeʼẽva. Ñandejára haʼete ñaneinvitáva ‘peteĩ karu guasúpe’, pórke omeʼẽ hetaiterei informasión ñañevenefisia hag̃ua (Is. 25:6). Aníkena emboyke umi informasión epensáva nandegustamoʼãiha. Péicha rehejáta haʼe nepytyvõ remehora hag̃ua ha redisfrutáta restudia jave.