¿Mbaʼéichapa ikatu nemanduʼa umi téxto bíblicore?

¿Oĩpa peteĩ téxto bíblico ndegustaitereíva? Ikatu oime upe téxto nemombarete raʼe, nepytyvõ remboyke hag̃ua umi pensamiénto ivaíva térã ikatu oime rekompartisénte ótrondi (Sal. 119:​11, 111). Péro sapyʼánte ikatu ijetuʼu nemanduʼa hag̃ua mbaʼépa la heʼíva pe téxto térã moõitépa oĩ la Bíbliape. Upévare eleemína koʼã konsého ikatúva nepytyvõ nemanduʼa hag̃ua umi téxto bíblicore.

• Eipuru umi etikéta oĩva pe aplikasión héravape JW Library^®. Oimérõ relee hína la Biblia pe aplikasiónpe ha nemanduʼase peteĩ téxtore, ikatu emoĩ hese peteĩ etikéta heʼíva: “Umi téxto chegustavéva”.

• Emoĩ pe téxto bíblico ikatutahápe rehecha. Nemanduʼasérõ peteĩ téxto bíblicore ikatu reskrivi peteĩ kuatiaʼíre, ha upéi emoĩ peteĩ lugár siémpre ikatutahápe rehecha. Por ehémplo oĩ omoĩva ijespéhore ha ótro katu omoĩ ijeladérare. Oĩ avei onohẽva fóto pe téxtope ha omoĩ upéva kómo fóndo de pantálla iteléfonope térã ikomputadórape

• Eipuru peteĩ kuatia nemanduʼa hag̃ua umi téxtore. Eskrivi un ládo pe kuatiáre peteĩ téxto ha pe ótro ládo la heʼíva upe téxtope. Upéi emaña un ládonte ha eñehaʼã nemanduʼa la oĩvare pe ótro ládope.