Daniel

16 Bajaraponü jamatabükueneaitjotia tsane; jiwi jamatabükuene apoj̈ainae tsane, juya bedajubi pekuene j̈ainaena. Bajarapakuenia ponaponaena siete pawaibeje. 17 Bajaraj̈ua itsi tsane peyajiwitaewi pejamatabükueneta, bajarapapitorobiliwaisi baja nej̈ata santowi wajunupaeba daj̈itajiwi peyapütaenej̈a üDioso Pinijijamatabükuenenü matakaitorobanajetaruka mapanakuapijiwije. Dioso kajena itapeta ponü matakaitorobijitsia, beweliajamatabükuene penataenü itapeta”. 20 ”’Panaejawanae taenutame pinijinaej̈aneto, pemaj̈üranaenü baja pata itaboj̈ojawabetsia, bajaraponae matatsünütaenuka daj̈ita ira, 21 pej̈aniabaj̈u j̈aina, bitso ayainaekuai yajawa j̈aina pej̈aenej̈a daj̈ita. Bajaraponae pebüj̈üpanata daj̈itawiria dajubianü jinawanapa, pemaj̈ürananüta pijinia jinawanapa pepunaewi. 22 Tajatuj̈anenümü bajaraponae baja bej̈amükuenia. Tsipaji ajamatabükuenesaübejemü, ayaijamatabükuenenümü itsamonaewekua, nematakaitorobijawa baja pata daj̈itanakuajawa. 23 ”’J̈amü taneme ata itsajiwiyo perunaejawatsika atjübüwetsika, bajaraponü santonü, peyajiwitaenü ata, bajaraponü nej̈ata jumaitsi: “Panikataj̈uabare bajaraponae, itsiata baitsi jane pematabaka panure wayafota, paepakakütanure hierrojawata, cobrejawata yajawa. Donotopitoj̈i nej̈ata sukuetanutsianatsi bajaraponae pematabaka, bajarapamatabakanua yajawa nukaena dajubimonae siete pawaibeje”, jai. 24 Tajatuj̈anenümü, barajapaniamajitsinaejawa yapütaeyaej̈ana j̈amü yabara. Mapaliwaisije PepoDioso jumaitsi j̈amünej̈a: 25 Kakapitsapaena jiwiwekua neyajawaponaponaenej̈a dajubimonae wayafota. J̈aename pona bevacakuenia, donotopitoj̈i kasukuetanutsiana, bajarapakuenia ponaponaename siete pawaibeje. Nej̈ata yapütaename Pepo Diosonü Pematakaitorobikuene jiwi, bajaraponü kajena itapeta pajiwiyo jitsipa pematakaitorobinej̈a. 26 ”’Itsiata baitsi jane, pejumaitsij̈ae penukaenej̈a pematabaka, nej̈ata ikatsia yanakuaewetsianame, tsipaji yapütaename baja Dioso kaenükuenia pekuenekaüjüpaejawatsi pematakaitorobinej̈a. 27 Bajaraj̈uata nejumekowünüre takamuj̈ujiobiliwaisi: najamatabükuenepünüyorore nijapibisiakuenewekua, itaj̈utobejiobiataemanua pebejiobiwi. Nej̈ata meta bajayajebi ponaponaename j̈aniawaetsia”’, jai Beltsasar Nabucodonosorjawabelia. 28 Nej̈ata daj̈itabajaraj̈ua Nabucodonosor tokopiapatatsi. 29 Doce pajuametobejekujinae Babiloniatomarata baja, Nabucodonosor nukanajinajaeba pijabojumatatsia. 30 Bajarapapeyanakuaewetsinü jumaitsi tsabiabi: “Babiloniatomara kajena pinijitomaraj̈aneto, j̈anü itsinü Babiloniatomara takobeta, bajarapakuenia nej̈ata jiwi yapütaejitsia tayaijamatabükuenenükuenia”, jai Nabucodonosor. 31 Nej̈ata baja peyanakuaewetsinü penajumeweretsikujinae bajarapaliwaisi, atjübüwetsika kuaikuaijai jumaitsi Nabucodonosorjawabelia: “Nijanakua baja apoyanakuaewetsimü tsane, 32 Ponare baja jiwiwekua, yajawaponaponare dajubimonae wayafota, j̈aemanua pona bevacakuenia, nej̈ata siete pawaibejekujinae yapütaename Pepo Diosonü Pematakaitorobikuene jiwi, bajaraponü kajena itapeta pajiwiyo jitsipa pematakaitorobinej̈a”, jai atjübüwetsika. 33 Nej̈ata baja paepatota Nabucodonosor tokopiapatatsi bajarapaliwaisi. Bajaraponü jiwi nawekuakapitsapatsi, bevacakuenia pona j̈aebiaba. Naperabüsukuetabiaba donotopitoraj̈ita, pakuenia kotsala bakorofena apia, bajarapijinia Nabucodonosor ata matanaitsi. Pakuenia pinijibaratsuito bakopiboko apia, bajarapijinia kopibokoitsi bajaraponü. 34 Nabucodonosor jumaitsi: “Pakujinae kopiawereta siete pawaibeje, j̈anü naükotsiajü atjübüabetsia, nej̈ata baja najamatabükuenej̈anetajü. Nej̈ata Diosojawabelia jumaitsinü: J̈amü neponaponaenü daj̈itamatakabijawabelia, nematakaitorobijawa kaeto ata apokopiaerukae. 35 Daj̈itajiwiwekua ayaijamatabükuenenümü, atjübütatsia j̈ainame wajabitsaüwi. Atjübüpijiwi, irapijiwi ata bajarapamonae kajumekowünütanajetarubena. J̈ua jitsipame, j̈amü itsimü tsabiabi. Itsamonae ata apokuenekaüjüpaetsi “jume” pekajainej̈a j̈amü neitsinej̈a daj̈ita j̈ua jitsipame”, janü Diosojawabelia. 36 ”Nej̈ata bajarapapaepatota najamatabükuenej̈anetajü. Nej̈ata baja ikatsia tajanakua yanakuaewetajü. Pamonae matakapona tajanakuata, nejaita ikatsia tayanakuaewetsinej̈a. Nej̈ata itsamonae ikatsia netane tayaijamatabükuenejawa.