Génesis

28 Nej̈ata Isaac junata Jacob pej̈anialiwaisi petsipaebinej̈a. Jumaitsi mapakueniaje: “Pütsa pitame Canaán nakuapijiwa. 2 Ponare baja Padán-Aram nakuayabelia. Patsianame nijaamo Betuel pijabota. Bajarajotalia pitsianame aj̈uyo Labán pej̈ünatoyo. 3 Dioso Ayaijamatabükuenenü kayawenonaena, j̈ainaename nej̈imonae, nemomoj̈i ata. J̈amüjawawerena pitsapaena kajena ayaibitsaütojiwi. 4 J̈ua Dioso najumekapanepaeya jumaitsi Abrahánjawabelia, karajutsiana kajena. Nej̈ata j̈ainaename panakua Dioso rajuta Abrahán”, jai Isaac Jacobjawabelia. 5 Nej̈ata Isaac napüjioba Jacobjawabelia. Nej̈ata baja Jacob pona Padan-Aram nakuayabelia. Bajarajotalia Labán, Betuel pej̈ünato ponapona. Bajaraponü Rebeca pematapijinü, bajarapowa pena Jacob, Esaúbeje.