Isaías

11 Jehová jumaitsi: Itsiata paj̈amü patanewekuanatsatsiwimü panetonakofünütame baja tajajumatsuto, paj̈amü pajaitabiabame jemadiosonü papekayakueniaj̈anepanaeyaej̈anaenej̈a, pajaitabiabamenua pajemadiosonü pina yapütaeyabiaba pewajünaeyabelianej̈a, bajaraponü pewünüta papaeyabiabame vinora. 17 Tsipaji, ¡pataema!, ej̈anaenajü pejanaitaboj̈o, pejanairanua. Aponajamatabünapitsi tsane pibisialiwaisi, apotsijamatabükuenerukae tsanetsinua. 21 Bajarapamonae nakuenebiana pijabonü pejinawanapaenej̈a, ubiana pijapabianü pej̈aenej̈a pej̈aejawanü. 22 Aponakuenebi tsane bonü itsamonae pejinawanapaenej̈a, apoubi tsane itsamonae pej̈aenej̈a. Tsipaji pakuenia naejawanae banuka bajayajebi, bajara itsi tsane pijinia tajajiwi. Taitapetsiwi nakobekowü barüyataena. 23 Itsa nakuenebiana, aponakueratsi tsane. Bajarapamonae pej̈i aponabejiobiatae tsane, tsipaji bajarapamonae, pej̈i yajawa Jehová itapetatsi peyawenonaenej̈atsi ayaikuenia. 24 Tanejunatsiwajünaeya, baja kajena jumekanawiatsianajü; abaj̈ü kajena tanebarükuaikuaijaijawata, namuj̈unaewetsianajü. 25 Lobo, corderonübeje najuaj̈aenabeje, newütjü pona j̈aena bevacakuenia, jomo ata pijinia j̈aena atsa. Kaeto ata itsajiwiyo aponetobijianae tsane itsakuene tajajumatsutojawata”, jai Jehová.