Salmo

32 Taneitorobiliwaisikueniamü najamatabüsaütsianajü tajumekowünütsinej̈a, tsipaji tajamatabüütjütota nejamatabükuenekaüjüpaeyaej̈aname. 34 Nejumeyapütaeyaej̈anare takajumekowünütsinajetarukaenej̈a nitorobiliwaisi tajamatabüütjütowetsinakujinae. 37 Nejamatabükueneyawenonare tataeyaniwa pibisiakuene; nekapanepare taponaponaenej̈a nijanamutojawa. 63 Daj̈ita pamonae kayaiyatane, kajumekowünütabiabanua, bajarapamonae tajaamigowi. 105 Pakuenia lámparabü itayota taponaenej̈a, bajarapijinia pakuenia itayota tajanamuto, bajaraitsi pijinia nijumeliwaisi nejamatabükueneitayota. 165 Pamonae kajumeliwaisi asiwa nej̈ata jamatejemaya jinawanapaena, apo toayapübeje tsanetsi itsakuenejawa. 167 Bitso asiwanü nejumeliwaisi, Bajaraj̈uata jumecowünütabiabajü. 168 Yapütaneme daj̈ita j̈ua itsinü tsabiabi, tsipaji neyajawamü tsabiabi, bajaraj̈uata kajumekowünütatsi. 176 Pakuenia oveja naj̈uabiaya ponapona, bajarapakuenia itsinü. Nijajiwitonünü raja, neyapüjaire tsipaji aponakofünütsinü nitorobiliwaisi.