Juan

19 Nej̈ata Pilato itoroba Jesús pekaponaenej̈atsi, pejumatitibabenej̈atsinua. 2 Wajabitsaüwi nej̈ata farata peejuwitoyoroto, j̈uakujinae mataj̈atatatsi bajaraj̈ua, j̈atatatsinua pepabanaetsautsaukaepana. 3 Jumaitsi tsabiabitsi bajarapawajabitsaüwi: “¡Bajakoba judíowi peyanakuaewetsinü!”, jaitsi. Nej̈ata itabarapakababeyabuataponatsinua. 4 Nej̈ata ikatsia Pilato pitsaparena jumaitsi judíowi ayaibitsaütojawabelia: “¡Panenamuj̈unaewere! Kapitsaparenajü pepünüyawerenaje tsipaji apokaj̈itajarabinü itsakujirunekoni ata pej̈anaejawa”, jai Pilato. 5 J̈uakujinae Jesús matanapitsaparena peejuwitoyoroto, jumapapitsaparenanua pepabanaetsautsaukaepana. Pilato nej̈ata jumaitsi: “¡Pataema maponü nukaje!” jai Pilato. 6 J̈ua tanetsi Jesús, sacerdotewi, judíowi pematakaponaewi yajawa, bajarapamonae wawajai: “¡Pakobematabiabarure piapianaebojawabelia! ¡Pakobematabiabarure piapianaebojawabelia!”, jai tsabiabi. Nej̈ata Pilato jumekanawiata bajarapamonae: “Pakaponare baja paj̈amü panebeyaj̈uabinej̈a, tsipaji apokaj̈itajarabinü itsakujirunekoni ata pej̈anaejawa”, jai Pilato. 7 Nej̈ata judíowi jumepita Pilatojawabelia: “Paj̈anü pajudíowinü paj̈ainajü patajaliwaisi, bajarapaliwaisibaj̈utota paneitaweta patajumaitsiyaniwa: “J̈anü Dioso pej̈ünatonü” apobepajanü. Itsiata bajaraponü apojumekowünütsi, bajaraj̈uata betüpa”, jai judiowi. 16 Bajaraj̈uakujinae Pilato rajuta judiowijawabelia Jesús pekobematabiabarutsinej̈atsi piapianaebojawabelia. Nej̈ata bajarapamonae waitaba Jesús. 17 Jiwimatatsipawünütsutojawabelia Jesús kaponayaej̈anatsi papiapianaebota kobematabiabarutsijitsiatsi. Bajarapajumatsuto hebreojumeta pewünu Gólgota. 18 Bajarajota baja, kobematabiabarutatsibeje piapianaebojawabelia itsanübeje atanua, muj̈uneniarutatsibeje Jesús bajaraponübeje.