Mateo

3 Jesús peekaejawata Olivowünütsutojumata, pijajiwi imoj̈oyobatsi peyanijobinej̈atsi: “¿Depakujinae nej̈ata bajaraj̈ua itsi tsane? ¿Detsa peneta pitsikuene pataenajü patayapütaenej̈a nekopiapatsijawa? ¿Detsa peneta pitsikuene pataenajü itsa werewerekaejitsia mapanakuapijikueneje?” 6 Pawünüliwaisitaename penabekuene yabara. Itsiata pütsa panabenajakame, tsipaji bajarapeneta itsi tsane bajarapitsikuene; abaj̈ü itsiata apokopiawerewerekae tsane. 7 ”Nej̈ata itsanakuapijiwi barünabena itsanakuapijiwijawabelia, bej̈üanejewa pataename janibokuene daj̈itanakuajawa, ira najüabiananua ayaikuenia. 14 Itsamonae tsipaebaponaena daj̈itanakuapijiwi peyapütaenej̈a pej̈anialiwaisi Dioso Pematakaitorobijawa yabara daj̈itanakuajawa. Nej̈ata, bajaraj̈uakujinae kopiapatsiana pewerewerekaejawa. 37 Pakuenia paepatojebi bajayata Noépijinümi ponapona, bajarapijinia itsi tsane paepatojebi Dioso Pitapetsinü nakayajawa tsane. 38 Bajarapamatakabianü Dioso pebubutsiaej̈anaewajünaeya ira jiwi pej̈aejawa j̈aewanapa, apaewanapanua, pebijiwi nakojiobapona, nakoj̈i rajutabiabanua petiriawi pebijawabelia petonakojiobinej̈atsi... itsamatakabi Noé junua ayaijeramoj̈anetojawabelia; 39 itsamonae apojumekowünütsi Dioso, nej̈ata ayaiemaj̈aneto jopaeka irajawabetsika pebubunaenej̈a daj̈itajiwi. Bajarapijinia itsi tsane paepatojebi Dioso Pitapetsinü nakayajawa tsane. 40 Nej̈ata anijanübeje nukaenabeje petusatojawata: itsanü kaponaenatsi, itsanü j̈uabanutsianatsi. 41 Bajarapijinia petiriwabeje ata kakiatabeje: itsawa kaponaenatsi, itsawa j̈uabanutsianatsi. 45 ¿Deponü raja kanaüjütsiaya petonakuenebinü pej̈aniajaikuenia? Bajaraponü pijatuj̈anenü itapetatsi pijajiwi piabatabiabinej̈a pej̈aejawa kaematakabi kanakujitsia.