Revelación
17 Siete paángelewiyajuwününü kanubena copajawanü nejumaitsi: “Naj̈atsia, katsitajütsianatsi pakuenia Dioso nanekonitsiaej̈anaejitsia powa penaperabükanajetsiwa peekaewa mene muj̈unenejawata. 2 Bajarapowajawabelia peyanakuaewetsiwi pairataje kenetsiatanetsi. Pakuenia piapaenü aitajibi piapaeyabiabij̈ae vinora, bajarapakuenia pijinia mapanakuapijiwije naperabübijianabiaba bajarapowajawabelia”. 5 Bajarapowa j̈aina pitapatjaitota pewünü, itsajiwiyo ata apojumeyapütae, jumaitsi: “Babilonia pinijitomaraj̈aneto, bajarapowajawawerena pitsapa penaperabükanajetsiwaj̈i, pitsapanua pepo pibisiakuene”. 15 Ikatsia ángelenü nejumaitsi: “Pamenejawanü taneme itsajota eka penaperabükanajetsiwa, pamenejawanü kuenekatane tomaranüpijiwi, jiwimonae, nakuanüpijiwi, daj̈itajiwiria jume ata. 18 Powa taneme kuenekatane pinijitomaraj̈aneto, bajarapowa matakaitoroba peyanakuaewetsiwijawabelia pairataje”.