Malaquías
16 Bajarapamatakabianüta, peyaiyataewi Jehová nabarükuaikuaijai tsanubenae, nej̈ata Jehová namuj̈unaewetatsi. Nej̈ata yayakina pewünü kuyalatobaj̈utota penajamatabünapitsinej̈a pamonae yaiyatane Jehová, pamonaenua najamatabükuenekopata bajaraponü pewünüta. 17 Jehová jumaitsi: “Pakujinae itapetsianajü tasiwawinej̈a, bajarapamonae tajajiwi tsane. Pakuenia pej̈i pej̈ainaenü itaj̈utotsoniatane papej̈ünato jumekowünütatsi, bajarapijinia pakuenia itaj̈utotsoniataenajü tajajiwi. 18 Nej̈ata payapütaename pamonae jamatabükuenej̈anepana, pijinia pamonae ajamatabükuenebeje. Payapütaenamenua pamonae tonakueneba Dioso, pamonae Dioso apotonakuenebi”, jai Jehová, bajaraponü pematakaponaenü pijawajabitsaü.