¿Depakuenia nej̈ata bitso beyapütanetsi kaeliwaisi kanakujitsia?
Nakujarubare pafolletobaj̈utoje pekakujarubijiwiyo yajawa. Wajüre pekakujarubinej̈a pajiwiyo pafolletobaj̈utoje karajuta. Itsa jume, wajüre Internet-jawata jw.org.
KOPIAYA SECCIÓNJAWATA
Lebare daj̈ita párrafojawanü. Papeyanijobiliwaisi j̈aina número (A), petsaebiaitaneto j̈ua Bibliajawata ruka (B) nakayapütaeyaej̈ananua penamatamotsiliwaisi. Itsajawata paliwaisiyo yabara Bibliajawata ruka, pafolletobaj̈uto nakajumaitsije: “lebare”.
ANIJA SECCIÓNJAWATA
Kopiaya párrafojawa (D) pasecciónjawataje: “Kanaüjütsianatsi”, nakajumaitsi j̈ua yapütaejitsiatsi. Pasubtítuloliwaisi (E) j̈aina número nakatsitajüta pej̈anialiwaisi. Lebare paliwaisij̈i rubena Bibliajawata, jumekanawiare pekayanijobiliwaisianü, taenamenua videojawanü (F).
Kanaüjüre pejumapianü, peliwaisianü yajawa (I). Kanaüjürenua pakuenia jumekanawiatsijitsiamü paliwaisi “Itsamonae bajumaitsi” (J).
AKUEYABI SECCIÓNJAWATA
Kopiarukaejawata rubena: “Paliwaisi baja yapütanetsi”, “Najamatabünapire” yajawa (K). Yakinaename pamatakabi weretame kaeliwaisi. “Pakuenia neitsinej̈aje” (L) yapütaenajetarukaename bebeliayo pakuenia itsijitsiamü. Pasecciónjawata “Yapütaename itsaliwaisi” (M) rubena itsaliwaisianü, itsavideojawanü yajawa neyapütaenej̈a.
¿Depakuenia bejaitatsi paliwaisiyo ruka Bibliajawata?
Paliwaisiyo yabara ruka Bibliajawata, tsitaj̈uta bajarapakuenia: pebaj̈uto (A), ayaiitaneto (B), tsikiriitanetoyo (D) yajawa. Nej̈ata 2 Timoteo 3:2 yabara jumaitsi: 2 Timoteobaj̈uto, ayaiitaneto 3, tsikiriitanetoyo 2.