¿Depakuenia namuj̈unaewetatsi Dioso?

Dioso Pejumeliwaisibaj̈utota nakabarükuaikuaijai (2 Timoteo 3:16).

Dioso penajamatabüj̈ainaeliwaisianü rubena Bibliabaj̈utota. Dioso itapeta itsapebijiwi pejumeliwaisiyakinaenej̈atsi. Dioso Pejumeliwaisibaj̈utota rubena penamatamotsiliwaisianü, bajaraponü jitsipa wajayapütaejawa.

Itsajiwi ata apoyapütae Dioso matatoj̈enetsia. Bajaraponü yapütane j̈ua bitso j̈anepana waj̈aitsinej̈a. Itsa namuj̈unaewetsianatsi, itapetsianatsi pej̈aniajailiwaisianü (Santiago 3:17; Lucas 11:28).

Dioso jitsipa daj̈itanakuapijiwi Pejumeliwaisilebijawatsi. Bajaraj̈uata kapitsapa Bibliabaj̈uto daj̈itawiriajumenüta.

Itsa jitsipatsi Dioso wajanamuj̈unaewetsijawa, belebatsi Bibliabaj̈uto, bejumeyapütanetsinua j̈aniawaetsia.

Daj̈itanakuajawa itsamonae namuj̈unaeweta Dioso (Mateo 28:19).

Jehová petotsipaebaponaewi kayawenonaejitsipa nejumeyapütaenej̈a Dioso Pejumeliwaisibaj̈uto.

Bajarapamonae kujarubanajetarubena pej̈aniajailiwaisi Dioso yabara daj̈itanakuajawa.

Bajarapamonae kujarubabiaba amatamojibinejewa. Itsa jitsipame neyapütaejawa Dioso pijakuene, benaponabiabame Jehová petotsipaebaponaewi penakaetuatsibojawata.