¿Depaliwaisi beyapütanetsi Dioso yabara?

Kaenü saya pej̈aniajainü Dioso, pewünü Jehová (Éxodo 3:15). Bajaraponü ponapona atjübütatsia, bajaraj̈uata apotaetsi. Bitso nakaasiwa, nej̈ata waj̈aitsi ata beasiwatsi. Jitsipanua wajaasiwanej̈a itsamonae (Mateo 22:35-40). Itsajiwi ata apojamatabükuenematatoj̈enetsi Dioso, tsipaji bajaraponü daj̈itakuene ej̈ana.

Dioso kopiaya ej̈ana ángelenü ayaijamatabükuenenü. Ajena pamatakabi yapütanetsi bajarapaángelenü pewünü Jesucristo. Jehová ata ej̈ana itsaángelewi.

Jehová ej̈ana daj̈ita atjübüpijikuene... daj̈ita irapijikuene ata (Apocalipsis 4:11).

Jehová ej̈ana j̈ua daj̈ita j̈aina itaboj̈otatsia, iratanua (Génesis 1:1).

Kopiaya jiwitonü ej̈anatsi atsatota, pewünü Adán (Génesis 2:7).