PELIWEISI 9

¿Depakujinae meta pairaje pej̈anianakua tsane?

Paliwaisianü taeyabiabatsi nakayapütaeyaej̈ana imoj̈oyo baja pewajünae pekopiapatsijawa Dioso Pematakaitorobijawa (Lucas 21:10, 11; 2 Timoteo 3:1-5).

Paliwaisianü taenajetarubenatsi ajena pamatakabi: penamuj̈utsitsijawanü palata pej̈ainaenej̈a, penabejawa, piawitanekuene, janibokuene, pej̈i apojumekowünütsi paj̈a, pena, jiwitonü bia pijawa

Bajayatami, Dioso Bibliabaj̈utota wajunupaeba tajüwelia paliwaisianü ajena pamatakabi taenajetarubenatsi: pej̈i pej̈ainaewi apojumekowünütsitsi, itsamonae apoitaj̈utotsoniatae, najamatabüj̈aina üpalata pej̈ainaejawa, jaitabiabanua üpebarüyakuene.

Wajunupaebanua ira penajüabijawanü, penabejawa, janibokuene, domaekuene ata. Ajena baja pamatakabi bajaraj̈uanü taeyabiabatsi.

Jehová petotsipaebaponaenü tsipaeba itsanüjawabelia pej̈anialiwaisi Dioso Pematakaitorobijawa yabara

Jesús baja kajena jumaitsi petsipaebinej̈a pej̈anialiwaisi Dioso Pematakaitorobijawa yabara daj̈itanakuajawa (Mateo 24:14).

Dioso Pematakaitorobijawata ajibiaej̈anaena daj̈ita pibisiakuene (2 Pedro 3:13).

Kaeepatoyokujinae saya, Jehová werebiabiana daj̈ita piajamatabükuenebejewi.

Nanekonitsiaej̈anaenatsi Dowatji, pijaángelewi yajawa.

Jesús atjübütatsia eka pijatronojawata; daj̈itawiriawi bitso barüya

Pamonae jumekowünüta Dioso najuajinawanapaena jamatabükuenej̈anepanaeya, ajunawijibinejewa. Daj̈itajiwi nasiwaya jinawanapaena. Kaeliwaisinua najuaj̈ainawanapanaena.