¿Deponü meta Dioso?

Kopiaya matakabianüjawa, jiwi baasiwa tsabiabi bitso itsadiosowi. Itsiata Bibliabaj̈uto nakayapütaeyaej̈ana bajarapaDioso “bitso pepo-ayaijamatabëcuenenë daxita diosowiwecua” (2 Crónicas 2:5). ¿Deponü meta? ¿Dej̈uajitsia pinijijamatabükuenenü itsadiosowiwekua? Yapütaename paliwaisije j̈ua Dioso jitsipa neyapütaenej̈a bajaraponü yabara.

1. ¿Depawünü j̈aina Dioso? ¿Bajaraponü meta jitsipa wajawünüyapütaejawa?

Bibliajawata Dioso nawünüyapütaeyaej̈ana. Bajaraponü jumaitsi: “Xanë raja tawënë Jehová” (lebare Éxodo 3:15). Bajarapaliwaisi baja peyapütaewi jumaitsi bajarapawünü yapütaeyaej̈ana “bajaraponü j̈ua jitsipa, itsi”. Jehová jitsipa wajawünüyapütaejawa (Éxodo 6:2, 3). ¿Depakuenia yapütanetsi? Tsipaji bajaraponü nawünüyakinaeyaej̈ana Bibliajawata 7.000 patobejekuenia matatoj̈enetsia.a Jehová raja pepo Dioso pewünü (Deuteronomio 4:39).

2. ¿Dej̈ua nakayapütaeyaej̈ana Bibliajawata Jehová yabara?

Bibliajawata jumaitsi pikani jiwi pijadiosowi natsitaj̈aina, itsiata Jehová kaenü pepo Dioso. ¿Dej̈uajitsia? Tsipaji Jehová ‘baja cajena caenë ayaijamatabëcuenenë daxitawecuaʼ (lebare 1 Crónicas 29:11). Jehová pepo Pinijijamatabükuenenü. Kaenü bajaraponü kuenekaüjüpatsi pej̈anaejawa daj̈itakuene: nakuaitaboj̈ojawatatsia j̈ua rubena, daj̈ita pairapijikuene ataje (Apocalipsis 4:8, 11). Jehová kaeto ata apopewerewerekaenü (1 Timoteo 1:17).

3. Dioso pepo kaewünü j̈aina

J̈ua jiwi banakueneba nej̈ata itsamonae bayawünürubatsi j̈ua nakueneba, itsiata pepo pewünü j̈aina. Neyapütaenej̈a bajarapaliwaisi yabara pataema VIDEOJAWA, panetaekujinae panabarükuaikuaijamü tsane paliwaisi yabaraje:

VIDEOJAWA: Dioso pepo kaewünü j̈aina (0:41)

• ¿Petuj̈anenü pejaijume meta pepo pewünü, dejumaitsimü?

Bibliajawata jumaitsi pakuenia jiwi bitso asiwa itsadiosowi. Palebare Éxodo 15:3, 11, panelebikujinae panabarükuaikuaijamü tsane paliwaisi yabaraje:

• ¿Deponü nej̈ata pepo Pinijijamatabükuenenü daj̈itadiosowiwekua?

4. Jehová jitsipa newünüyapütaejawa, pakuenianua itsimüjitsia

VIDEOJAWA: ¿Dioso pewünü j̈aina? (videoyajuwünüjawa) (3:11)

• ¿Dejumaitsimü?, ¿dej̈uajitsia meta Dioso jitsipa jiwi pewünüyapütaejawatsi?

Jehová jitsipa jiwi pewünüyapütaejawatsi, penawajütsinej̈atsinua pepo pewünüta. Palebare Joel 2:32a, panelebikujinae panabarükuaikuaijamü tsane paliwaisianü yabaraje:

• ¿Dej̈uajitsia nej̈ata pepo j̈anepanae wajayapütaejawa Jehovákuene?

• ¿Dejamatabüitsimü tsipae pepo newünüta itsa kajunata?

• ¿Jehová dekasiwajamatabüitsi tsipae itsa nawajütame pepo pewünüta?

5. Jehová jitsipa pijaamigojiwiyokueniamünej̈a

VIDEOJAWA: Jaitajü tayapütaenej̈a Pepo Diosonü (8:18)

• ¿Depakuenia Soten Dioso jamatabükueneyawenonatsi peyapütaej̈ae pepo pewünü?

Pajiwiyokuene itsa jamatabüyapütanetsi, kopiaya bewünüyanijobatsi. Palebare Santiago 4:8a, TNM, panelebikujinae panabarükuaikuaijamü tsane paliwaisibeje yabaraje:

• ¿Dej̈ua meta Jehová jitsipaejitsipa j̈amü neitsinej̈a?

• Dioso itsa wünüyapütaejitsipame, ¿bajaraj̈ua meta kajamatabükueneyawenonaejitsipa nenaimoj̈oyotsinej̈a bajaraponüjawabelia? ¿Dej̈uajitsia?

PALIWAISI BAJA YAPÜTANETSI

Kaenü pepo Dioso pewünü Jehová. Bajaraponü jitsipa wajawünüyapütaejawa pijaamigowikuenianej̈atsi.

Najamatabünapire

• ¿Dej̈uajitsia Jehová apokuenejüpae itsadiosowi?

• ¿Dej̈uajitsia Dioso bewünüyapütanetsi?

• ¿Jehová meta jitsipa pijaamigokueniamünej̈a? ¿Depakuenia nej̈ata beyapütaneme?

YAPÜTAENAME ITSALIWAISI

Kanaüjüre cinco paliwaisibeje neyapütaenej̈a Dioso peponaponaejawa.

“¿J̈aniajai meta Dioso ponapona?” (Ruka Internet-jawata jw.org)

Yapütaename j̈ua yabara Dioso ponapona.

“¿Depatsa ej̈anatsi Dioso?” (Peyajiwitaebo, 1 de agosto, 2014)

¿Dej̈ua yabara “Jehová” jaitsi, apoyapütae atatsi j̈uakuene yabara jumaitsitsi? Taema paliwaisije:

“¿Deponü meta Jehová?” (Ruka Internet-jawata jw.org)

Yapütaename Dioso pepo pewünü pej̈ainaejawa.

“¿Depawünübeje j̈aina Dioso?” (Ruka Internet-jawata jw.org)