¿Dej̈ua itsi tsabiabi “pej̈aniajaikuenia petonakuenebinü”?

Jesús Pematakaponaenü daj̈ita Dioso pijajiwi (Efesios 5:23). Jesús matakaitoroba atjübübetsika. Bajaraj̈uata itapeta “kanaüjütsiaya petonakuenebinü pej̈aniajaikuenia” pematakaponaenej̈a pijajiwi pairataje (lebare Mateo 24:45, TNM). “Bajarapetonakuenebinü” nakamatakapona Jesús pejamatabükueneta. Itsiata, jumekowünütanajetaruka Jesús, Dioso peitapetsiwijawabelia atanua. ¿Depatsa meta “pej̈aniajaikuenia petonakuenebinü”? ¿Depakuenia nej̈ata nakaewetanajetaruka?

1. ¿Depatsa meta “pej̈aniajaikuenia petonakuenebinü”?

Bajayatakujinae Jehová itapeta pebijiwi pematakaponaenej̈a pijajiwi (Malaquías 2:7; Hebreos 1:1). Petüpaekujinae Jesús, apóstolewi, ancianowinua Jerusalén tomarata ata matakaponabiaba Dioso pejumekowünütsiwi (Hechos 15:2). Ajena pamatakabijawanua Jesús itapeta, Jehová Pijajiwi Pematakaponaewi wajanakarajutsinej̈a Dioso pej̈aniajailiwaisianü, wajanakayapütaeyaej̈anaenej̈anua pakuenia betsipaebanajetarubenatsi Dioso Pejumeliwaisi. Bajarapamonae raja “kanaüjütsiaya petonakuenebinü pej̈aniajaikuenia” (Mateo 24:45​a, TNM). Daj̈ita bajarapamonae Jehová peitapetsiwitsi pijaespíritu santota, petüpaekujinae ponaena atjübüabetsia pematakaitorobinej̈a Cristo yajawa.

2. ¿Depapej̈aniajailiwaisi nakarajuta “pej̈aniajaikuenia petonakuenebinü”?

Jesús jumaitsi pej̈aniajaikuenia penakuenebinü yabara: “Bajaraponë pijatuxanenë pijajiwi pekowëta ewetaponaponaena piabatabiabinexa pexaejava caematacabi canacujitsia” (Mateo 24:45​b). Pakuenia pej̈aejawa namatawenonatsi wajajamatabükuenej̈anepanaenej̈a, bajarapijinia Dioso Pejumeliwaisi nakaajamatabükuenesaüyaej̈ana wajajumekowünütsinej̈a Jehová, Jesúsbeje (1 Timoteo 4:6). Bajarapaliwaisi yapütanenajetarubenatsi itsa naponatsi penakaetuatsibojawata, ayaibitsaüto penakaetuatsijawatanua. Itsa nakujarubatsinua pabaj̈utonü, pavideojawanü ata Bibliabaj̈utojawawerena pitsapa. Bajaraj̈uanü nakayapütaeyaej̈ana Jehová pijakuene, nakajamatabükueneyawenonanua bepijaamigowinej̈atsi.

KANAÜJÜTSIANATSI

3. Jehová pijajiwi j̈aniawaetsiakuenia benajuanakueneba

Jehová Pijajiwi Pematakaponaewi Jesús pejamatabükueneta, yawenona daj̈ita Jehová petotsipaebaponaewi j̈aniawaetsia penajuanakuenebinej̈a. Bajayatami, Dioso pejumekowünütsiwi baitsi tsabiabi bajarapakuenia. Pataema VIDEOJAWA.

VIDEOJAWA: Jehová pijajiwi kanawereta (6:18)

Palebare 1 Corintios 14:33, 40, TNM, panelebikujinae panabarükuaikuaijamü tsane paliwaisi yabaraje:

• Pakuenia baja lebatsi, ¿Jehová jitsipa Petotsipaebaponaewi j̈aniawaetsia penajuanakuenebinej̈a? ¿Dej̈uajitsia najamatabüj̈ainame bajarapakuenia?

4. Pej̈aniajaikuene penakuenebinü nakamatakapona wajatsipaebinej̈a Dioso Pejumeliwaisi

Bajayatami pepo cristianowi, bitso tsitaj̈anepanatsi petsipaebinej̈a Dioso Pejumeliwaisi. Palebare Hechos 8:14, 25, panelebikujinae panabarükuaikuaijamü tsane paliwaisibeje yabaraje:

• ¿Bajayata apóstolewi pijamatakabianüjawa, depamonae meta bamatakaponabiaba Dioso Pejumeliwaisi petsipaebijawa?

• ¿Dej̈ua Pedro, Juanbeje itsibeje apóstolewi pejumaitsikujinaetsi?

Jehová Pijajiwi Pematakaponaewi bitso kajena pepo tsitaj̈anepanatsi Dioso Pejumeliwaisi petsipaebijawa. Pataema VIDEOJAWA.

VIDEOJAWA: Panetsitaj̈anepana kajena bitso Dioso Pejumeliwaisi patatsipaebijawa (1:24)

Jesús pepo tsitaj̈anepanatsi Dioso Pejumeliwaisi petsipaebijawa. Palebare Marcos 13:10, panelebikujinae panabarükuaikuaijamü tsane paliwaisibeje yabaraje:

• ¿Dej̈uajitsia Jehová Pijajiwi Pematakaponaewi pepo tsitaj̈anepanatsi petsipaebijawa Dioso Pejumeliwaisi?

• ¿Dej̈uajitsia “pej̈aniajaikuenia petonakuenebinü” j̈aniawaetsia bematakapona Dioso Pejumeliwaisi petsipaebijawa?

5. Pej̈aniajaikuenia petonakuenebinü nakamatakapona

Jehová Pijajiwi Pematakaponaewi ewetawanapa daj̈ita Dioso pijajiwi. ¿Deitsi bajarapamonae peitapetsiwajünaeya j̈ua itsijitsia? Taema pakuenia Jehová Pijajiwi Pematakaponaewi baitsi bajayata. Palebare Hechos 15:1, 2; panelebikujinae panabarükuaikuaijamü tsane paliwaisibeje yabaraje:

• ¿Dej̈uajitsia bajayata pepo cristianowi kaeliwaisi apoj̈ainae?

• ¿Pablo, Bernabébeje depamonae yanijobabeje peyapütaenej̈a j̈ua beitsi?

Palebare Hechos 15:12-18; 23-29, panelebikujinae panabarükuaikuaijamü tsane paliwaisi yabaraje:

• Peitapetsiwajünaeya, ¿deitsi nej̈ata Jehová Pijajiwi Pematakaponaewi Dioso peyawenonaenej̈atsi bajarapaliwaisi yabara? (Pataema tsikiriitanetoyo 12, 15, 28).

Palebare Hechos 15:30, 31; 16:4, 5, panelebikujinae panabarükuaikuaijamü tsane paliwaisibeje yabaraje:

• ¿Dejamatabükueneitsi pepo cristianowi pejumetaekujinae Jehová Pijajiwi Pematakaponaewi?

• ¿Depakuenia yapütanetsi Jehová pejumekowünütsij̈ae pej̈aniakuene rajutatsi?

Palebare 2 Timoteo 3:16; Santiago 1:5, panelebikujinae panabarükuaikuaijamü tsane paliwaisi yabaraje:

• ¿Jehová Pijajiwi Pematakaponaewi ajena pamatakabianüjawa deitsi j̈aniawaetsiakuenia peitapetsinej̈a?

PALIWAISI BAJA YAPÜTANETSI

Jesucristo itapeta “pej̈aniajaikuenia petonakuenebinü”, bajarapamonae raja Jehová Pijajiwi Pematakaponaewi. Bajarapamonae ewetawanapa, rajutanua pej̈aniajailiwaisi Bibliabaj̈uto yabara daj̈ita pepo cristianowijawabelia.

Najamatabünapire

• ¿Depatsa itapeta “pej̈aniajaikuenia petonakuenebinü”?

• ¿Depakuenia nakayawenona Jehová Pijajiwi Pematakaponaewi?

• ¿Jehová Pijajiwi Pematakaponaewi, bajarapamonae meta raja “pej̈aniajaikuenia petonakuenebinü”?

YAPÜTAENAME ITSALIWAISI

Yapütaema pakuenia itsi tsabiabi Jehová Pijajiwi Pematakaponaewi Jesús pitorobikueniatsi.

“¿Dej̈ua yabara jumaitsi Jehová Pijajiwi Pematakaponaewi?” (Ruka Internet-jawata jw.org)

Taema pakuenia itsi tsabiabi Jehová Pijajiwi Pematakaponaewi pej̈aniajailiwaisijawanü wajaj̈ainaenej̈a.

Wajabaj̈utonüjawata pej̈aniajailiwaisianü rubena (17:18)

¿Dekatsitaitsi Jehová Pijajiwi Pematakaponaewi j̈ua Jesús itorobatsi?

Pajamatabükuenebarüyanü (7:04)

Jehová Pijajiwi Pematakaponaewi pej̈anialiwaisi nakayapütaeyaej̈ana daj̈ita wajanakaetuatsijawata Jehová pejamatabükueneta, ¿depakuenia yapütanetsi?

Jehová yapütaeyaej̈ananajetaruka pijajiwi (9:39)