Najamatabükuenesaüre kabejiobiaej̈anae ata

Daj̈itatsi cristianowitsi itsajiwi nakanabejiobiaej̈anaena, nakaitawetsiananua wajatonakuenebiyaniwa Jehová, wajajumekowünütsij̈ae Pejumeliwaisi. ¿Bajaraj̈ua yabara bekujunawatsi?

1. ¿Depakuenia yapütanetsi j̈ua itsamonae nakasiwaitsi Dioso wajajumekowünütsij̈ae?

Bibliabaj̈utojawata j̈aniawaetsiakuenia nakayapütaeyaej̈ana: “Daxita pamonae najamatabëcuenecopata xaniavaetsia petojinavanapaenexa Jesucristo, bajarapamonae bejiobiaexanaponaenatsi” (2 Timoteo 3:​12). Jesús nabejiobiaej̈anatsi tsipaji Dowatji pejitsipaekuenia kaeto ata apoitsi. Waj̈aitsi ata Dioso wajajumekowünütsij̈ae, nej̈ata yapütanetsi pakuenia pematakaitorobiwi, jemaiglesiamonae atanua nakanabejiobiaej̈ananajetarubena (Juan 15:​18, 19).

2. ¿Dej̈ua nakaajamatabükuenesaüyaej̈ana?

Daj̈itamatakabi kanakujitsia belebatsi Bibliabaj̈uto, Diosojawabelia benawajütatsinua. Kaesemana kanakujitsia benaponatsi wajanakaetuatsinej̈a congregaciónjawabelia. Bajarapakuenia beitsitsi j̈aniawaetsiakuenia wajajumej̈aniataenej̈a Dioso. Nakaajamatabükuenesaüyaej̈anaenanua tsitekaeya wajajumekowünütsinej̈a Jehová nakabejiobiaej̈anae ata pepo wajamonae. Apóstolenü Pablo, bajayajebi bejiobiaej̈anatsi Dioso petonakuenebij̈ae, itsiata bajaraponü yakina: “Dioso cajena vajanacayavenonaenë. Nexata apo junavitsi tsane, itsajivi nacaitsacueniabijitsia ata” (Hebreos 13:6).

Dioso Pejumeliwaisi itsamonaejawabelia itsa tsipaebatsi, nej̈ata bajaraj̈ua nakajamatabükueneyawenonaena Dioso wajajumej̈aniataejawa, jiwi wajakujunawiyaniwanua (Proverbios 29:25). Itsa aekonoj̈ae ajunawijibia Dioso Pejumeliwaisi tsipaebame, nej̈ata newajünaeyabelia tsitekaeya tsipaebanajetarukaename gobiernomonae apokatojitsipae ata (1 Tesalonicenses 2:2).

3. ¿Dej̈uajitsia tsitekaeya bejumekowünütatsi Jehová nakabejiobiaej̈anae ata?

Aponakatsitaj̈anepanae ata itsamonae nakabejiobiaej̈ana Jehová wajatonakuenebij̈ae. Itsiata, itsa najamatabükuenesaütatsi, j̈aniawaetsiakuenia jumej̈aniataenatsi Jehová. Naimoj̈oyotsianatsinua Jehová wajayapütaekujinae pakuenia bajaraponü nakayawenonabiaba jamatabükuenefaefaenae atatsi (lebare Santiago 1:​2-4). Itsa nakabejiobiaej̈ana, Jehová bitso tsiatanetsi. Itsiata itsa aposiwajamatabükuenefaefaenaetsi, Jehová nakasiwajamatabükuenebarüya. Dioso Pejumeliwaisi jumaitsi: Pej̈aniakuene wajaitsij̈ae nakabejiobiaej̈anae ata, nej̈ata bajaraj̈ua Jehová jamatabükuenebarüyayaej̈ana (1 Pedro 2:​20). Daj̈ita pamonae najamatabükuenesaüta pejumekowünütsinej̈a, Jehová rajutsianatsi matakabi apopewerewerekaejawa pej̈aniairata. Bajarajota daj̈itajiwi j̈aniawaetsiakuenia Jehová tonakuenebiana (Mateo 24:13).

KANAÜJÜTSIANATSI

4. Najamatabükuenesaüre Jehová netonakuenebinej̈a nijamonae apokatojitsipae ata

Jesús nakayapütaeyaej̈ana itsajawata wajamonaeyajuwünü aponakatojitsipae Dioso wajatonakuenebinej̈a. Palebare Mateo 10:​34-​36, panelebikujinae panabarükuaikuaijamü tsane paliwaisi yabaraje:

• Itsajiwiyo Dioso petonakuenebij̈ae, ¿depakuenia pijamonae siwajamatabükueneitsi tsipaetsi?

VIDEOJAWA: Jehová j̈aniawaetsiakuenia paneweta (5:​13)

• ¿Deitsimü tsipae itsajiwiyo itsa apokatojitsipae Jehová netonakuenebaponaponaenej̈a?

Palebare Salmo 27:10; Marcos 10:​29, 30, panelebikujinae panabarükuaikuaijamü tsane paliwaisi yabaraje:

• ¿Depakuenia kajamatabükueneyawenona paliwaisi nijamonae itsa apokatojitsipae Jehová netonakuenebinej̈a?

5. Jumekowünütame Jehová itsamonae apokatojitsipae ata

VIDEOJAWA: Ajunawijibia Jehová tonakueneba itsamonae apotojitsipae atatsi (6:​27)

• ¿Depakuenia kajamatabükueneyawenona pavideojawa netonakuenebinej̈a Jehová ajunawijibia?

Palebare Hechos 5:​27-​29; Hebreos 10:​24, 25. Panelebikujinae panabarükuaikuaijamü tsane paliwaisi yabaraje:

• ¿Dej̈uajitsia tsitekaeya Jehová betonakuenebatsi pematakaitorobiwi nakaitawetsi ata Dioso Pejumeliwaisi wajatsipaebiyaniwa, wajanakaetuatsiyaniwanua congregaciónjawata?

6. Jehová kaajamatabükuenesaüyaej̈anaena

VIDEOJAWA: Jehová niajamatabükuenesaüyaej̈anaena (3:​40)

• ¿Dej̈ua Jehová pijajiwi jamatabükueneyawenonatsi tsitekaeya pejumekowünütsinej̈a bejiobiaej̈anae atatsi?

Palebare Romanos 8:​35, 37-​39; 2 Corintios 4:​7, panelebikujinae panabarükuaikuaijamü tsane paliwaisi yabaraje:

• ¿Depakuenia kajamatabükueneyawenona paliwaisi tsitekaeya nejumekowünütsinej̈a katoayapübeje ata?

Palebare Mateo 5:​10-​12. Panelebikujinae panabarükuaikuaijamü tsane paliwaisi yabaraje:

• ¿Dej̈uajitsia jamatabükuenebarüyamü tsipae bejiobiaej̈anae atamü Dioso pijajiwij̈aemü?

PALIWAISI BAJA YAPÜTANETSI

Jehová nakasiwabarüya tsane itsa tsitekaeya jumekowünütatsi nakabejiobiaej̈anae ata. Jehová nakajamatabükueneyawenonaena.

Najamatabünapire

• ¿Depakuenia yapütanetsi j̈ua itsamonae nakasiwaitsi Jehová wajajumekowünütsij̈ae?

• ¿Dej̈ua kajamatabükueneyawenonaena Jehová netonakuenebinej̈a itsamonae apokatojitsipae ata?

• ¿Dej̈uajitsia tsitekaeya jumekowünütsipame Jehová katoayapübeje ata?

YAPÜTAENAME ITSALIWAISI

Taema pakuenia Jehová yawenonatsi pewüjüato pakujinae cárcel-jawata eka Dioso pijajiwitonüj̈ae.

Najamatabükuenesaütsianatsi itsamonae nakabejiobiaej̈anae ata Dioso pijajiwij̈aetsi (2:34)

Taema j̈ua jamatabükueneyawenonatsi penakojiobijiwibeje petonakuenebinej̈abeje Jehová itsamonae apotojitsipae atatsi.

Jehová tonakuenebabeje itsamonae apotojitsipae atatsi (7:11)

Yapütaema pakuenia itsimüjitsia ajunawijibia Jehová netonakuenebanajetarukaenej̈a.

“Najamatabükueneweretatsi ajunawijibia Jehová wajatonakuenebinej̈a” (Peyajiwitaebo, julio de 2019)

¿Debeitsitsi nej̈ata wajamonae aponakatojitsipae ata Jehová wajatonakuenebinej̈a?

“Jehová wajajumekowünütsij̈ae, itsamonae nakaitoya” (Peyajiwitaebo, octubre de 2017)