¿Dewerena daj̈itakuene pitsapa?

Dioso “exana daxita mapanacuapijicuene” (Hechos 17:24). ¿Dejumaitsimü?, ¿j̈aniajai meta bajarapaliwaisi? Itsamonae jumaitsi “daj̈itakuene penaej̈anaejawa pijakueneta, itsajiwiyo ata apoej̈anaetsi”, jai. Nej̈ata, itsa bajarapakuenia itsi, nakueratsia jinawanapatsi. Itsiata, pakujinae Jehová ej̈ana daj̈itakuene, j̈aniawaetsia baja kajena yapütane j̈uanej̈a ej̈ana.a Kanaüjüre j̈ua Dioso Pejumeliwaisi jumaitsi dewerena najetarubenatsi. Pepakuene baja nej̈ata yapütaename.

1. ¿Dewerena pitsapa nakuaitaboj̈opijikuene, irapijikuene yajawa?

Bibliajawata jumaitsi: “Dioso petaxuxuabimatacabi pexanaejawa mapanacuaje, exana itaboxo, irayajawa” (Génesis 1:1). Científicomonae nawitsia jumaitsi penaej̈anaekuene nakuaitaboj̈o, paira yajawa. ¿Dioso nej̈ata depakuenia ej̈ana itaboj̈o, ira yajawa? Dioso pijaespíritu santota daj̈ita bajaraj̈ua ej̈ana: juameto, tulupukuene, planetakuenenua (Génesis 1:2).

2. ¿Dej̈uajitsia Dioso ej̈ana pairaje?

Jehová Dioso pairaje “jema apoej̈anae, ej̈ana ira jiwi pejinawanapaenej̈a” (Isaías 45:18). Bajaraponü ej̈ana pairaje pej̈aniakuenia pejinawanapaenej̈a jiwi, j̈aniawaetsiakuenia jinawanapaejitsia daj̈itamatakabijawabelia (lebare Isaías 40:28; 42:5). Científicowi bitso tsitapej̈aniakuenetsi mapairaje. Bajarapamonae abaj̈ü tsipaji apoyapütae itsaplanetakuene jota jiwi jinawanapaejitsia.

3. ¿Dej̈uajitsia dajubi aponakaliwaisijüpae?

Jehová ej̈ana pairaje, bajaraj̈uakujinae ej̈ana daj̈itairapijikuene. Kopiaya ej̈ana daj̈itawirianaekuene, j̈uakujinae ej̈ana dajubikuene. Bajaraj̈uakujinae Jehová jiwi najamatabükuenekataeya ej̈ana (lebare Génesis 1:26, 27). ¿Dej̈uajitsia dajubi aponakaliwaisijüpae? Dioso najamatabükuenekataeya wajanakaej̈anaej̈ae wajaasiwanej̈a, pej̈aniakuene wajaej̈anabiabinej̈a pakuenia bajaraponü jamatabükueneitsi. Dioso ata nakaej̈ana wajayapütaenej̈a itsawiriajumenü, wajataenej̈a pej̈aniakuenejawanü. Waji itsa jumetanetsi, nakatsitapej̈aniakuene. Dajubiwekua, bitso yapütanetsi asiwaya wajanaükotsinej̈a Wajanakaej̈anaenü.

KANAÜJÜTSIANATSI

Yapütaenatsi pakuenia Dioso itsi daj̈itakuene, j̈ua Dioso jumaitsi Bibliajawata pej̈anaekuene yabara. Yapütaenatsinua pakuenia jiwi pekuene nakayapütaeyaej̈ana Dioso yabara.

4. Kanaüjütsiaya Dioso ej̈ana daj̈itakuene

Jiwi itsakuenejawanü itsa ej̈ana, kuenekataetsiaej̈ana daj̈itakuene Dioso pekobekowü. Itsiata, ¿deponüjawabelia pej̈aniajamatabükuene berajutatsi pepokuene pej̈anaej̈ae? Pataema VIDEOJAWA, panetaekujinae panabarükuaikuaijamü tsane paliwasi yabaraje:

VIDEOJAWA: Pejumej̈aniataenej̈a Dioso (2:43)

• Pakuenia baja tanetsi videojawata, ¿jiwi dej̈ua kuenekataetsiaej̈anabiaba?

Jiwi pekanaüjütsikujinae bo baej̈aneta. Itsiata, ¿depatsa nej̈ata kopiaya kanaüj̈uta daj̈ita pakuenia itsijitsia? Palebare Hebreos 3:4, panelebikujinae panabarükuaikuaijamü tsane paliwaisibeje yaba-raje:

• ¿Dej̈ua bitso katsitapej̈aniakuene mapairataje?

• ¿Dejumaitsimü?, ¿Dioso meta nej̈ata kanaüjütsiayaej̈ana daj̈itawiriakuene?

¿Yapütaneme baja?

Internet-jawata jw.org kaj̈itajarabianame j̈ua rubena videojawanü bajarapaliwasi yabara. Jaire majotaje: “¿Deponü meta kanaüjütsiayaej̈anatsi?”, itsa jume, “¿Dewerena pitsapa pejinawanapaejawakuene? J̈ua itsamonae najamatabüj̈aina”.

“Caebo canacujitsia tanetsi jivi pexanajebixae bajarapabonë. Itsiata baitsi jane mapanacuata Dioso pexanaejavanëta, jivi exanejeba bonë”

5. Paliwaisi Bibliajawata nakayapütaeyaej̈ana daj̈itakuene pej̈anaejawa yabara pej̈aniajailiwaisi

VIDEOJAWA: ¿Depakuenia meta daj̈itakuenejawanü nataj̈uj̈uaba? (videoyajuwünüjawa) (3:51)

• Bibliabaj̈uto nakayapütaeyaej̈ana Dioso pej̈anaejawa seis pamatakabitabeje daj̈itairapijikuene. ¿Dejuajitsia nej̈ata “seis pamatakabitabeje”, jai?

• ¿J̈aniajai meta nej̈ata j̈ua jumaitsi Bibliabaj̈utojawata daj̈ita pej̈anaekuene yabara? ¿Dejumaitsimü tsipae nej̈ata?

Palebare Génesis 1:1, panelebikujinae panabarükuaikuaijamü tsane paliwaisi yabaraje:

• Científicomonae nawitsia jumekowünüta penaej̈anaekuene nakuaitaboj̈o, paira yajawaje. ¿J̈ua científicomonae jumaitsi yajawanajüpa j̈ua baja Bibliajawata jumaitsi?

Itsamonae bajumaitsi: “Dioso kaecélula ej̈ana, nej̈ata bajarawelia daj̈itawiria dajubi pitsapa”, bajai. Palebare Génesis 1:21, 24, 25, 27, panelebikujinae panabarükuaikuaijamü tsane paliwaisi yabaraje:

• ¿Bibliabaj̈uto meta nej̈ata yapütaeyaej̈ana kaecélulajawawelia pepitsapaejawa jiwi, daj̈itawiria dajubi ata?, itsa jume, ¿Dioso meta ej̈ana kaewiria kanakujitsia?

6. Waj̈aitsi dajubi apoyajawanajüpaetsi

Jiwitsi apoyajawanajüpaetsi dajubi. Palebare Génesis 1:26, panelebikujinae panabarükuaikuaijamü tsane paliwaisi yabaraje:

• Jiwitsi yapütanetsi wajaasiwakuene, wajaitaj̈utotsoniataekuene ata tsipaji Dioso bajarapakuenia najamatabükuenekataeya nakaej̈ana. ¿Dej̈ua nej̈ata kayapütaeyaej̈ana Jehová pekuene yabara?

PALIWAISI BAJA YAPÜTANETSI

Jehová ej̈ana daj̈itakuene: nakuaitaboj̈opijikuene, irapijikuene ata.

Najamatabünapire

• ¿Bibliabaj̈uto dej̈ua yapütaeyaej̈ana daj̈ita j̈ua ej̈ana nakuaitaboj̈opijikuene yabara?

• ¿Dioso meta ej̈ana kaecélula penaej̈anaenej̈a bajarawelia daj̈itawiriakuene, itsa jume, meta ej̈ana kaewiria kanakujitsia?

• ¿Dej̈uajitsia dajubi aponakaliwaisijüpae?

YAPÜTAENAME ITSALIWAISI

Jota lebianame pakuenia daj̈ita nakayapütaeyaej̈ana Dioso pej̈anaekuene.

“¿Dej̈ua nakayapütaeyaej̈ana Dioso pej̈anaekuene?” (¡Naükore!, septiembre 2006)

Taema pakuenia paj̈a pej̈unatonüyo tsipaeba j̈ua jumaitsi Bibliajawata pej̈anaekuene yabara.

“Jehová ej̈ana daj̈itakuene” (2:37)

Kanaüjüre j̈ua Bibliajawata nakayapütaeyaej̈ana itsa yajawanajüpa evoluciónliwaisi.

“¿Dioso meta ej̈ana daj̈itawiriakuene evolución pejamatabükueneta?” (Ruka Internet-jawata jw.org)

Lebianame pakuenia científicomonae liwaisiyapüjaita perujusi yabara yapütaeyaej̈ana dewerena daj̈itakuene pitsapa.

¿Dewerena nej̈ata daj̈itakuene pitsapa? Cinco paliwaisibeje wajakanaüjütsinej̈a (Folletobajüto)