¿Dej̈ua kujaruba Bibliabaj̈uto penakenetsiataejawa yabara?

Itsamonae aura tsabiabi pekuaikuaijaijawa penakenetsiataeliwaisijawa yabara. Itsiata baitsi jane, Dioso Pejumeliwaisibaj̈uto yapütaeyaej̈ana bajaraj̈ua yabara yaiyataeyanua. J̈uajawanü jumaitsi Bibliabaj̈uto bitso j̈anepana tsipaji Jehovájawawerena bajarapaliwaisijawanü pitsapa. Bajaraponü wajanakaej̈anaej̈ae yapütane j̈aniawaetsia wajajinawanapaenej̈a. Nakayapütaeyaej̈anaenanua j̈ua beitsitsi wajajamatabükuenebarüyayaej̈anaenej̈a Jehová, barüyaya wajajinawanapaenej̈anua daj̈itamatakabijawabelianej̈a.

1. ¿Depakuenia siwanajamatabüj̈aina Jehová penakenetsiataeliwaisi yabara?

Jehová tsitaj̈anepanatsi pebi, petiriwa penakenetsiataenej̈abeje itsa nacasababeje. Saya üpej̈i apopej̈ainaenej̈a, penajamatabükueneitajütsinej̈abejenua namataenetsia penaasiwajawabeje. Bajaraj̈uata nej̈ata Dioso Pejumeliwaisibaj̈uto jumaitsi: “Barüyaya yajawaponaponare ünijawayo” (Proverbios 5:18, 19). Jehová jitsipa pepo cristianowi penacasabiwi asiwaya üpenajuajinawanapaenej̈a daj̈itamatakabijawabelia. Bajaraj̈uata cristianojiwi apobekenetsiatae itsawa pijawawekua, petiriwa pijinia apobejaitsi itsanü pamonawekua (lebare Hebreos 13:4).

2. ¿Dej̈ua meta pibisiakuene peperabütota pej̈anaejawa yabarajai?

Bibliabaj̈uto nakayapütaeyaej̈ana pamonae pibisiakuene ej̈ana peperabütota, apopejinawanapaenej̈a Dioso Pematakaitorobijawata (1 Corintios 6:9, 10). Bibliabaj̈uto peyakinaewi pakujinae yabarajumaitsi pibisiakuene pej̈anaejawa peperabütota, yakina griegojumeta pornéia pejaijume. Yabarakuaikuaijai 1) penakenetsiataejawa aponacasabinejewa yabara,a 2) nakaewünüpebibeje itsa nakenetsiatanebeje, bajarapijinia apoj̈anepanae nakaewünüpetiriwabeje itsa nakenetsiatanebeje 3) dajubimonaeata itsa kenetsiatane. Nej̈ata, nayajiwitaeya itsa jinawanapatsi pibisiakuene wajaej̈anaeyaniwa wajaperabütota, jamatabükuenebarüyayaej̈anatsi Jehová, waj̈aitsi ata j̈aniawaetsiakuenia jinawanapatsi (1 Tesalonicenses 4:3).

KANAÜJÜTSIANATSI

3. Wekuanatsare pibisiakuene neitsiyaniwa neperabütota

Bajayatami Jehová pijajiwitonümi Joséwününü najamatabükuenesaüta pibisiakuene peperabütota pej̈anaeyaniwa. Lebare Génesis 39:1-12, panelebikujinae panabarükuaikuaijamü tsane paliwaisibeje yabaraje:

• ¿Dej̈uajitsia José wekuanajaetabijirawa? (Pataema tsikiriitanetoyo 9).

• ¿J̈ua meta José itsi j̈anepana? ¿Dej̈uajitsia?

VIDEOJAWA: Wekuanatsare pibisiakuene neitsiyaniwa neperabütota (5:06)

Jehová jitsipa wajawekuanatsatsijawa pibisiakuene wajaej̈anaeyaniwa wajaperabütota. Palebare 1 Corintios 6:18, panelebikujinae panabarükuaikuaijamü tsane paliwaisibeje yabaraje:

• ¿Dej̈ua meta nakajamatabükueneitorobijitsipa pibisiakuene wajaej̈anaenej̈a wajaperabütota?

• ¿Dej̈ua beitsimü nej̈anaeyaniwa pibisiakuene neperabütota?

4. Najamatabükuenesaütsipame itsa kajamatabükueneüjübijitsipa

VIDEOJAWA: Wajalebijawa Bibliabaj̈uto nakajamatabükueneyawenonaena pibisiakuene wajaej̈anaeyaniwa (3:02)

• Pawajamonaenü tanetsi videojawata pibisiakuene najamatabüj̈aina peitsinej̈a, jamatabüjaita itsawa pijawawekua. Itsiata, ¿deitsi?

Pepo cristianowi ata najamatabükuenesaütabiaba pibisiakuene penajamatabüj̈ainaeyaniwa. ¿Dej̈ua beitsimü pibisiakuene nenajamatabüj̈ainaeyaniwa? Palebare Filipenses 4:8, panelebikujinae panabarükuaikuaijamü tsane paliwaisibeje yabaraje:

• ¿Depitsikuenejawanü meta yabara benajamatabüj̈ainatsi?

• Itsa lebatsi Bibliabaj̈uto, jamatabükueneenatsinua Dioso pijakuenejawanüta, ¿bajaraj̈ua meta nakajamatabükueneyawenona pibisiakuene wajaej̈anaeyaniwa? ¿Dej̈uajitsia?

5. Jehová Pejumeliwaisi nakajamatabükueneyawenona

VIDEOJAWA: Apopejumekowünütsiwi pibisiakuene tokopiapatsianatsi (9:31)

• Bajarapapewüjüato imoj̈oyo pibisiakuene pej̈anaenej̈a, ¿dej̈uajitsia? (Pataema Proverbios 7:8, 9).

• Pakuenia jumaitsi Proverbios 7:23, 26, itsa pibisiakuenejawanü itsitsi wajaperabütota ayailiwaisi nakatokopiapata. ¿Depapibisiakuenejawanü nakatokopiapata?

• ¿Debeitsitsi wajaajamatabükueneliwaisij̈uirajibinej̈a j̈aniawaetsia wajajinawanapaenej̈a daj̈itamatakabijawabelia?

Itsamonae najamatabüj̈aina Dioso apoasiwa daj̈itajiwi tsipaji Bibliabaj̈uto apojitsipae nakaewünüpebijiwi penajitsipaekuene. Itsiata baitsi jane Jehová asiwa daj̈itajiwi, jitsipanua daj̈itajiwi barüyaya pejinawanapaenej̈a daj̈itamatakabijawabelianej̈a. Itsiata wajanakarajutsinej̈a bajaraj̈ua beitsitsi Dioso pejitsipaekuenia. Palebare 1 Corintios 6:9-11, panelebikujinae panabarükuaikuaijamü tsane paliwaisi yabaraje:

• ¿Dioso meta tsitaabejetsi nakaewünüpebijiwi penakenetsiataejawa?

Wajajamatabükuenebarüyayaej̈anaenej̈a Dioso benajamatabükuenej̈anetatsi, ¿dej̈uajitsia benajamatabükuenesaütatsi? Palebare Salmo 19:8, 11; panelebikujinae panabarükuaikuaijamü tsane paliwaisi yabaraje:

• ¿J̈anepana meta pakuenia Jehová nakaitoroba? ¿Dej̈uajitsia bajarapakuenia najamatabüj̈ainame?

PALIWAISI BAJA YAPÜTANETSI

Jehová tsitaj̈anepanatsi pebi, petiriwa penakenetsiataenej̈abeje itsa nacasababeje.

Najamatabünapire

• ¿Dej̈ua yabarajumaitsi pibisiakuene pej̈anaejawa peperabütota?

• ¿Dej̈ua nakayawenonaena wajaej̈anaeyaniwa pibisiakuene wajaperabütota?

• ¿Depakuenia nakayawenona Jehová pitorobiliwaisianü wajaitsiyaniwa pibisiakuene wajaperabütota?

YAPÜTAENAME ITSALIWAISI

¿Dej̈uajitsia Dioso jitsipa pebi, petiriwa penacasabijawabeje? Lebianame majotaje:

“¿Dejumaitsi Bibliabaj̈uto penajuajinawanapaejawa apopenacasabinejewa?” (Ruka Internet-jawata jw.org)

Bibliabaj̈utojawata aponakayapütaeyaej̈anae wajaitoyanej̈a nakaewünüpebibeje, nakaewünüpetiriwabejenua itsanapitabeje. Nej̈ata yapütaename.

“¿Abeje meta nej̈ata penakenetsiataejawa üpebibeje?” (Ruka Internet-jawata jw.org)

Yapütaema pakuenia Dioso Pejumeliwaisi nakajamatabükueneyawenona penakenetsiataeliwaisi yabara.

“Jiwi pekuibojawa itsa nakenetsiatane, ¿kenetsiatane meta nej̈ata?” (Ruka Internet-jawata jw.org)

Nakaewünüpebi pejitsipaenümi itsiata najamatabükuenej̈aneta. Lebare paliwaisije: “Yaiyataeya netane”.

“Dioso Pejumeliwaisi jamatabükuenej̈anetatsi” (Peyajiwitaebo, 1 de abril, 2011)