¿Pepo cristianowi desiwajamatabüitsi piaitajibiej̈anaera yabara?

Jiwimonae j̈aina pijaliwaisi piapaejawa yabara piaitajibiej̈anaera. Itsamonae apaebiaba pijaamigowi yajawa, itsamonae apoapae piaitajibiej̈anaera, itsamonae juya bitso apa piaitajibinej̈a. Nej̈ata, ¿Bibliabaj̈uto dejumaitsi bajaraj̈ua yabara?

1. ¿Abeje meta wajaapaejawa piaitajibiej̈anaera?

Bibliabaj̈utota jumaitsi piapaejawa piaitajibiej̈anaera apoabeje pikani. Biji rajane Dioso Pejumeliwaisibaj̈utota jumaitsi: “Vinora jamatabükuenebarüyayaej̈anaena pebi, tsipaji Jehová rajuta bajaraj̈ua jiwimonaejawabelia” (Salmo 104:14, 15). Nakayapütaeyaej̈ananua pakuenia bajayata Dioso pejumekowünütsiwi, pebijiwi, petiriawi ata baapa piaitajibiej̈anaera (1 Timoteo 5:23).

2. ¿Depaliwaisi yapütaeyaej̈ana Bibliabaj̈uto pamonae jitsipa piapaejawa piaitajibiej̈anaera?

Jehová itoya piaitajibijawakuene, itsa apanua matatoj̈enetsia (Gálatas 5:21). Dioso Pejumeliwaisibaj̈utota jumaitsi: “Pütsa payajawajinawanapame pamonae bitso piapaewi matatoj̈enetsia vinora” (Proverbios 23:20). Bajaraj̈uata itsa apaejitsiatsi piaitajibiej̈anaera wajaepato, itsa jume, itsamonae yajawa, nej̈ata apobiapaetsi bitso wajanajamatabükueneitaj̈anaeyaniwa. Bitso apobiapaetsi wajaawitaneyaniwa. Bajaraj̈uata itsa apoyapütaetsi wajaapaejawa piaitajibiej̈anaera, nej̈ata kaekueneta benakuenekopatatsi bajaraj̈ua.

3. ¿Depakuenia itsamonae bekueneyaiyatanetsi itsa apa piaitajibiej̈anaera?

Kaejiwiyo kanakujitsia benajamatabükuenewereta itsa apaejitsia piaitajibiej̈anaera. Apobebarakuaikuaijaitsi pamonae saikaya najamatabükuenewereta piapaenej̈a piaitajibiej̈anaera najamatabükuenetaeya. Apobejamatabükueneitorobatsinua itsajiwiyo itsa apojitsipae piapaejawa piaitajibiej̈anaera (Romanos 14:10). Apobiapaebiabitsi pitabünejewa apopiapaewi piaitajibiej̈anaera wajajamatabükuenefaefaenaeyaej̈anaeyaniwa (lebare Romanos 14:21). Pepo cristianojiwiyo aponatoitsi üpejitsipaekuene, biji rajane najamatabüj̈aina itsamonaejawabelia (lebare 1 Corintios 10:23, 24).

KANAÜJÜTSIANATSI

4. Najamatabükuenewerere itsa apaejitsiamü piaitajibiej̈anaera

¿Dejumaitsi Jesús piaitajibiej̈anaera piapaejawa yabara? Wajayapütaenej̈a bajaraj̈ua taenatsi pakuenia piayaikuenejawanü bajayatami Jesús baitsi. Palebare Juan 2:1-11, panelebikujinae panabarükuaikuaijamü tsane paliwaisibeje yabaraje:

• ¿Jesús dej̈ua siwanajamatabüj̈aina piaitajibiej̈anaera yabara, piapaewinua?

• Jesús apotsitaabejetsi piapaejawa piaitajibiej̈anaera. Cristianojiwiyo itsa apa, ¿depakuenia besiwanajamatabüjainatsi?

Cristianojiwiyo kuenekaüjüpatsi piapaenej̈a piaitajibiej̈anaera, itsiata baitsi jane itsajawata apobiapae. Palebare Proverbios 22:3, panelebikujinae panabarükuaikuaijamü tsane itsa j̈anepanaejitsipa paniapaenej̈a piaitajibiej̈anaera itsa:

• J̈amü motota, carromotanua itsa yaponaejitsiamü, maquinariakuene ata itsa kanakuenebijitsiamü.

• Itsa nakoj̈itame.

• Itsa médiconü kaitaweta niapaeyaniwa piaitajibiej̈anaera.

• Itsa apokatoyapüj̈anepanae nenakuenekopatsinej̈a niapaeyaniwa piaitajibiej̈anaera.

• Pematakaitorobiwi itsa kaitaweta niapaeyaniwa piaitajibiej̈anaera.

• Piapaejiwiyomi piaitajibiej̈anaera itsa yajawaponaponame.

¿Itsa totsaname piaitajibiej̈anaera penacasibiwi pijafiestajawata, itsa jume, itsafiestajawanüta? Paneyapütaenej̈a j̈ua bepaitsimü, pataema VIDEOJAWA.

VIDEOJAWA: ¿J̈amü meta betotsaname fiestajawata piaitajibiej̈anaera? (2:41)

Palebare Romanos 13:13; 1 Corintios 10:31, 32. Panelebikujinae kaeliwaisi kanakujitsia, panabarükuaikuaijamü tsane paliwaisi yabaraje:

• ¿Bajarapaliwaisi depakuenia kayawenonaejitsipa nejamatabükuenebarüyayaej̈anaenej̈a Jehová?

5. Najamatabükuenewerere piaitajibiej̈anaerawajüto apaejitsiamü

Itsa najamatabükueneweretame niapaenej̈a piaitajibiej̈anaera, Jehová apotsitaabejetsi, itsiata tsitaabejetsi itsa bitso apame matatoj̈enetsia piaitajibiej̈anaera, ¿dej̈uajitsia? Palebare Oseas 4:11, 18; panelebikujinae panabarükuaikuaijamü tsane paliwaisi yabaraje:

• ¿Deitsi tsipae meta itsajiwiyo bitso piaitajibiej̈anaera itsa apa?

¿Dej̈ua nakajamatabükueneyawenonaejitsipa bitso wajaapaeyaniwa piaitajibiej̈anaera? Benajamatabükueneyapütanetsi j̈aniawaetsiakuenia. Palebare Proverbios 11:2, panelebikujinae panabarükuaikuaijamü tsane paliwaisi yabaraje:

• ¿Dej̈uajitsia benatsiwajünaekanaüjütame papiaitajibiej̈anaerawajüto apaejitsiamü?

6. Nakuenekopare bitso niapaebiabijawa piaitajibiej̈anaera

VIDEOJAWA: “Abeje kajena j̈ua baitsinü tsabiabi” (6:32)

• ¿Deitsi tsabiabi Dimitri itsa apaebiaba piaitajibiej̈anaera?

• ¿Nakuenekopata bepijia piapaebiabijawa piaitajibiej̈anaera?

• ¿Depakuenia baja Dimitri nakuenekopata piapaejawa piaitajibiej̈anaera?

Palebare 1 Corintios 6:10, 11; panelebikujinae panabarükuaikuaijamü tsane paliwaisibeje yabaraje:

• ¿Abeje meta itsa bitso aitajibitsi?

• ¿J̈aniajai meta piaitajibijiwiyo najamatabükuenej̈anetsipa?

Palebare Mateo 5:30, panelebikujinae panabarükuaikuaijamü tsane paliwaisi yabaraje:

• Pacomparaciónkuenia penakobekaukutsiliwaisi yabara. Jesús yapütaeyaej̈ana pakuenia benajamatabükuenej̈anetatsi nakatoayapübeje ata wajabarüyayaej̈anaenej̈a Dioso. Nej̈ata, itsa jamatabükopatame niapaebiabijawa piaitajibiej̈anaera, ¿dej̈ua beitsimü?a

Palebare 1 Corintios 15:33; panelebikujinae panabarükuaikuaijamü tsane paliwaisi yabaraje:

• ¿Deitsi tsipae itsa yajawaponaponaejitsipame pamonae bitso apaebiaba piaitajibiej̈anaera?

PALIWAISI BAJA YAPÜTANETSI

Jehová apotsitaabejetsi najamatabükuenetaeya wajaapaejawa piaitajibiej̈anaera wajabarüyanej̈a. Itsiata tsitaabejetsi piaitajibikuene, itsa matatoj̈enetsia piaitajibiej̈anaera apatsinua.

Najamatabünapire

• ¿Dejumaitsi Dioso Pejumeliwaisi piapaejawa yabara piaitajibiej̈anaera?

• ¿Deitsi tsipae bitso itsa apa piaitajibiej̈anaera?

• ¿Depakuenia beyaiyatanetsi j̈ua itsamonae najamatabükuenewereta piaitajibiej̈anaera yabara?

YAPÜTAENAME ITSALIWAISI

¿Dej̈ua bekanaüjüta pewüjüabiwi, pejanawi ata piapaewajünaeya piaitajibiej̈anaera?

Piaitajibiej̈anaera itsa apaejitsiamü, nayajiwitaema (2:31)

Itsa katoayapübeje najamatabükuenetaeya piaitajibiej̈anaera niapaejawa, lebare j̈ua beitsimü.

“Nayajiwiyapütaema piaitajibiej̈anaera niapaejawa yabara” (Peyajiwitaebo, 1 de enero, 2010)

¿J̈anepana meta cristianowi peitsinej̈a brindis?

“Pelebiwi j̈ua yanijoba” (Peyajiwitaebo, 15 de febrero, 2007)

Lebare pakuenia itsanü kapanepa piapaeyaniwa matatoj̈enetsia piaitajibiej̈anaera. “Bajayata aitajibi atanü tsitekaeya baapaebiabajü piaitajibiej̈anaera”, pejailiwaisi.

“Dioso Pejumeliwaisi baj̈uto jamatabükuenej̈anetasi” (Peyajiwitaebo, 1 de mayo, 2012)