¿Depakuenia bejinawanapatsi wajabarüyaej̈anaenej̈a Dioso?

Pütsa ej̈aname j̈ua Dioso tsitaabejetsi (Gálatas 5:19-21).

Itsa asiwatsi Dioso, nej̈ata apobeitsitsi j̈ua tsitaabejetsi.

Jehová apojitsipae wajanakobetoj̈otsijawa, wajaaitajibijawanua. Apobejowibitsi, apobetubitsi dopa, itsakuenejawa ata, tsipaji nakatobijiana wajaperabüto.

Dioso tsitaabejetsi penawekotoj̈uabijawa penakueto. Penakenetsiataejawa nakaewünüpebibeje. Jiwi pebeyaj̈uabijawanua. Apojitsipae wajajitsipaejawa ayaipalata wajaj̈ainaenej̈a. Apojitsipaenua penamaj̈uwanitsijawa.

Apobenawaj̈ukaetsi pejumapekataenüanüjawabelia. Apobejaitsitsinua penajorobikuene, apobewajükaetsinua ainawiwijawabelia.

Pamonae papibisiakuenejawanü ej̈anabiaba, kaeto ata apojinawanapae tsane pej̈anianakuata.

Pej̈aniakuene bej̈ananajetarubenatsi itsamonaejawabelia (Mateo 7:12).

Jehová bitso tsitaj̈anepanatsi pakujinae nasaütanajetarukatsi wajakuenejüpaenej̈a.

Najamatabükueneitajütame neasiwajawa pakujinae itsa rajutame nekobekowüjawayo itsamonaejawabelia.

Najamatabükueneitajüre nej̈aniajaikuene.

Siwanajamatabüj̈ainare pej̈aniakuenia, pibisiakuene kaej̈anae ata.

Tsipaebabiabare itsamonae Jehová yabara (Isaías 43:10).