¿Depaliwaisi beyapütanetsi Jesús yabara?

Jehová itoroba Jesús irabetsika (1 Juan 4:9).

Jehová pej̈anaewajünaeya Adán, kopiaya ej̈ana ayaijamatabükuenenü ángelenü atjübütatsia. Jehová wajabarüyaej̈anaenej̈a, benamuj̈unaewetatsi bajarapaángelenü.

Bajaraj̈uakujinae, Jehová itorobika bajarapaángelenü irabetsika, penaej̈anaenej̈a pakuenia penakuetonüyo banaej̈ana, pena Maríawünüwa. Bajarapowa pebi apotae, itsiata baitsi jane nakoj̈iej̈ana Belénjawata. Wünüruba Jesús (Juan 6:38).

Pakujinae irata ponapona, Jesús pejamatabükuenej̈anepanaenü, asiwayanua taeyabiaba jiwi, tsipaji jamatabükuenejüpa Jehová. Bajaraj̈uata jiwi jitsipa peimoj̈oyobijawa Jesús. Bajaraponü kujarubabiaba pej̈aniajailiwaisi Dioso yabara ajunawijibinejewa.

Jesús pikani pej̈aniajamatabükuenenü itsiata itsamonae itoyatsi (1 Pedro 2:21-23).

Jesús jamatejemayaej̈ana piawitanewi, matakobanua petüpaewi.

Jesús yapütaeyaej̈anabiaba pakuenia ikelesiajawa pematakaitorobiwi pibisiakuene ej̈anabiaba, kujarubabiabanua penajumetsünütsiliwaisi. Bajaraj̈uata itoyatsi.

Ikelesiajawa pematakaitorobiwi jumaitsi penajumetsünütsiliwaisi romanomonaejawabelia pekonitabiabinej̈atsi, pebeyaj̈uabinej̈atsinua Jesús.