¿Dej̈uajitsia Jesús tüpa?

Jesús nakasiwatüpa wajajinawanapaenej̈a daj̈itamatakabijawabelianej̈a (Juan 3:16).

Akueyabi pamatakabibeje Jesús petüpaekujinae, petiriawi pona Jesús pemütjüabelia. Nej̈ata kaj̈itajaraba pesamütjü tsipaji Jehová baja matakotatsi.

J̈uakujinae Jesús tsitanaitajüta pijaapóstolewijawabelia.

Jehová ikatsia asaüyaej̈ana Jesús peponaponaenej̈a atjübütatsia beángelewikuenia. Pijajiwi tanetsi atjübüabetsia peponaejawa. Aekonoj̈ae apotaetsi. Jesús ayaijamatabükuenenü, kaeto ata apotüpae tsane.

Dioso ikatsia asaüyaej̈ana Jesús, itapetanua Pematakaitorobinünej̈a (Mateo 28:18).

Jesús tüpa penekonimatamotsinej̈a jiwi, pekapanepaenej̈a petüpaejawawekua (Mateo 20:28). Bajaraj̈uata, Dioso kuenekaüjüpatsi wajanakarajutsinej̈a matakabi apopewerewerekaejawa.

Jehová itapeta Jesús Pematakaitorobinünej̈a irabetsika. Jehová itapeta 144.000 pajiwibeje pejumekowünütsiwi, j̈aniawaetsia pewetsinej̈a Jesús yajawa Dioso Pematakaitorobijawata. Jehová ikatsia asaüyaej̈ana bajarapamonae atjübütatsia pejinawanapaenej̈a (Apocalipsis 14:1-3).

Dioso Pematakaitorobijawata pej̈anianakua ej̈anaena. Ajibiaej̈anaena penabejawa, piajamatabübejekuene, pebejiobijawa, janibokuene ata. Jiwi pepokuene barüya tsane (2 Pedro 3:13).