Pepo pej̈anialiwaisi kajena bitso ruka Bibliabaj̈utota, baitsi, Dioso Pematakaitorobikuene yabara. Dioso itsa matakaitorobiana najumekapanepaeya j̈ua tajüwelia jumaitsi, baitsi, ira j̈anetsiana pej̈anianakuanej̈a. ¿Depaliwaisi nej̈ata beyapütanetsi Dioso Pematakaitorobijawa yabara? ¿Depakuenia baja nej̈ata yapütanetsi pematakaitorobaponaejawa? ¿Ajena baja nej̈ata pamatakabijawa deitsije? ¿Deitsi baja nej̈ata tsane pewajünaeyabelia? Yapütaenatsi bajarapaliwaisi yabara 32, 33 Liwaisijawata.

1. ¿Dej̈ua nej̈ata beyapütanetsi Dioso Pematakaitorobijawa yabara? ¿Deponü nej̈ata Jehová itapeta Pematakaitorobinünej̈a?

Jehová matakaitoroba pejitsipaekuenia. Bajaraponü raja itapeta Jesucristo Pematakaitorobinünej̈a atjübüwetsika (Mateo 4:17; Juan 18:36). Bibliabaj̈utota jumaitsi Jesús yabara: “Bajaraponë evetsiana […] daxita matacabijavabelianexa” (Lucas 1:32, 33). Jesús matakaitorobiana daj̈ita pairapijiwije.

2. ¿Depamonae meta nej̈ata Jesús yajawamatakaitorobiana?

Jesús pairata peponaponaekujinae, bajaraj̈uakujinae bitso jiwi jitsipa Jesús pijajiwinej̈a. ¿Daj̈ita meta nej̈ata bajarapamonae Jesús yajawamatakaitorobiana? Jume, saya baja Jesús yajawamatakaitorobiana 144.000 pajiwibeje (lebare Apocalipsis 14:1-4). Nej̈ata ‘daxitaviriajumevi ata, daxitanacuanëpijivi atanuaʼ Dioso itapeta bajarapamonae Jesús pebarünajuaewetsinej̈a (Apocalipsis 5:9, 10). Itsamonae nej̈ata Dioso pejumekowünütsiwi irata jinawanapaena (Salmo 37:29).

3. ¿Dej̈uajitsia meta nej̈ata bitso j̈anepana Dioso Pematakaitorobijawa jiwi pematakaitorobikuenewekua?

Mapairaje pematakaitorobiwi j̈aniawaetsiakuenia pikani jamatabümatakaitorobi ata, itsiata tsitaakuenebitsi. Bajaraj̈uakujinae itsiata itsajiwi nutapona, bajarapamonae meta jiwi aposiwajamatabükuenebüjai. Itsiata Dioso Pitapetsinütsi, Jesucristo, itsajiwi ata kaeto ata apokowüewetsi tsanetsi. “Dioso kapatsiana pematakaitorobijawa. Kaeto ata apowerewerekae tsane” (Daniel 2:44). Jesús matakaitorobiana daj̈ita ira, daj̈itajiwi j̈aniawaetsiakuenia ewetsiana. Bajaraponü tsipaji pejamatabükuenej̈anepanaenü, daj̈itajiwi ata mapairataje namataenetsia naasiwa tsane (lebare Isaías 11:9).

4. J̈aniawaetsiakuenia Pematakaitorobinü ira matakaitorobiana

Jesucristo j̈aniawaetsiakuenia kuenekaüjüpatsi pematakaitorobinej̈a daj̈ita paira pematakaitorobiwiwekua. Palebare Mateo 28:18, panelebikujinae panabarükuaikuaijamü tsane bajarapaliwaisi yabaraje:

• ¿Dej̈uajitsia bitso Jesús kuenekaüjüpatsi daj̈ita paira pematakaitorobiwiwekua?

Ira pematakaitorobiwi saya baja matakaitoroba panakuajawaje, bajaraj̈uakujinae baja werewereka. ¿Bajaraitsi meta nej̈ata Dioso Pematakaitorobikuene ata? Palebare Apocalipsis 11:15, panelebikujinae panabarükuaikuaijamü tsane bajarapaliwaisibeje yabaraje:

• ¿Dej̈uajitsia nej̈ata j̈anepana Dioso Pematakaitorobijawa apopewerewerekaejawa?

• ¿Dej̈uajitsia nej̈ata j̈anepana Dioso Pematakaitorobijawa daj̈ita panakuaje?

5. Jiwi baja nej̈ata pematakaitorobikuene ajibi tsane

¿Dej̈uajitsia nej̈ata waj̈aitsi namatawenonatsi Dioso wajanakamatakaitorobijawa mapairataje? Pataema VIDEOJAWA, panetaekujinae panabarükuaikuaijamü tsane bajarapaliwaisi yabaraje:

VIDEOJAWA: Paliwaisi beyapütanetsi Dioso Pematakaitorobijawa yabara (videoyajüwünüjawa) (1:41)

• ¿Pairata pematakaitorobiwi depitsiliwaisianü ej̈ana?

Palebare Eclesiastés 8:9, panelebikujinae panabarükuaikuaijamü tsane bajarapaliwaisi yabaraje:

• ¿Katsitaj̈anepanaejitsipa meta nej̈ata jiwi pematakaitorobikuene pewerewerekaejawa?, ¿juya meta nej̈ata katsitaj̈anepanaejitsipa Jesús Pematakaitorobijawa? ¿Dej̈uajitsia?

6. Jesús peyajawamatakaitorobiwi nakajamatabükueneyapütane

Bajayata, Wajatuj̈anenü Jesús irata baponapona waj̈aitsikuenia, bajaraj̈uata “nacajamatabëcueneyapëtane pacuenia vaxaitsi jamatabëcueneitsitsi” (Hebreos 4:15). Jehová itapeta 144.000 pajiwibeje, petiriawi yajawa, Jesús pebarümatakaitorobinej̈a. Bajarapamonae Dioso pejumekowünütsiwi. Dioso itapetatsi daj̈itawiriajumewi, daj̈itanakuapijiwiyajuwünüwi ata (Apocalipsis 5:9).

• Jesús, 144.000 pajiwibeje itsa barümatakaitorobiana pairaje nej̈ata baja waj̈aitsi pakuenia itsitsi nakajamatabükueneyapütaena, ¿bajarapaliwaisi nej̈ata dekatsitaitsi?

7. Dioso kajena bitso pitorobiliwaisi pepo j̈anepana jiwi pematakaitorobiliwaisiwekua

Peyanakuaewetsiwi pitorobiliwaisi kapitsapa jiwi peyawenonaenej̈a, pewetsinej̈anua. Dioso ata nakatokopata pitorobiliwaisi wajajumekowünütsinej̈a. Palebare 1 Corintios 6:9-11, panelebikujinae panabarükuaikuaijamü tsane paliwaisianü yabaraje:

• ¿Deitsi meta nej̈ata tsane daj̈itajiwi itsa jumekowünütsiana Dioso pitorobiliwaisi?a

• Dioso jitsipa daj̈itajiwi pejumeyaiyataejawatsi pitorobiliwaisi, ¿bajarapaliwaisi dekatsitaitsi?

• Pamonae abaj̈ü Dioso apopejumekowünütsiwi itsiata meta benajamatabükuenepünüyorota, ¿depakuenia nej̈ata beyapütanetsi? (Pataema tsikiriitanetoyo 11).

PALIWAISI BAJA YAPÜTANETSI

Jehová Jesús itapeta Pematakaitorobinej̈a atjübüwetsika.

Najamatabünapire

• ¿Dioso depamonae itapeta pematakaitorobiwinej̈a?

• ¿Dej̈uajitsia nej̈ata Jesús pematakaitorobijawa pepo j̈anepanae jiwi pematakaitorobijawawekua?

• Pamonae jitsipa Dioso pematakaitorobinej̈atsi, ¿bajarapamonae nej̈ata debeitsi tsane?

YAPÜTAENAME ITSALIWAISI

Lebare j̈ua Jesús yapütaeyaej̈ana Dioso Pematakaitorobikuene yabara.

“¿Dioso meta nej̈ata Pematakaitorobikuene wajajamatabüütjütota j̈ainatsi?” (Ruka Internet-jawata jw.org)

¿Dej̈uajitsia Jehová petotsipaebaponaewi Dioso Pematakaitorobikuene jumekowünütawanapa jiwi pematakaitorobikuenewekua?

J̈aniawaetsiakuenia tonakueneba Dioso Pematakaitorobikuene (1:43)

Yapütaema pakuenia Bibliabaj̈utota jumaitsi 144.000 pajiwibeje yabara, Jesús pebarümatakaitorobiwinej̈a.

“¿Depamonae ponaena atjübüabetsia?” (Ruka Internet-jawata jw.org)

Bajarapowa yapütane Dioso Pematakaitorobikuene pekopiarukaenej̈a pibisiakuene. Lebare bajarapowa peliwaisi.

“Yapütaniji pakuenia naj̈anetsijitsia liwaisi” (¡Naükore!, noviembre de 2011)

1914 baja pawaita taj̈uj̈uaba atjübütatsia Jesús Pematakaitorobijawa Dioso pejitsipaekuenia. Bajarapawaijawawerenakujinae baja nej̈ata tokopiarukaponatsi jiwi pematakaitorobijawa. ¿Depakuenia nej̈ata yapütanetsi? Yapütaenatsi j̈ua Bibliajawata tajüwelia najumekapanepaeya jumaitsi, yapütaenatsinua pakuenia daj̈ita jiwi jinawanapa 1914 pawaijawawerenakujinae.

1. ¿Dej̈ua Bibliajawata tajüwelia yapütaeyaej̈ana?

Danielbaj̈utojawata tajüwelia nakayapütaeyaej̈ana Jesús Pematakaitorobinej̈a “siete pawaibeje” pekopiarukaekujinae (Daniel 4:16, 17). Pakujinae Jesús abaj̈ü ponapona pairataje, yapütaeyaej̈ana bajarapawainü yabara. Bajaraponü jumaitsi: “Itsanakuapijiwi tokaüjütarutatsi petaenej̈a bejematomarakuenia” (Lucas 21:24, TNM). Jesús abaj̈ü pijamatakabianü tsiteka apowerewerekae. Yapütaenatsi nej̈ata “siete pawaibeje” pewerewerekaejawa 1914 pawaita.

2. ¿Deitsi nej̈ata jiwi 1914 pawaijawawerenakujinae? ¿Deitsi nej̈ata daj̈itanakuanüjawa?

Jesús pijajiwi yanijobatsi: “¿Detsa peneta pitsikuene pataenajü patayapütaenej̈a nekopiapatsijawa? ¿Detsa peneta pitsikuene pataenajü itsa werewerekaejitsia mapanakuapijikueneje?” (Mateo 24:3, TNM). Jesús baja nej̈ata tsipaeba pakuenia itsijitsia daj̈itakuene atjübütatsia peitapetsikujinaetsi Pematakaitorobinünej̈a. Jesús kuaikuaijai wajabitsaë yabara, janibokuene yabara, ira penajüabikuene yabara ata (lebare Mateo 24:7). Bibliajawata baja kajena yapütaeyaej̈ana pekopiarukaematakabianüjawa baja kajena “bitso ayapëbeje tsane daxitacuenejavabelia” (2 Timoteo 3:1-5). 1914 pawaijawawerenakujinae baja kajena daj̈ita bajaraj̈ua najumekapanepanajetaruka.

3. Jesús atjübütatsia itsa matakaitorobapona, ¿dej̈uajitsia nej̈ata daj̈itakuene apoyapüj̈anepanae mapanakuataje?

Jesús pepo Petuj̈anenükuenia peitapetsikujinaetsi, nej̈ata atjübütatsia barünabia Dowatji, pijajiwi yajawa. Jesús nej̈ata kueneamoneyaba. Bajaraj̈uakujinae Dowatji j̈uabikatsi irabetsika pijajiwi yajawa (Apocalipsis 12:9, 10, 12, TNM). Dowatji nej̈ata ajamatabükuenebeje tsipaji bepijia ajibiaej̈anaenatsi. Bajaraj̈uata nej̈ata bajaraponü jiwi nabejiobiataeyaej̈ana. Bajaraj̈uata nej̈ata daj̈itakuenejawanü mapairataje apopepoj̈anepanae. Itsiata Jesús itsa matakaitorobiana, daj̈ita bajaraj̈ua ajibiaej̈anaena.

KANAÜJÜTSIANATSI

4. Tajüwelia baja kajena yapütaeyaej̈ana j̈ua itsijitsia 1914 pawaita

VIDEOJAWA: 1914 pawaita Jesús matakaitoroba atjübütatsia Jehová pejitsipaekuenia (5:02)

Bajayata Nabucodonosor, Babilonia tomarajawata peyanakuaewetsinü Dioso amajitsinaeyaej̈anatsi. Nej̈ata profeta Daniel yapütaeyaej̈anatsi j̈ua yabara bajaraponü amajitsinae. Nabucodonosor nej̈ata amajitsinae najuakuenebeje yabara: pematakaitorobikuene yabara, Dioso Pematakaitorobikuene ata. Palebare Daniel 4:17.a

Palebare Daniel 4:20-26. Bajaraj̈uakujinae pejumape panetaekujinae pajumekanawiatsianame bajarapaliwaisianü:

• (A) ¿Nabucodonosor nej̈ata dej̈ua tane piamajitsinaejawata? (Pataema tsikiriitanetoyobeje 20, 21).

• (B) ¿Deitsi meta nej̈ata bajaraponae? (Pataema tsikiriitanetoyo 23).

• (D) ¿Deitsi meta nej̈ata tsane “siete pawaibeje” pewerewerekaekujinae? (Pataema tsikiriitanetoyo 26).

Bajaraponae Nabucodonosor kamajitsinae, Dioso Pematakaitorobikuene yabara

J̈UA TAJÜWELIA DIOSO YAPÜTAEYAEJ̈ANA (Daniel 4:20-36)

Pematakaitorobijawa

(A) Naejawa bitso pepo piapianae

Pematakaitorobijawa nukajopa

(B) “Panikataj̈uabare bajaraponae”, bajaraj̈uakujinae paewetsianame “siete pawaibeje”

Ikatsia baja matakaitoroba

(D) “Ikatsia yanakuaewetsianame”

Pakuenia kopiaya najumekapanepa:

• (E) ¿Depatsa nej̈ata naejawa yabarajai? (Pataema tsikiriitanetoyo 22).

• (F) ¿Depakujinae baja nej̈ata apomatakaitorobi? (Palebare Daniel 4:29-33).

• (I) ¿Deitsi baja nej̈ata bajaraponü “siete pawaibejekujinae”? (Palebare Daniel 4:34-36).

PAKUENIA KOPIAYA NAJUMEKAPANEPA

Pematakaitorobijawa

(E) Nabucodonosor, Babilonia peyanakuaewetsinü

Pematakaitorobijawa nukajopa

(F) Nabucodonosor matajemabatsi imoj̈oyojawata 606 pawaita Cristo penaej̈anaewajünaeya. Bajaraponü apomatakaitorobi siete pawaibeje

Ikatsia baja matakaitoroba

(I) Nabucodonosor baja apomatajemabitsi. Pejanakuenia baja ikatsia matakaitoroba

Najuatobeje penajumekapanepaejawata:

• (J) ¿Depamonae nej̈ata naejawa yabarajai? (Palebare 1 Crónicas 29:23).

• (K) ¿Depakujinae baja nej̈ata apomatakaitorobi? ¿Depakuenia baja nej̈ata yapütanetsi apopematakaitorobijawa pakujinae Jesús ponapona irata? (Palebare Lucas 21:24, TNM).

• (L) ¿Depakujinae ikatsia matakaitoroba? ¿Dejota?

NAJUATOBEJE PENAJUMEKAPANEPAEJAWATA

Pematakaitorobijawa

(J) Dioso pamonae itapeta Israel nakua pewetsiwinej̈a

Pematakaitorobijawa nukajopa

(K) 607 pawaita Cristo penaej̈anaewajünaeya, werebiaba baja Jerusalén tomarami. Israelitawi nakua pewetsiwi apomatakaitorobi 2.520 pawaibeje.

Ikatsia baja matakaitoroba

(L) Jesús matakaitoroba 1914 pawaita atjübütatsia.

5. 1914 pawaita pinijikuenia baja kajena bitso abeje panakuataje

Pataema VIDEOJAWA.

VIDEOJAWA: 1914 pawaita pinijikuenia baja kajena bitso abeje (1:10)

Jesús baja kajena tajüwelia wajunupaeba pakuenia itsijitsia bajaraponü pematakaitorobinej̈a. Palebare Lucas 21:9-11, panelebikujinae panabarükuaikuaijamü tsane bajarapaliwaisi yabaraje:

• Daj̈ita bajarapaliwaisijawata, ¿dej̈ua baja nej̈ata j̈amü taneme ajena pamatakabianüjawa?

Apóstol Pablo jumaitsinua pakuenia jiwi itsijitsia pekotokaematakabianüjawa. Palebare 2 Timoteo 3:1-5, panelebikujinae panabarükuaikuaijamü tsane paliwaisi yabaraje:

• J̈ua baja lebatsi, ¿dej̈ua baja nej̈ata j̈amü taneme?

6. Dioso baja Pematakaitorobijawa yapütanetsi, ¿debeitsitsi nej̈ata?

Palebare Mateo 24:3, 14, TNM, panelebikujinae panabarükuaikuaijamü tsane paliwaisibeje yabaraje:

• ¿Dej̈uajitsia baja nej̈ata yapütanetsi Jesús pematakaitorobaponaejawa?

• ¿Deitsimü tsipae itsa jitsipame Dioso netonakuenebijawa?

Jesús rabaja matakaitorobapona Dioso pejitsipaekuenia. Bepijia baja daj̈itanakuajawa matakaitorobiana. Palebare Hebreos 10:24, 25, panelebikujinae panabarükuaikuaijamü tsane paliwaisi yabaraje:

• ¿Daj̈itatsi nej̈ata debeitsitsi itsa baja imoj̈oyo Wajatuj̈anenü Jesús pematakaitorobijawa mapairaje?

PALIWAISI BAJA YAPÜTANETSI

Jesús matakaitorobapona atjübütatsia Dioso pejitsipaekuenia. Nej̈ata waj̈aitsi beyapütaeyaej̈anatsi bajarapapematakaitorobijawa itsamonae. Benakaetuatabiabatsinua Jehová pijajiwi yajawa.

Najamatabünapire

• ¿Deitsi baja nej̈ata siete pawaibeje peweretsikujinae j̈ua Daniel yabarajumaitsi?

• ¿Dej̈uajitsia nej̈ata katsitaj̈aniajai Jesús Pematakaitorobijawa atjübütatsia 1914 pawaita Jehová pejitsipaekuenia?

• ¿J̈amü nej̈ata deitsimü tsipae itsa yapütaneme Jesús Pematakaitorobijawa?

YAPÜTAENAME ITSALIWAISI

Lebare j̈ua itsamonae liwaisi pepaebiwi jumaitsi pakuenia jiwi itsijitsia 1914 pawaijawawerenakujinae.

“Bajarapakujinae jiwi pekuene apoj̈anepanae” (¡Naükore!, abril 2007)

Itsanü najamatabükuenepünüyorota pakujinae baja jumeyapütane Mateo 24:14.

“¡Bitso tanamuj̈usitsijawa bajitsipabiabajü beisbol!” (Peyajiwitaebo, número 3, 2017)

¿Dej̈uajitsia nej̈ata yapütanetsi Danieljawata ayaitaneto 4 peyapütaeyaej̈anaejawa Dioso Pematakaitorobijawa?

“¿Depakujinae nej̈ata Jesús matakaitorobiaej̈anatsi atjübütatsia? (Kopiayaliwaisi)” (Peyajiwitaebo, 1 de octubre, 2014)

¿Depakuenia nej̈ata yapütanetsi “siete pawaibeje” yabara Danieljawata ayaiitaneto 4 baja pekopiawerewerekaejawa 1914 pawaita?

“¿Depakujinae nej̈ata Jesús matakaitorobiaej̈anatsi atjübütatsia? (Itsaliwaisi)” (Peyajiwitaebo, 1 de noviembre, 2014)

Jesús bamatakaitorobapona atjübütatsia Dioso pejitsipaekuenia, bej̈üanejewa baja ira j̈anetsiana. Yapütaenatsi pej̈aniakuenejawanü pakujinae Jesús matakaitorobiana pairaje. Kanaüjütsianame j̈ua jamatabükueneewetsianame newajünaeyabelianej̈a.

1. ¿Depakuenia nej̈ata Dioso daj̈ita pibisiakuene werebiabiana mapairataje?

Jesucristo pematakaitorobijawata werebiabiana piajamatabükuenebejewi. Werebiabiananua panakua pematakaitorobikuene (Apocalipsis 16:14, 16). Bajarapakujinae baja nej̈ata j̈ua tujüwelia najumekapanepaeya jumaitsi, najumekapanepaena: “Pibisiacuene pexanaewi, cae-epatoyocujinae saya ajibi tsane” (Salmo 37:10). Pakujinae baja Jesús ira matakaitorobiana ajibiaej̈anaena daj̈ita pibisiakuenejawanü (lebare Isaías 11:4).

2. ¿Depakuenia meta nej̈ata jinawanapaenatsi Dioso baja itsa itsi tsane pejitsipaekuenia mapanakuataje?

Jesús baja itsa matakaitorobiana pairataje, nej̈ata “pexaniacuene pexanaewi, Dioso rajutsiana mapanacuaje daxitamatacabijawabelianexa pejinawanapaenexa” (Salmo 37:29). Kanaüjüre pakujinae daj̈ita pej̈aniakuenewi namataenetsia nasiwa tsane, asiwanua tsane Jehová. ¡Pepo j̈anepanae kajena tsane! Kaejiwi ata kajena apoawitane tsane. Daj̈itajiwi daj̈itamatakabijawabelia jinawanapaena.

3. ¿Deitsi meta nej̈ata tsane piajamatabükuenebejewi pewerebiabikujinae?

Piajamatabükuenebejewi pewerebiabikujinae, Jesús matakaitorobiana 1.000 pawaibeje. Bajaraj̈uakujinae, Jesús, 144.000 pajiwibeje yajawa yawenonaena pewekuaajibiaej̈anaenej̈a jiwi pijanekoni. Jiwi baja nej̈ata anekonijibi tsane. Baja nej̈ata 1.000 pawaibejekujinae, ira baja kajena pepo pej̈aniaira tsane. Jiwi baja nej̈ata barüyaya jinawanapaena Jehová pitorobiliwaisi pejumekowünütsij̈ae. Bajaraj̈uakujinae, Jesús tokanawiatsiana Pematakaitorobijawa Paj̈ajawabelia. Daj̈ita jiwi bitso Dioso wünüyaiyataena (Mateo 6:9, 10), nej̈ata yapütaena j̈aniawaetsiakuenia Jehová Pematakaitorobijawa. Bajaraj̈uakujinae Jehová werebiabiana Dowatji pijajiwi yajawa. Apotokopatsi baja tsane jiwi piakuenebejejawa (Apocalipsis 20:7-10). Daj̈itaj̈ua Dioso matakaitorobiana kaeto ata apowerewerekae tsane.

KANAÜJÜTSIANATSI

4. Jesús itsa matakaitorobiana werebiabiana jiwi pematakaitorobikuene

Bibliabaj̈utota yapütaeyaej̈ana ‘jiwi pijakueneta itsa matakaitoroba daj̈itakuene apoj̈anepanaeʼ (Eclesiastés 8:9). Jehová, Jesús itsa matakaitorobiaej̈anaena nej̈ata daj̈ita j̈anepanaena.

Palebare Daniel 2:44; 2 Tesalonicenses 1:6-8, panelebikujinae panabarükuaikuaijamü tsane paliwaisibeje yabaraje:

• ¿Deitsi nej̈ata tsane Jehová Jesúsbeje jiwi pematakaitorobikuene yabara? ¿Deitsi nej̈ata tsane peyawenonaewinua jiwi pematakaitorobikuene?

• ¿Katsitaj̈anepana nej̈ata j̈ua Jehová Jesúsbeje itsijitsia? ¿Dej̈uajitsia?

5. Jesús j̈aniawaetsiakuenia Pematakaitorobinü

Jesús ira itsa matakaitorobiana j̈aniawaetsiakuenia mapanakuapijiwi yawenonaena. Pataema VIDEOJAWA panenajamatabünapitsinej̈a pakuenia Jesús jitsipa jiwi peyawenonaenej̈a, Dioso pesaü rajutatsi peitsinej̈a.

VIDEOJAWA: Jesús najamatabükueneitajüta pakuenia itsijitsia ira itsa matakaitorobiana (1:13)

Pakujinae Jesús irata ponapona, j̈uanü itsi najamatabükueneitajüta j̈ua itsijitsia pakujinae matakaitorobiana panakuaje Dioso pejitsipaekuenia. Kanaüjütsianame Dioso Pejumeliwaisijawata Dioso j̈ua tajüwelia najumekapanepaeya jumaitsi. ¿Dej̈ua nej̈ata bitso j̈amü netaejawa jitsipaejitsipame? Palebare daj̈ita bajarapaliwaisianü Bibliabaj̈utota.

6. Dioso jitsipa pej̈aniakuene wajanakarajutsinej̈a

VIDEOJAWA: Dioso wajawajünaeyabelia pej̈aniakuene nakatoj̈aina (4:38)

Palebare Salmo 145:16, panelebikujinae panabarükuaikuaijamü tsane paliwaisi yabaraje:

• ¿Dekatsitaitsi nej̈ata Jehová wajanakarajutsinej̈a daj̈ita pej̈aniakuene wajajitsipaekuenia?

PALIWAISI BAJA YAPÜTANETSI

Dioso matakaitorobiana pejitsipaekuenia. Daj̈ita ira pej̈aniaira tsane. Jota pej̈aniakuenewi barüyaya jinawanapaena. Daj̈itamatakabijawabelia Dioso jumekowünütsiana.

Najamatabünapire

• Jesús paira itsa matakaitorobiana, ¿deitsi nej̈ata tsane daj̈itajiwi peyaiyataenej̈a Dioso pewünü?

• ¿Dej̈uajitsia nej̈ata yapütanetsi Dioso penajumekapanepaenej̈a daj̈itaj̈ua rubena Bibliabaj̈utota?

• Daj̈ita pakuenia itsi tsane Jesús itsa matakaitorobiana pairaje, ¿dej̈ua j̈amü jitsipaejitsipame netaejawa?

YAPÜTAENAME ITSALIWAISI

Yapütaema Armagedón yabara.

“¿Dej̈ua yabara “Armagedón” jai?” (Ruka Internet-jawata jw.org)

KYorobare j̈ua Bibliabaj̈uto ­tajüwelia yapütaeyaej̈ana pewajünaeyabelia “jiwi ayaikuenia penabejiobiataematakabi” ­yabara (Mateo 24:21).

¿Dej̈ua nej̈ata yabara “jiwi ayaikuenia penabejiobiataematakabi”? (Ruka Internet-jawata jw.org)

Nej̈i barükanaüjüre pakuenia barüyaya jinawanapaenatsi pakujinae Jesús matakaitorobiana pairaje.

Pakuenia ponaponaename pej̈anianakuata (1:50)

Políticonümi baja pej̈aniajailiwaisi yapütane. Lebare bajaraponü peliwaisi: “J̈anü pikani jitsipabiabajü tayapütaejawa daj̈itakuene”.

“Dioso Pejumeliwaisi jamatabükuenej̈anetatsi” (Peyajiwitaebo, 1 de enero, 2012)