LIWAISI 20

¿Deitsi Jesús j̈aniawaetsia pematakaponaenej̈a pijajiwi Jehová pejamatabükueneta?

Pebaj̈ujumapekapitsapaejawa

Jehová penakuenej̈aniawaetsinü (1 Corintios 14:33, TNM). Bajaraj̈uata tsitaj̈anepanatsi j̈anepanaeya pijajiwi petonakuenebinej̈atsi. ¿Deitsi Jesús j̈aniawaetsia pematakaponaenej̈a pijajiwi Jehová pejamatabükueneta? ¿Deitsitsi j̈aniawaetsia wajanajuatonakuenebinej̈a?

1. ¿Deponü matakaitoroba congregaciónjawata?

“Cristo Dioso tocopatatsi daxita vaxaitsi Dioso vajajumecovënëtsivi vajanacaitorobinexa” (Efesios 5:23). Jesús matakapona atjübüwetsika Jehová pijajiwi pakuenia tonakuenebanajetarubenaejitsia daj̈itanakuajawa. Jesús itapeta tsikiribitsaütoyo ancianoyajuwünüwi, bajarapamonae raja Jehová pijajiwi Pematakaponaewi. Jesús jumaitsi bajarapamonae yabara: ‘kanaüjütsiaya petonakuenebinü nakuenebaponapona pej̈aniajaikueniaʼ (lebare Mateo 24:45-47). Bajarapamonae ewetanajetarubena daj̈itanakuajawa Jehová pejumekowünütsiwi, bajarapijinia bajayatami Jerusalén tomarata apóstolewi, ancianowi yajawa itsi (Hechos 15:2). Itsiata, Jehová pijajiwi Pematakaponaewi pejamatabükueneta apomatakaponae, biji rajane, Jehová pejitsipaekuenia Pejumeliwaisibaj̈utota yapütaeyabiaba, jumekowünütabiabanua Jesús.

2. ¿Deitsi tsabiabi ancianowi?

Ancianowi penajamatabükueneweretsiwi. Bajarapamonae Dioso Pejumeliwaisi pekujarubiwi, jamatabükueneyawenonabiabanua congregaciónpijiwi. Apowajükabiabi palata peyawenonaenej̈a itsamonae. Biji rajane, barüyayakuenia Dioso pijakuenejawanü itsi tsabiabi, apoitsi palata yabara, pejitsipaej̈ae Dioso pejumekowünütsiwi toewetawanapa (1 Pedro 5:1, 2). Ancianowi peyawenonaewi congregaciónjawata nakuenebapona, j̈uakujinae bajarapamonae ata ancianowi tsipae.

Jehová pijajiwi Pematakaponaewi ancianoyajuwünüwijawata itapetabiaba pesiwaj̈ainaewinej̈a kaecongregaciónpijiwi kanakujitsia piajamatabükuenesaüyaej̈anaenej̈a. Pesiwaj̈ainaenü congregaciónjawa jumekowünütabiaba paliwaisianü rubena Bibliabaj̈utota peitapetsinej̈a ancianowi, ancianowi peyawenonaewi ata (1 Timoteo 3:1-10, 12; Tito 1:5-9).

3. ¿Deitsi tsabiabi kaepetotsipaebaponaejiwiyo Jehová congregaciónjawata?

Daj̈itacongregaciónpijiwi najuatoej̈anabiaba pej̈aniakuene Jehovájawabelia penakaetuatsijawata, pakujinae yajawa tsipaebanajetarubena Dioso Pejumeliwaisi itsamonaejawabelia (lebare Salmo 22:22).

KANAÜJÜTSIANATSI

Yapütaenatsi pakuenia Jesús matakaponabiaba pijajiwi, pakuenia ancianomonae ata Jesús pekuenejüpaenej̈a. Yapütaenatsinua j̈ua beitsitsi wajayawenonaenej̈a Jesús, ancianowi ata.

4. Jesús pejamatabükuenej̈anepanaenü namatakanajetaruka

Jesús nakayapütaeyaej̈ana pej̈anialiwaisi. Palebare Mateo 11:28-30, panelebikujinae panabarükuaikuaijamü tsane paliwaisibeje yabaraje:

¿Jesús pematakaponaej̈ae, depitsajamatabükuene j̈aina?

¿Depapej̈aniakuene jitsipa waj̈aitsinej̈a? Pataema VIDEOJAWA.

VIDEOJAWA: Pakuenia ancianowi yawenona ira penajüabikujinae Nepal nakuata (4:56)

Dioso Pejumeliwaisi yapütaeyaej̈ana pakuenia ancianowi beweta Jehová pijajiwi.

Palebare Hechos 20:28; 1 Pedro 5:1-3, panelebikujinae panabarükuaikuaijamü tsane paliwaisibeje yabaraje:

Jesús itsamonae jamatejemayaej̈anabiaba. Ancianowi bajarapakuenia penajamatabüsaütsij̈ae, ¿dejamatabüitsimü?
¿Deitsinua ancianowi Jesús pekuenejüpaenej̈a?

5. Ancianowi tsipaeba penakuenetaekuenia

Jesús jamatabükuenebarüya ancianowi jamatabükuenej̈anepanaeya congregaciónjawata itsa nakueneba. ¿Depakuenia yapütanetsi? Pataema VIDEOJAWA.

VIDEOJAWA: Paj̈amü paancianowimü, ¡pamatakaponare! (7:39)

Jesús nakayapütaeyaej̈ana pakuenia ancianowi bematakapona congregaciónjawata. Palebare Mateo 23:8-12, panelebikujinae panabarükuaikuaijamü tsane paliwaisibeje yabaraje:

Pakuenia jumaitsi Bibliabaj̈utota, ¿depitsajamatabükuene bej̈aina ancianowi? ¿Dejumaitsimü?, ¿sacerdotemonae, pastormonae ata itsi pakuenia jumaitsi Bibliabaj̈utota?

A. Pejumapejawata kaeancianonü nakujarubeka Bibliabaj̈uto, j̈uakujinae nakujaruba pijamonae: 1. Nawajüka Diosojawabelia penakujarubiwajünaeya. 2. Kujaruba pej̈ünatowayo, pijawabeje Dioso Pejumeliwaisi yabara.

B. Bajarapaancianonü pijawa yajawa siwaj̈aina kaewajamonaewa hospital-jawata.

A. Ancianowi najamatabüsaütabiaba penaimoj̈oyotabiabinej̈a Jehovájawabelia, pijamonae ata yawenonabiaba bajarapijinia peitsinej̈a.
B. Ancianowi jamatabüenabiabatsi daj̈itacongregaciónpijiwi.
D. Ancianowi tsipaebabiaba najetarubena Dioso Pejumeliwaisi itsamonaejawabelia.
E. Ancianowi Dioso Pejumeliwaisi kujaruba. Barüaj̈uirajibiaej̈ana Jehova pijajiwi penakaetuatsibota, itsakuenejawanünua barüj̈anebabiaba.

6. Ancianowi beyawenonatsi

Bibliabaj̈uto nakayapütaeyaej̈ana ancianowi wajajumekowünütsinej̈a. Palebare Hebreos 13:17, panelebikujinae panabarükuaikuaijamü tsane paliwaisi yabaraje:

¿Dej̈uajitsia Bibliabaj̈uto nakayapütaeyaej̈ana wajajumekowünütsinej̈a wajanakamatakaponaewi? ¿Bajaraj̈ua dekatsitaitsi? ¿Dej̈uajitsia?

Palebare Lucas 16:10, panelebikujinae panabarükuaikuaijamü tsane paliwaisi yabaraje:

¿Dej̈uajitsia beyawenonatsi ancianowi daj̈itakuenejawalia?

ITSAMONAE BAJUMAITSI: “Aponamatawenonaenü tanaponaenej̈a itsaiglesiamonaeta”, jai.

¿Dej̈uajitsia nej̈ata bitso j̈anepana wajanajuanakaetuanaejawa congregaciónjawata?

PALIWAISI BAJA YAPÜTANETSI

Jesús matakaitorobanajetaruka congregaciónpijiwi. Jesús matakapona ancianowi, nej̈ata waj̈aitsi jitsipaeya bejumekowünütatsi bajarapamonae tsipaji nakaeweta, nakakujarubanua.