LIWAISI 35
Bekanaüjütatsi pakuenia itsijitsiatsi
Itsajawata, natsiwajünaekanaüjütsi atatsi, daj̈ita aponakatoj̈anepanae. Itsa j̈aniawaetsia natsiwajünaekanaüjütatsi pakuenia itsijitsiatsi, nej̈ata naimoj̈oyotsianatsi Jehovájawabelia. Bekanaüjütatsi jota ponaponaejitsiatsi, itsa nakojiobijitsiatsi, pakuenianua j̈aniawaetsia ponaponaejitsiatsi. J̈aniawaetsiakuenia itsa natsiwajünaekanaüjütatsi, nej̈ata barüyaya beponaponatsi, Jehová ata bejamatabükuenebarüyayaej̈anatsi.
1. ¿Depakuenia Bibliabaj̈uto kajamatabükueneyawenonaejitsipa itsakuene neitsiwajünaeya?
Itsakuene neitsiwajünaeya, Jehovájawabelia nawajüre pekayawenonaenej̈a. Bajaraj̈uakujinae, Bibliabaj̈utota jaire j̈ua Jehová jamatabükueneitsi bajarapaliwaisi yabara (lebare Proverbios 2:3-6). Itsajawata kaj̈itajarabarutsianame Jehová pejitsipaekuenia, pakuenia bajaraponü jitsipa nejumekowünütsijawa.
¿Debeitsitsi nej̈ata Bibliabaj̈utota itsa apokaj̈itajarabarutsitsi rowialialiwaisi pakuenia itsijitsiatsi? Bajaraitsi ata, Jehová tsitekaeya nakayawenonanajetaruka pakuenia itsijitsiatsi (Isaías 48:17). ¿Depakuenia nej̈ata Jehová nakayawenona? Bajaraponü nakayapütaeyaej̈ana pej̈aniajailiwaisi pakuenia itsijitsiatsi. Bajarapakuenia nej̈ata yapütaenatsi Jehová pejitsipaekuenia, pakuenia bajaraponü jitsipa, pakuenianua jamatabükueneitsi. Bajaraj̈uata Dioso Pejumeliwaisi belebatsi. Itsa yapütanetsi j̈ua Jehová jitsipa, j̈aniawaetsiakuenia itsitsi. Bajarapakuenia nej̈ata Jehová jamatabükuenebarüyayaej̈anatsi.
2. ¿Debeitsimü itsakuene neitsiwajünaeya?
Bibliabaj̈utota nakayapütaeyaej̈ana benatsiwajünaekanaüjütatsi itsakuene wajaitsiwajünaeya (Proverbios 14:15). Nej̈ata daj̈itakuene neitsiwajünaeya, kopiaya benatsiwajünaekanaüjütame. Nayanijobijitsipame: “¿Depapej̈aniajailiwaisi nej̈ata kaj̈itajarabarutajü Bibliabaj̈utota? ¿J̈ua meta nej̈ata itsinü nejamatejemayaej̈anaena? ¿Itsamonae meta jamatabükuenebijianaejitsipajü? ¿J̈ua meta itsinü Jehová jamatabükuenebarüyayaej̈anaejitsipajü?”. (Proverbios 27:12).
Dioso kaenü nakajumaitsi j̈ua j̈anepana, j̈ua ata abeje waj̈aitsinej̈a. Itsa jumeyapütanetsi j̈aniawaetsiakuenia j̈ua rubena Dioso Pejumeliwaisibaj̈utota, bajarapakuenia itsa jumekowünütatsi, nej̈ata j̈aniawaetsiakuenia yapütaenatsi Dioso pejitsipaekuenia wajajinawanapaenej̈a. Nej̈ata wajajamatabükueneliwaisita yapütaenatsi j̈ua abeje, j̈ua j̈anepana (Romanos 2:14, 15). Bajarapakuenia nej̈ata itsa itsitsi, natsiwajünaekanaüjütatsi itsakuene wajaitsiwajünaeya.
KANAÜJÜTSIANATSI
Yapütaenatsi pej̈aniajailiwaisi Bibliajawata. Wajajamatabüütjütota itsa yapütanetsi pej̈aniajailiwaisi, pej̈aniakuene itsitsi.
3. Jumekowünüre Dioso Pejumeliwaisi
¿Depakuenia nakajamatabükueneyawenona Dioso Pejumeliwaisi itsakuene wajaitsiwajünaeya? Pataema VIDEOJAWA, panetaekujinae panabarükuaikuaijamü tsane paliwaisianü yabaraje:
¿Dej̈ua nej̈ata Jehová nakatojitsipa wajaitsinej̈a?
¿Dej̈uajitsia nej̈ata bajarapakuenia Jehová nakatokopata wajaitsinej̈a?
¿Dioso nej̈ata depakuenia nakayawenona pej̈aniakuene wajaitsinej̈a?
Palebare Filipenses 1:10. Panelebikujinae, pakanaüjüre j̈ua paitsimüjitsia...
... Dioso Pejumeliwaisi kaematakabi kanakujitsia nelebinej̈a.
... nijawa, itsa jume, amona, nej̈i j̈aniawaetsiakuenia nebarüponaponaenej̈a.
... nenakaetuatsinej̈a congregaciónjawata.
4. J̈aniawaetsiakuenia yapütaename Dioso Pejumeliwaisi nenajamatabükueneyapütaenej̈a
Dioso baja pitorobiliwaisi itsa yapütanetsi, nej̈ata nakatoyapüj̈anepana j̈aniawaetsiakuenia j̈ua itsijitsiatsi. ¿Debeitsitsi nej̈ata Bibliabaj̈utota bajarapaliwaisi itsa apokaj̈itajarabarutsitsi pakuenia itsijitsiatsi? Pataema VIDEOJAWA, panetaekujinae panabarükuaikuaijamü tsane paliwaisi yabaraje:
Pakuenia baja taneme videojawata, ¿deitsi nej̈ata wajamonaewa Jehová pejitsipaekuenia peitsinej̈a?
¿Dej̈uajitsia itsajiwiyojawabelia apobeyanijobitsi pakuenia itsijitsiatsi? Palebare Hebreos 5:14, panelebikujinae panabarükuaikuaijamü tsane paliwaisibeje yabaraje:
Nakatsitayapüj̈anepanae ata itsajiwiyojawabelia wajayanijobijawa pakuenia itsijitsiatsi, ¿dej̈uajitsia kaejiwiyo kanakujitsia beyapütane j̈ua itsijitsia?
¿Dej̈uanü nakajamatabükueneyawenona wajayapütaenej̈a j̈ua itsijitsiatsi?
Pakuenia mapa nakayapütaeyaej̈ana belia ponaejitsiatsi, barajapijinia wajajamatabükueneliwaisi itsi.
5. Itsamonae j̈ua itsi, kueneyaiyataema
Pakuenia daj̈itatsi aponaliwaisijüpaetsi, aponakuenejüpae atatsi. ¿Debeitsitsi nej̈ata wajajamatabükueneyaiyataenej̈a itsamonae j̈ua itsi? Kanaüjütsianatsi najuakuenebeje.
Liwaisi 1: Wajamonaewa tsitaj̈anepanatsi penamatanakaukutsijawa. Itsiata itsa nanakaetuata itsacongregaciónjawabelia, wajamonae petiriawi bajarapacongregaciónjawatalia apotsitaj̈anepanaetsi bajarapowa bajarapakuenia penamatanakaukutsij̈ae.
Palebare Romanos 15:1; 1 Corintios 10:23, 24, panelebikujinae panabarükuaikuaijamü tsane paliwaisi yabaraje:
Bibliabaj̈utota nej̈ata pelebikujinae, ¿wajamonaewa nej̈ata debeitsi? J̈ua katsitaj̈anepana itsiata itsajiwiyo itsa apotsitaj̈anepanaetsi, ¿j̈amü nej̈ata deitsimü tsipae?
Liwaisi 2: Wajamonaenü yapütane Bibliabaj̈utota Dioso tsitaabejetsi piaitajibikuene itsiata apopej̈aniitawetsijawa piaitajibiej̈anaeranü. Wajamonaenü apojitsipae piapaejawa, itsiata itsamatakabi fiesta pej̈anaejawata najunatatsi. Nej̈ata bajaraponü wajamonae congregaciónpijiwi tane piapaejawa piaitajibiej̈anaera.
Palebare Lucas 6:37; Romanos 14:1, 10, panelebikujinae panabarükuaikuaijamü tsane paliwaisi yabaraje:
Pakuenia baja Bibliabaj̈utota yapütanetsi, ¿debeitsi nej̈ata wajamonaenü? J̈amü nej̈ata, ¿deitsimü tsipae itsajiwiyo itsakuenetaneme j̈ua j̈amü apokatsitaj̈anepanae?
¿J̈amü nej̈ata deitsimü tsipae itsakuene neitsiwajünaeya?
1. Nawajüre Jehovájawabelia pekayawenonaenej̈a j̈ua jamatabüitsimü (Santiago 1:5).
2. Jaire Bibliabaj̈utojawata, itsa revistabaj̈utonüjawata ata, neyapütaenej̈a pej̈aniajailiwaisi bajaraj̈ua yabara. Beyanijobamenua cristianowi pejamatabükuenenaweretsiwi congregaciónjawata.
3. Kanaüjüre itsakuene neitsiwajünaeya. Nayanijobare: “¿J̈ua jamatabüitsinü itsamonae meta jamatabükueneyawenonaejitsipajü?”, jamatabüjamü.
ITSAMONAE BAJUMAITSI: “J̈amü baja saya j̈ua itsimü j̈anepana. Itsamonae pütsa saya jumekowünütame”, jai.
¿Dej̈uajitsia nej̈ata bejamatabükueneyaiyatanetsi j̈ua Dioso najamatabüj̈aina, itsamonae ata j̈ua najamatabüj̈aina?
PALIWAISI BAJA YAPÜTANETSI
Itsakuene wajaitsiwajünaeya, beyapütanetsi j̈aniawaetsiakuenia pakuenia Dioso jamatabüitsi. Bekanaüjütatsi pej̈aniakuene itsamonae wajatoitsinej̈a, bekanaüjütatsinua, wajajamatabükueneliwaisibijianaeyaniwa ata itsamonae.
Najamatabünapire
¿Deitsimü tsipae itsakuene neitsiwajünaeya Jehová nejamatabükuenebarüyayaej̈anaenej̈a?
¿Deitsimü nej̈ata j̈amü tsipae Jehová pejitsipaekuenia neyapütaenej̈a?
¿Deitsi nej̈ata j̈amü tsipae itsamonae nekueneyaiyataenej̈a?
YAPÜTAENAME ITSALIWAISI
Dioso nenajamatabükueneimoj̈oyotsinej̈a, j̈aniawaetsiakuenia natsiwajünaekanaüjütame j̈ua itsimüjitsia.
“Jehová jamatabükuenebarüyayaej̈anatsi” (Peyajiwitaebo, 15 de abril, 2011)
J̈aniawaetsiakuenia yapütaema pakuenia Jehová pej̈anialiwaisi nakarajuta.
Fútbol penamuj̈usitsinümi najamatabükuenej̈aneta. Peliwaisi yapütaema.
Yapütaema pakuenia Jehová jamatabükuenebarüyayaej̈anatsi itsa yapütanetsi j̈ua nakatojitsipa.