LIWAISI 38
Wajaasaü tsawanapaej̈ae bejamatabükuenebarüyatsi
Ayailiwaisi j̈ainae atatsi, bejamatabükuenebarüya tsawanapaetsi. ¿Depakuenia nej̈ata Jehovájawabelia najamatabükueneitajütatsi pej̈aniakuene wajaasaü tsawanapaej̈ae? ¿Dej̈uajitsia nej̈ata bajarapakuenia beitsitsi?
1. ¿Dej̈uajitsia nej̈ata wajaasaü tsawanapaejawa pepo j̈anepanae?
Wajaasaü tsawanapaejawa bitso j̈anepana tsipaji bajarapakuenia Waj̈a Dioso nakatojitsipa. Bajaraponüjawawerena daj̈itapiasaükuene pitsapa (Salmo 36:9). Dioso rabaja pejamatabükueneta asaü tsawanapaetsi (Hechos 17:25, 28). Jehová namatawenonatsi wajajinawanapaenej̈a. Barüyaya jinawanapatsi bajaraponü pejamatabükueneta (lebare Hechos 14:17).
2. ¿Depakuenia Jehovájawabelia najamatabükueneitajütatsi pej̈aniakuene wajaasaü tsawanapaej̈ae?
J̈amü baja kajena ena pekototojawata itsa rukame, Jehová baja kajena kayapütane. Dioso pijajiwitonü, pewünü David, Diosojawabelia nawajüta pakueniaje: “Itsa abaxë aponaexanaenë taena pecototowecua, xamë netaneme”, jai (Salmo 139:16). J̈amü kajena bitso Jehová asiwaya kanaükota (lebare Mateo 10:29-31). Jehová bitso tsiatanetsi pakujinae itsajiwi beyaj̈uaba itsajiwiyo, tsiatanetsinua pijakueneta itsa nabeyaj̈uaba (Éxodo 20:13).a Jehová ata bitso tsiatanetsi piayaikuene itsa itsitsi. J̈aniawaetsiakuenia itsa naewetatsi, itsamonae ata peitsakueneyaniwa, nej̈ata bajarapakuenia tonajamatabükueneitajütatsi Jehovájawabelia wajajamatabükuenej̈anepanaejawa wajaasaü tsawanapaej̈aenua.
KANAÜJÜTSIANATSI
Yapütaenatsi pakuenia itsijitsiatsi pej̈aniajamatabükuene wajarajutsinej̈a wajaasaü tsawanapaej̈ae.
3. Naewere niawitaneyaniwa
Pepo cristianowitsi najumekapanepaeya jumaitsitsi Jehovájawabelia bajaraponü pejitsipaekuenia wajajinawanapaenej̈a. Bajaraj̈uata j̈aniawaetsiakuenia naewetatsi. J̈aniawaetsiakuenia naperabüewetatsi Jehová wajatonakuenebinej̈a. Palebare Romanos 12:1, 2, panelebikujinae panabarükuaikuaijamü tsane paliwaisibeje yabaraje:
¿Dej̈uajitsia nej̈ata benaperabüewetame niawitaneyaniwa?
¿Depakuenia nej̈ata itsimü tsipae?
4. Nayajiwitaema nenabijiapaetsiyaniwa, itsamonae ata nebijiapaetsiyaniwa
Bibliabaj̈utojawata liwaisi nakayapütaeyaej̈ana itsamonae wajabijiapaetsiyaniwa. Pataema VIDEOJAWA paneyapütaenej̈a bajarapaliwaisianü yabara.
Palebare Proverbios 27:12, panelebikujinae panabarükuaikuaijamü pakuenia nenabijiapaetsiyaniwa...
... nijabojawata.
... nenakuenebijawata.
... deporte neitsijawata.
... itsa yanajetarukame, itsajiwi itsa kayakapona.
5. J̈aniawaetsiakuenia ewere penakueto itsa abaj̈ü pekototojawata pena ruka
David peyanakuaewetsinü yakina pej̈anialiwaisianü Jehová petsitaj̈anepanaekueniatsi penakueto itsa abaj̈ü pekototojawata pena ruka. Palebare Salmo 139:13-17, panelebikujinae panabarükuaikuaijamü tsane paliwaisi yabaraje:
¿Jehovánej̈a baja kajena itsa penakueto pekototojawata pena ruka yapütane piasaü tsarukaejawa?
Bajayatami, pakujinae Jehová yapütaeyaej̈ana israelitamonae pitorobiliwaisi, jumaitsitsi pewetsinej̈a petiriawi penakoj̈itsiwi, penakueto abaj̈ü aponaej̈anaenejewa. Palebare Éxodo 21:22, 23, TNM, panelebikujinae panabarükuaikuaijamü tsane paliwaisianü yabaraje:
Itsajiwiyo apojitsipaenejewa itsa beyaj̈uaba penakueto abaj̈ü aponaej̈anaenejewa, ¿bajarapajiwiyo nej̈ata Jehová desiwajamatabükueneitsi?
Jehová nej̈ata, ¿desiwajamatabükueneliwaisi itsi itsajiwiyo itsa jamatabübeyaj̈uaba penakueto penaej̈anaewajünaeya?b
¿J̈amü nej̈ata dekatsitaitsi j̈ua Dioso najamatabüj̈aina?
Itsajawata penakoj̈itsiwa yapütae ata pakuenia Jehová najamatabüj̈aina penakoj̈iyaj̈aej̈uabijawa yabara, tsitaj̈anepanaejitsipatsi penakoj̈iyaj̈aej̈uabijawa penakueto. Palebare Isaías 41:10, panelebikujinae panabarükuaikuaijamü tsane paliwaisi yabaraje:
Itsamonae penakoj̈itsiwa itsa tojitsipatsi penakoj̈iyaj̈aej̈uabinej̈a, ¿nej̈ata bajarapowa deitsi tsipae? ¿Dej̈uajitsia?
ITSAMONAE BAJUMAITSI: “Petiriwa baja pej̈i bitso ayaibitsaüto itsa j̈aina apoabeje penakoj̈iyaj̈aej̈uabijawa”, jai.
¿Dioso meta nej̈ata najüpaeya tane penakoj̈itsiwa, penakueto ata?, ¿dejumaitsimü tsipae?
PALIWAISI BAJA YAPÜTANETSI
Waj̈aitsi jinawanapatsi Jehová pejitsipaekuenia, nej̈ata j̈aniawaetsiakuenia benaewetatsi, itsamonae ata.
Najamatabünapire
¿Dej̈uajitsia Jehová bitso tsitaj̈anepanatsi wajaasaü tsawanapaejawa?
Itsajiwiyo itsa nabeyaj̈uaba pijakueneta, ¿Jehová nej̈ata desiwajamatabükuene itsi? ¿Jehová desiwajamatabükueneliwaisi itsi jiwibewi?
¿Dej̈ua nej̈ata bitso pepo katsitaj̈anepanae niasaü tsaponaponaej̈ae?
YAPÜTAENAME ITSALIWAISI
¿Depakuenia pej̈aniajamatabükuene rajutatsi Diosojawabelia wajaasaü tsawanapaej̈ae?
Wajaasaü tsawanapaejawa bitso pepo pej̈aniakuene (waji 141) (2:41)
¿Dioso meta nej̈ata barajamatabükuenej̈anepana powa nakoj̈iyaj̈aej̈uaba?
“¿Bibliabaj̈utota dejumaitsi penakoj̈iyaj̈aej̈uabikuene yabara?” (Ruka Internet-jawata jw.org)
Yapütaema pakuenia Dioso jamatabükueneliwaisi itsi piayai deportekuene yabara.
“¿Benamuj̈usitatsi meta nej̈ata piayai deportekuenejawanü?” (¡Naükore!, 8 de octubre, 2000)
Yapütaema j̈ua Bibliabaj̈utota yapütaeyaej̈ana pamonae pijakueneta jamatabünabeyaj̈uaba.
a Jehová siwajamatabükuenebüjai pamonae bitso nabejiobiataewanapa (Salmo 34:18). Bajaraponü jamatabükueneyapütane pajiwi jamatabünabeyaj̈uaba. Bajaraj̈uata nej̈ata bajaraponü jitsipa peyawenonaejawa bajarapamonae. Neyapütaenej̈a, lebianame mapaliwaisije: “¿Itsa jamatabünabeyaj̈uabajü meta Dioso Pejumeliwaisi nejamatabükueneyawenonaejitsipa?”, pekopiarukae secciónjawata.
b Bajarapowa baja nakoj̈iyaj̈aej̈uabi ata, Jehová itsiata barajamatabükuenej̈anepanatsi. Neyapütaenej̈a bajarapaliwaisi jaitsianame “¿Bibliabaj̈utota dejumaitsi penakoj̈iyaj̈aej̈uabikuene yabara?”, pekopiarukae secciónjawata.