J̈aniawaetsiakuenia Dioso pitabarata bejinawanapatsi

Kanaüjüre pakuenia bajarapowa pej̈ünatonüyo j̈aniawaeta peponaewajünaeya peyakinaenej̈a. Bajarapowa baja yapütane j̈aniawaetsiakuenia pej̈ünatonüyo penawaejawa, pijaese baja toaj̈uirajibitsi peponaewajünaeya. Tsipaji bajarapowa nakoj̈iasiwa, bajaraj̈uata nakoj̈ij̈aniawaeta. Bajarapijinia Jehová ata itsi, tsipaji bajaraponü bitso nakaasiwa, nej̈ata bajaraj̈uata nakatojitsipa ajamatabükuenej̈uirajibi, aj̈uirajibi wajajinawanapaenej̈anua. Nej̈ata bajarapakuenia itsa jinawanapatsi, jamatabükuenej̈anepanatsi. Itsamonae ata Dioso yabara j̈aniawaetsiakuenia kuaikuaijai tsane.

1. ¿Debeitsitsi nej̈ata aj̈uirajibia wajajinawanapaenej̈a?

Bibliajawata Jehová nakajumaitsi: “Xaniavaetsia pajinavanapare. Tsipaji xanë apo jitsipaenë pibisiacuene paneexanaejava” (1 Pedro 1:16). Jehová nej̈ata jitsipa aj̈uirajibia wajajinawanapaejawa. Nej̈ata j̈aniawaetsiakuenia benawanetsi, wajaese ata bekiatatsi, wajabo ata, wajacarro itsa j̈ainatsi beaj̈uirajibiaej̈anatsi. Wajanakaetuanaebo ata beaj̈uirajibiaej̈anatsi. Aj̈uirajibia itsa jinawanapatsi, nej̈ata itsamonae j̈aniawaetsiakuenia kuaikuaijai tsane Jehová yabara (2 Corintios 6:3, 4).

2. ¿Dej̈uanü apobeitsitsi j̈aniawaetsia wajajinawanapaenej̈a?

Bibliabaj̈utojawata nakajumaitsi: “Vajavitota pibisiacuene vajaexanabiabijavami, copatsianatsi baja. Vajajamatabëëthëtota pibisiajamatabëcuene vajanajamatabëxainabiabijavami ata, copatsianatsi baja” (2 Corintios 7:1). Daj̈ita j̈aniawaetsiakuenia itsitsi wajanakajamatabükuenebijianaeyaniwa, wajanakaperabübijianaeyaniwanua. Bitso najamatabükuenesaütatsi pibisiabükuene wajanajamatabüj̈ainaeyaniwa, Jehová wajajamatabükuenebarüyayaej̈anaenej̈a (Salmo 104:34). Najamatabükuenesaütatsinua pibisiakuene wajakuaikuaijaiyaniwa (lebare Colosenses 3:8).

¿Dej̈ua ata baja apobeitsitsi? Itsajawanü benakaperabü bijiana, bajaraj̈uata tsema apobejowibitsi, apobetsapabaj̈aetsi cocabaj̈u, chimú ata apobetsapabaj̈aetsi, apobetubitsi drogakuene. Itsakuene ata apobejowibitsi wajaaitajibinej̈a. Nej̈ata bajarapitsikuenejawanü apobetubitsi, apobetsapabaj̈aetsi wajaawitaneyaniwa. Bajarapakuenia yapütanetsi wajakueneta wajanaasiwajawa. J̈aniawaetsiakuenianua Dioso pitabarata wajajinawanapaenej̈a wekuanaewetatsi pibisiakuenejawanü pakuenia pornografía,a masturbaciónkuenewekuab (Salmo 119:37; Efesios 5:5). Itsamonaenej̈a bitso tsitaayapübejetsi pekopatsinej̈a bajarapitsikuene, itsiata Jehová jamatabüyawenona (lebare Isaías 41:13).

KANAÜJÜTSIANATSI

3. Aj̈uirajibia jinawanapatsi Jehová wajayaiyataej̈ae

Papitorobiliwaisi Jehová jumaitsi israelitawijawabelia, nakayapütaeyaej̈ana itsa aj̈uirajibitsi Jehová tsitaj̈anepanatsi. Palebare Éxodo 19:10; 30:17-19, panelebikujinae panabarükuaikuaijamü tsane paliwaisibeje yabaraje:

• ¿Bajarapapitorobiliwaisianü dej̈ua kayapütaeyaej̈ana Jehová yabara?

• ¿Debeitsitsi nej̈ata aj̈uirajibia wajajinawanapaenej̈a?

Daj̈itakuenejawanü wajaaj̈uirajibiaej̈anaenej̈a matakabi bejutatsi, bitso benajamatabükuenesaütatsinua. Nej̈ata daj̈itatsi aj̈uirajibia bejinawanapatsi palata apoj̈ainae atatsi. Pataema VIDEOJAWA, panetaekujinae panabarükuaikuaijamü tsane paliwaisi yabaraje:

VIDEOJAWA: Dioso asiwaya naükota aj̈uirajibia pejinawanapaewi (4:10)

• Dioso Pejumeliwaisi wajatsipaebiwi itsa daj̈ita nakakobekowütane piaj̈uirajibijawa, ¿bajaraj̈ua meta jamatabükueneyawenonaejitsipatsi peyaiyataenej̈a Jehová? ¿Dej̈uajitsia?

4. Nakuenekopare pibisiakuenejawanü

Pejowibiwi apotsitayapüj̈anepanaetsi penakuenekopatsijawa pejowibijawa. Bajaraitsimü tsipae meta j̈amü ata. Nej̈ata bekanaüjütame tsipaji bajaraj̈ua apokatoj̈anepanae. Palebare Mateo 22:37-39, panelebikujinae panabarükuaikuaijamü tsane paliwaisibeje yabaraje:

• ¿Dej̈uajitsia itsa itsajiwiyo jowiba apopijaamigojiwiyo tsipae Jehová?

• ¿Dej̈uajitsia bajarapajiwiyo itsa jowiba jamatabükuenebijianaejitsipa itsamonae?

Üpej̈aniakuenejawabelia kanaüjüre pibisiakuene nenajamatabükuenekopatsinej̈a.c Pataema VIDEOJAWA.

VIDEOJAWA: Benajamatabükuenekataitame pibisiakuene neitsiyaniwa (2:47)

Palebare Filipenses 4:13, TNM, panelebikujinae panabarükuaikuaijamü tsane paliwaisi yabaraje:

• ¿Nakuenekopatsipa pibisiakuene pajiwiyo Bibliabaj̈uto nakujaruba, napona penakaetuatsibo, nawajütanua Diosojawabelia?

5. Najamatabükuenesaüre pibisiakuene neitsiyaniwa, nekanaüjütsiyaniwanua

Palebare Colosenses 3:5, panelebikujinae panabarükuaikuaijamü tsane paliwaisibeje yabaraje:

• Masturbaciónkuene, pornografíakuene, sextearkuened ata, daj̈ita apoj̈anepanae Jehová pitabarata, ¿depakuenia yapütanetsi?

• ¿J̈anepana nej̈ata j̈ua Jehová nakaitoroba wajaajamatabükuenej̈uirajibinej̈a? ¿Dej̈uajitsia?

Yapütaema j̈ua kajamatabükueneyawenonaena pibisikuene nenajamatabüj̈ainaeyaniwa Pataema VIDEOJAWA.

VIDEOJAWA: J̈ua beitsitsi ajamatabükuenej̈uirajibia wajajinawanapaenej̈a (1:51)

Comparaciónkuenia Jesús nakayapütaeyaej̈ana wajaajamatabükuenej̈uirajibinej̈a Dioso pitabarata. Palebare Mateo 5:29, 30, TNM, panelebikujinae panabarükuaikuaijamü tsane paliwaisi yabaraje:

• Jesús apoyabarajumaitsi wajakueneta wajanajamatabükuenebijianaenej̈a, biji rajane benajamatabükueneweretatsi pibisiakuene wajakopatsinej̈a. ¿Debeitsitsi pibisiakuene wajanajamatabüj̈ainaeyaniwa?e

Jehová nej̈ata bitso tsitaj̈anepanatsi nenajamatabükuenesaütsij̈ae pibisiakuene nenajamatabüj̈ainaeyaniwa. Palebare Salmo 103:13, 14, panelebikujinae panabarükuaikuaijamü tsane paliwaisi yabaraje:

• ¿Bajarapaliwaisi meta nej̈ata kajamatabükuenesaütsiayaej̈ana j̈aniawaetsia neponaponaenej̈a? ¿Dej̈uajitsia?

¡Pütsa jamatabükuenefaefaename, najamatabükuenesaüre!

Itsajiwiyo najamatabükuenesaütsi ata pibisiakuene peitsiyaniwa, itsiata pibisiakuene itsi. Bajaraj̈ua nej̈ata jamatabükuenefaefaena. Kanaüjüre pakueniaje: Itsajawata pekujinaerukaenü firapeka. Itsiata aponaj̈uabi pekujinaejinaejawa, juya nonotapuna pekujinaerukaenej̈a ikatsia. Bajarapijinia pibisiakuene itsi atamü, ¿deitsimü tsipae? Pütsa jamatabükuenefaefaename. Jehová rabaja kajamatabükueneyawenonaena pibisiakuene nenakuenekopatsinej̈a.

PALIWAISI BAJA YAPÜTANETSI

Itsa ajamatabükuenej̈uirajibi jinawanapatsi, aj̈uirajibi wajaperabüto, wajakobekowü ata, Jehová jamatabükuenebarüyayaej̈anaenatsi.

Najamatabünapire

• ¿Dej̈uajitsia nej̈ata bitso j̈anepana aj̈uirajibi wajajinawanapaenej̈a?

• ¿Debeitsitsi nej̈ata wajaaj̈uirajibinej̈a wajaperabüto, wajakobekowü ata?

• ¿Debeitsitsi nej̈ata wajaajamatabükuenej̈uirajibinej̈a?

YAPÜTAENAME ITSALIWAISI

Bejiobi atatsi, itsiata aj̈uirajibi bejinawanapatsi. ¿Depakuenia nej̈ata?

Bitso j̈anepana wajanakobekiatsijawa (3:01)

Lebianame paliwaisianü kajamatabükueneyawenonaena nejowibiyaniwa.

“¿Debeitsinü nej̈ata tajowibiyaniwa?” (¡Naükore!, mayo de 2010)

Yapütaema pakuenia kajamatabükuenebijiana pornografíakuenejawa.

“Pornografíakuene, ¿dej̈uajitsia apoj̈anepanae?” (Peyajiwitaebo, 1 de agosto, 2013)

Lebare j̈ua itsanü jamatabükueneyawenonatsi penakuenekopatsinej̈a pornografíakuene petaejawa.

“Aponetsitayapüj̈anepanae ata, nakuenekopatajü” (Peyajiwitaebo, número 4, 2016)