¿Jehová dej̈ua nakayapütaeyaej̈ana pejana yabara?

Wajajana namatawenonatsi wajaasaü tsawanapaenej̈a. Dioso Wajanakaej̈anaej̈ae, bajaraj̈uata kaenü Dioso yapütane pakuenia wajajanata itsijitsiatsi. ¿Jehová dej̈ua nakayapütaeyaej̈ana pejana yabara? ¿Pejana meta nej̈ata bej̈anetsi? ¿Medicinakuenia ata nej̈ata bekanakuenebatsi? ¿J̈amü nej̈ata deitsimü tsipae j̈aniawaetsiakuenia neyapütaenej̈a pejana yabara?

1. ¿Jehová nej̈ata dej̈ua nakayapütaeyaej̈ana pejana yabara?

Bajayata, Jehová bajumaitsi pijajiwijawabelia: “Daj̈itakuenewiriawi asaü tsawanapae pejana pej̈ainaej̈ae” (Levítico 17:14). Pejana yabara asaü tsawanapaetsi. Waj̈aitsi asaü tsawanapaetsi tsipaji bajarapakuenia Jehová nakakopata. Nej̈ata bajaraj̈uata pejana Jehovánej̈a bitso tonamatamotatsi.

2. ¿Dej̈ua nej̈ata Jehová nakatojitsipa pejana yabara?

Noé abaj̈ü peponaponaejawata, Jehová itaweta jiwijawabelia pej̈aeyaniwa pejana (lebare Génesis 9:4; Levítico 17:10). Bajayajebikujinae baja kajena cristianomonae bajarapakuenia itorobatsi. Congregaciónjawata itorobatsi bajarapakuenia peitsinej̈a: “Pëtsa paxaneme peja. Pëtsa paxaneme cuibocuetsacaeya pebeyaxuabinë pevi”, baitsi penakueneitawetsi yabara (lebare Hechos 15:28, 29).

Nej̈ata kanaüjüre pacomparaciónkueniaje: médiconü nej̈ata itsa kaitawetsipa niapaeyaniwa piaitajibiaej̈anaera. Pej̈aejawa itsa j̈aina piaitajibiaej̈anaera, nej̈ata j̈amü apoj̈aemü tsipae, aponakaüj̈ünaemü ata tsipae, ¿batsikaena jane? Bajarapijinia waj̈aitsi ata beitsitsi Jehová itsa nakaitaweta pejana yabara. Pejana apobeyajawaj̈aetsi, pewi apobej̈aetsi j̈ua pejana yajawa j̈aina, apobej̈aetsinua j̈ua pej̈aejawa yajawa pejana seta.

Ajena pamatakabianüjawa ata jiwi pejana natorubiaej̈ana pejumenej̈a. Pejana yajawaj̈aina cuatropawünüjawabeje: glóbulos rojos, glóbulos blancos, plasma, plaquetas yajawa. Itsajawata jiwi nakaüj̈ünaeej̈ana bajarapacuatropawünüjawatabeje. Itsiata Dioso bajarapakuenia apotsitaj̈anepanaetsi. Itsajawata pejanajawata bajarapacuatroj̈uabejejawata kaejawa kanakujitsia j̈aina pepo tsikirijawaj̈i. Médicowi kanakueneba medicamentokuenia. Itsajawata pijinia médicowi ikatsia pejana bajarapajiwiyo torutatsi. Itsiata Bibliabaj̈utojawata pakuenia kaejiwiyo kanakujitsia beitsi aporukae, bajaraj̈uata kaejiwi kanakujitsia beyapütane pakuenia itsijitsia (Gálatas 6:5).a

KANAÜJÜTSIANATSI

3. Pej̈aniakuene itsimüre Jehová nejamatabükuenebarüyayaej̈anaenej̈a

J̈amü nej̈ata itsa awitanemü, itsa namatawenoname ata pekatjabijawa, ¿debeitsimü Jehová nejamatabükuenebarüyayaej̈anaenej̈a? Pataema VIDEOJAWA, panetaekujinae panabarükuaikuaijamü bajaraj̈uanü yabara pakuenia itsimüjitsia:

VIDEOJAWA: Pakuenia itsimüjitsia pejana itsa katorubijitsipa (5:47)

• Jehovájawabelia nawajüre j̈aniawaetsia neyapütaenej̈a (Santiago 1:5).

• Bibliabaj̈utojawata jaire neyapütaenej̈a pakuenia itsimüjitsia (Proverbios 14:15).

• Yanijobare médicojawabelia pakuenia kawaübijitsia.

• J̈aniawaetsiakuenia yapütaema j̈uanü apojumejejamüjitsia kaeto ata.

• Nej̈ata j̈ua itapetame bekajamatabükueneliwaisijamatejemayaej̈ana (Hechos 24:16).b

• Najamatabünapire: pamono ata, pijawa ata, ancianowi ata, Bibliabaj̈uto pekakujarubijiwiyo ata, nej̈ata itsajiwiyo ata apobekaitorobi pakuenia j̈amü itsimüjitsia (Romanos 14:12).

• Yakinare j̈ua itsimüjitsia itsamonae peyapütaenej̈a j̈ua itapetame.

4. Jehová patatotsipaebaponaewi pajitsipajü pej̈aniakuenia patanewaübijawa

Jehová patatotsipaebaponaewi pajumekowünütajü Jehová pitorobikuenia pejana yabara, pajitsipajünua pej̈aniakuenia patanewaübijawa. Pataema VIDEOJAWA.

VIDEOJAWA: Profesornü Massimo Franchi pejana yabarakuaikuaijai (1:36)

Palebare Tito 3:2, panelebikujinae panabarükuaikuaijamü tsane paliwaisi yabaraje:

• ¿Dej̈uajitsia yaiyataeya médicomonae bebarükuaikuaijaitsi, enfermeromonae ata? ¿Debeitsitsi nej̈ata wajanakatoyapüj̈anepanaenej̈a wajabarükuaikuaijainej̈a médicowi?

Apobejumejejaitsi	Kaejiwi kanakujitsia beyapütane
A. Plasma sanguíneo.	Plasma pepo tsikirijawaj̈i j̈aina
B. Glóbulos blancos.	Glóbulos blancos pepo tsikirijawaj̈i j̈aina
D. Plaquetas.	Plaquetas pepo tsikirijawaj̈i j̈aina
E. Glóbulos rojos.	Glóbulos rojos pepo tsikirijawaj̈i j̈aina

5. Pejana j̈aina pepo tsikirijawaj̈i

Pejana j̈aina cuatropawünüjawabeje: glóbulos rojos, glóbulos blancos, plasma, plaquetas. Pejanajawata bajarapacuatrobejejawata, kaejawa kanakujitsia j̈aina pepo tsikirijawaj̈i, wowaijumeta pewünü fracciones sanguíneas.c Itsajawata bajarapafraccionesjawata kanakueneba medicamentokuenia, itsa jume, pejana pewekuaponaewitsi pewaübinej̈a.

Bibliabaj̈utojawata kaeto ata apoyapütaeyaej̈anae pejana pej̈ainaejawa pepo tsikirijawaj̈i. Bajaraj̈uata kaecristianojiwiyo kanakujitsia beyapütane itsa jumejejaijitsia. Itsamonae meta apobejumejejai, itsamonae pijinia jejai. Itsakuene neitsiwajünaeya j̈aniawaetsiakuenia beyapütaneme Bibliabaj̈utojawata pakuenia jumaitsi.

Bajarapakuenia itsa jamatabüitsimü, nayanijobare:

• ¿Depakuenia tsipaebijitsipajü médiconüjawabelia j̈ua yabara apojumejejanü pejana pepo pijatsikirijawaj̈i, itsa jume, itsa jumejejanü?

PALIWAISI BAJA YAPÜTANETSI

Jehová wajayaiyataej̈ae, jumekowünütatsi j̈ua nakaitaweta pejana yabara.

Najamatabünapire

• ¿Dej̈uajitsia bitso Jehovánej̈a pejana pepo j̈anepanae?

• ¿Dej̈uajitsia nej̈ata yapütanetsi Jehová apowajanakatojitsipaejawa wajanatorubiej̈anaejawa pejana?

• ¿Dej̈ua kajamatabükueneyawenonaejitsipa nijamédiconü itsa kaitoroba nenawaübinej̈a pejana pekatorubinej̈a?

YAPÜTAENAME ITSALIWAISI

¿Dej̈ua beyapütaneme nejana nenatorutsiaej̈anaenej̈a ikatsia? ¿Debeitsimü kopiaya neyanijobiwajünaeya pejana yabara?

“Pelebiwi j̈ua yanijoba” (Peyajiwitaebo, 15 de octubre, 2000)

¿Debeitsimü kopiaya neyanijobiwajünaeya fracciones sanguíneas yabara?

“Pelebiwi j̈ua yanijoba” (Peyajiwitaebo, 15 de junio, 2004)

¿Dej̈uajitsia nej̈ata médiconü tsitaj̈anepanatsi Jehová pakuenia itoroba pejana yabara?

“Jumekowünütajü pakuenia Jehová jumaitsi pejana yabara” (¡Naükore!, 8 de diciembre, 2003)

Yapütaema pakuenia ancianowibitsaüto yawenona hospitaljawata wajamonae congregaciónpijiwi itsa awitane.

Jehová yawenona piawitanewi (10:23)