¿Mbaepa yayapota yamboyerovia vaerä Tumpa?

Agüɨye eyapo ikavimbae vae 1 Corintios 6:​9, 10

Yande yaaɨu Jehová yave mbaetɨtako yayapo jae omotareɨ vae.

Tumpa oipotaä ñanemonda, yasavaɨpo, yayedroga ani yaichuu coca.

Tumpa omotareɨ yeyuka, membɨokua jare kuimbae oyoupii yogüɨreko ani kuña oyoupii yogüɨreko. Jae oipotaä yande korepoti potarai ani ñamomora ñeraro reta.

Yande agüɨyetako yamboete tumpa raanga reta ani yayapo mbaekuaa reta.

Ɨvɨ pɨaupe mbaetɨta ñogüɨnoi jókuae mbae ikavimbae oyapo vae.

Eyapo ikavi vae Mateo 7:​12

Yamboyerovia vaerä Tumpa, yayapo aveita jae oipota vae.

Yandepo yayora yave pɨakavi reve yaechauka yaaɨu yande rapichape.

Ndepɨa jupi vaerä, agüɨye eporombotavɨ.

Eporoparareko jare eporoɨ̈ro.

Emoërakua Jehová regua irü retape (Isaías 43:10).