YEMBOE 13

¿Mbaepako metei precursor?

Metei precursor omoërakua oï Tumpa Iñeere — Canadá

Precursor reta omoërakua oï Tumpa Iñeere — Omoërakua o reta rupi

Preocursor reta omboe Tumpa Iñeere japichape — Omboe ïru reta

Metei precursora oyemboe Tumpa Iñeere oñono vaerá ipɨape — Oyemboe oñono vaerä ipɨape

Precursor jaeko kia omboɨpɨ jare oyapo tape ipɨau vae ani ojo ketɨa ipɨau vae yogüeru vae jaɨkue rupi guarä. Jesúsko precursor vae rami, echa oñemondo ɨvɨpe oyeókuai vaerä jare oyapo vaerä tape güɨraja vae tekove opambae vae kotɨ (Mateo 20:28). Añave rupi royapo Jesús oyapo rami jare romborɨ orerapicha reta oiko vaerä Jesús jemimboerä (Mateo 28:19, 20). Jaeramo oime oiparavo vae oyapo vaerä precursor jembiapo.

Precursor jaeko omoërakua vae opa ara rupi. Opaete ore testigo de Jehová romoërakua ñee ikavi vae Tumpa Irreinore. Ërei, oime oï oñono kavi jekove vae ipuere vaerä oyapo precursorado regular jare yasɨ ñavo oupitɨ omoërakua 70 hora. Jaeramo oiparavo ara oparavɨkɨ vaerä. Ïru reta oyeparavoko oyapo vaerä precursorado especial jare oñemondo reta oata oïape omoërakua vaerä; jae reta omoërakua 130 hora ani jeta ye yasɨ ñavo. Precursor reta mbaetɨ ipɨatɨtɨ mbae güɨnoiä vaere jare güɨrovia Jehová omee retata oata chupe vae (Mateo 6:31-33; 1 Timoteo 6:6-8). Ipuereä oyapo vae precursorado regular ani especial vae reta ipuereko oyapo precursorado auxiliar, jare omoërakua 30 ani 50 hora metei yasɨpe.

Mboroaɨu Tumpa jare japichare omokɨ̈reɨ vae precursor. Jesús rami, ore roecha kërai tëtara reta oata oikuaa Tumpare (Marcos 6:34). Jare romombeu yave ikavi yaupitɨta vae, añavema omborɨ reta. Oaɨu ramo japicha reta precursor oiporu jekove omborɨ ïru reta oikuaa vaerä Tumpare (Mateo 22:39; 1 Tesalonicenses 2:8). Kuaeko omborɨ omomɨ̈rata vaerä iporogüɨrovia jare oyemboya katu vaerä Tumpare, jaeramo oyerovia katu reve oiko (Hechos 20:35).