¿Reyapotapa Jehová oipota vae?

Royerovia ndepuere vaere remongeta kuae kuatiarɨru orekuaa katu vaerä. Añave reikuaa katuma mbae ore testigo de Jehová royapo vae jare kërai oparavɨkɨ oreorganización. Roipotatëi ndemborɨ reikuaa vaerä añave jaeño ore royapo roï Jehová oipota vae. Romokɨ̈reɨ jekuaeño reyemboe vaerä Tumpare. Emongeta nderëtara jare vɨa ïru reta ndive reyemboe vae jare oremoïru jekuaeño oreyemboatɨ retape (Hebreos 10:23-25).

Reikuaa katu reo Jehová, reecha kavita kërai yae jae nderaɨu. Jayave, ndepɨakɨ̈reɨta reaɨu vaerä jae (1 Juan 4:8-10, 19). Ërei, ¿këraipa ndepuere reechauka reaɨu Tumpa ara ñavo? ¿Maerapa ikavi ndeve guarä nderekokavi Tumpa oipota rami? ¿Mbaepa nemokɨ̈reɨta reyapo vaerä ore ndive Tumpa oipota vae? Omboe vae Tumpa Iñeere ndeve ndemborɨta reväe vaerä kuae marandu reta iñeemboyevɨ, körai nde jare nderëtara pepuereta peiko avei Tumpa iporoaɨu pe  omee vaerä peve tekove opambae vae (Judas 21).