¿Mbaepa nde rere Biblia re?

BIBLIA JEI VAE

“Opaete Tumpa Iñee oyekuatía oï vae Tumpa ko omombeu.” (2 Timoteo 3:16, Tumpa Iñee.)

MAERAPA IKAVI NDEVE GUARÄ REIKUAA

Yemongeta ikavigüe vae yandeparandu reta peguarä (Proverbios 2:1-5).

Yandemboe yaguata kavi vaerä (Salmo 119:105).

Omee yandeve moroäro ɨmambaema yaiko kavita (Romanos 15:4).

MBAE MBAEREPA YANDEPUERE YAROVIA BIBLIA JEI VAERE

Kuaepe yaechata mboapɨ mbaere:

• Mbaetɨ mbaepe oyoavɨ. Biblia ikuatiaa reta 40 kuimbae, oasa 1600 año rupi oikuatía reta yogüɨreko. Jae reta mbɨtere oime jeta ngaraa oyokuaa. Ërei ngatu, opaete oyekuatía vae iyɨpɨ güive iyapɨ pe mbaetɨ etei oyoavɨ.

• Omombeu opaete mbaereta oasa rami. Historiador reta jekuaekuae oñomi mbae ikavimbae oyapogüe jëta guasu. Ërei ngatu, Biblia oikuatía vae reta mbaetɨ oñomi iyavɨ reta ani jëta guasu mbaeyavɨ reta (2 Crónicas 36:15, 16; Salmo 51:1-4).

• Iprofecía reta jekuae aveiño oyembopo. Biblia ombotenondema Mesías oata Belénpe, metei tëta michi yae vae Judá pegua, 700 arasa ndei oasa mbove (Miqueas 5:2). ¿Jare ketɨpa oa Jesús? Jókopeño, profecía jei rami (Mateo 2:1-6).

  Oime jeta irü profecía oyembopo opaete pe, jesegua jeivae oasa. Añetete, jokoraitako ou rupi yandeYa güi (2 Pedro 1:21).