¿Keräipa tekove arakaete yave kooraɨ Edénpe?

Jehová omee Adán jare Evape jeta mbae ikavi yae vae Génesis 1:28

Jehová oyapo Eva, kuña tenondegua vae, jare omee Adánpe jembirekorä (Génesis 2:​21, 22).

Jehová oyapo Adán jare Eva jeko sɨmbi vae, jete jare iyemongeta ikavi yae ete opaete mbaepe, mbaetɨ güɨnoi mbae ikavimbae vae.

Jae reta oiko ɨvɨ ipöra vaepe, mbaetɨko oyovake, kuaeko jee koraɨ Edén. Jókope yogüireko yerovia rupi, oï metei ɨ̈aka, ɨvɨra ia reta ikavi yae vae jare opaete mɨmba reta.

Jehová imiari jae reta ndive jare omboevi. Oendu yave yogüɨreko aveita ɨvɨ ipöra vaepe.

Tumpa oyókuai chupe reta agüɨye vaerä jou ɨvɨra iagüe jae oiparavo vae Génesis 2:16, 17

Jehová oechauka Adán jare Evape metei ɨvɨra ia jare jei chupe jou kuae yave omanotako.

Metei ángel oñemopüa Tumpare. Kuae ángel pochɨ jaeko aña guasu Satanás.

Satanás oipotaä Adán jare Eva oendu Jehová iñee. Jaeramo, oiporu metei mboi jei vaerä Evape jou yave jókuae ɨvɨra ia, ngaraako omano, jare oikota Tumpa rami. ¡Iyapu yaeko! (Génesis 3:1-5.)